【男士必讀】 情人節送花 全攻略

唔好以為仲有排喎!好快就到情人節喇,仲有個中國情人節元宵會先來一步!
唔少男士每年都會煩惱送乜嘢花俾另一半。HelloToby為大家介紹下今年送花之選,同埋送花嘅留意事項,希望大家情人節過得又浪漫又開心!

情人節送花 ,乜花好?

講到 情人節送花 象徵愛情,玫瑰自然係王道,其中以紅(代表熱戀)、白(代表純潔的愛)同粉紅(代表感動、愛的宣言))最為常見。想特別少少,可以試下橙色、紫色同埋藍色玫瑰,但要記得提早落訂。此外,代表「愛的告白」嘅鬱金香呢幾年亦多咗人揀。其他選擇包括有「百年好合、永結同心」之意嘅百合花、代表「不變的愛」嘅桔梗同埋象徵「希望、美滿」嘅繡球花 。

(已經好緊急,要即刻搵間花店幫手?即上我哋平台啦!)

 

玫瑰花數量代表乜意思?

唔知訂幾多支玫瑰花好?其實都唔一定要送足99朵玫瑰至有誠意,因為原來唔同數量嘅玫瑰花都各有意思,配合埋花數嘅涵意,就更能夠向摯愛傳情達意!

  • 1朵:你是我的唯一,一見鍾情
  • 2:二人世界,心心相印
  • 3:我愛你
  • 4:山盟海誓
  • 5:愛你無怨無悔
  • 6:祝願平安順利
  • 7:喜相逢
  • 8:請求原諒
  • 9:堅定的愛,長長久久
  • 10朵:完美的愛,完美的你,十全十美
  • 12朵:心心相印
  • 24朵:時時刻刻相念你
  • 29朵:愛到永久
  • 36朵:我心屬於妳
  • 44朵:至死不渝
  • 77朵:向你正式求婚
  • 99朵:天長地久,長相廝守
  • 100支:執子之手,與子偕老,百年好合
  • 365朵:天天愛你

 

送花新意思

如果你希望今年搞搞新意思,不妨考慮以下幾個送花之選!

1)豪華之選:玫瑰花盒/加送禮物

圖片來源:Agnes B Fleuriste

覺得齋送花都唔夠?不如揀有附送禮物嘅花盒,好似agnes b. fleuristes嘅玫瑰花盒就附送熊仔同Swarovski手觸。市面上亦有一些花店提供酒店水療同私人歐洲菜體驗禮券,可以供情侣2人一同享用,度過浪漫難忘嘅一日。不過禮券價錢分分鐘仲貴過束花,男士們都係量力而為。

2)浪漫之選:彩虹玫瑰

圖片來源:Daily Mail/ Caters News Agency Ltd

彩虹玫瑰係荷蘭花商將白玫瑰經由人工染色培植而成,花商喺水中加入色素同染料,白玫瑰嘅莖部吸收染料後就會長成七彩繽紛嘅玫瑰。彩虹玫瑰近年喺日本、意大利同瑞典等地都好受歡迎,由於生產耗時,所以價錢亦比一般玫瑰貴。不過有外國傳媒就話彩虹玫瑰背後涵意好簡單,就係「你係值得嘅」!

3)物輕情意重之選:韓式迷你花束

(圖片來源:tychee925/Instagram)

99枝玫瑰雖然浪漫,但貴之餘,捧住咁大束花周圍走都好唔方便。如果女友熱愛韓流,不妨考慮下送韓國大熱嘅迷你花束!韓式迷你花束係用保鮮花或者乾花整成,最細嘅大約只係手掌嘅大小,小巧又可愛!

4)恒久之選:保鮮花

圖片來源:香港保鮮花會Facebook

真花雖然靚,但好快就凋謝晒,想心意保存更耐?咁日本大熱嘅保鮮花就啱晒你!保鮮花又稱為永生花,即係將鮮花經特殊加工,令鮮花唔需要澆水,就可保持色澤同手感,更可存放長達3至5年!隨住技術進步,花嘅種類同顏色亦愈來愈豐富,同真花比一啲都唔輸蝕!除咗花束外,而家唔少花店仲將保鮮花配上音樂盒、公仔同玻璃瓶等材料製成擺設,可以放喺屋企作裝飾。

(話時話,喺我哋HelloToby服務平台除咗可搵到花店幫你安排送花之外,呢個情人節前夕仲推出咗一連串特別服務:優化網上形象情侶愛的紋身情歌獻唱訓練掟煲/箍煲專家代寫動人情書特色約會安排等,梗有一樣啱你!)

 

訂花3大貼士

1)提早訂:切忌臨急抱佛腳

雖然距離情人節仲有一段時間,但千祈咪大安旨意等到前幾日至準備。情人節期間鮮花供應都好緊張,佳節前夕至訂花好可能有錢都冇貨俾你。而且唔少花店都會推出早鳥優惠,1月預訂就會有折扣,所以都係快手趁早落訂好啲,免得到時要四圍撲花。

2)上網訂花

男士們可能覺得去花店揀花始終有啲難為情,咁上網訂花就最啱嘞!而家好多網上花店提供網上訂購服務,列齊花束款式、價錢同圖片,揀啱後Click 一Click就落得訂,方便又快捷!

3)留意送花時間

如果情人節係Weekday,為求方便唔少人都會選擇請花店送花上寫字樓,不過有啲花店喺正日不設指定送貨時間,又或者收取指定送貨嘅附加費,再加上正日生意實忙到冇停手,記得要問清楚花店。唔想女朋友等到下晝至收到花,你亦可以考慮提早少少親自取花!

 

睇咗咁多都仲係心大心細,唔知點揀好?即上我哋嘅網上平台尋找花店服務

延伸閱讀:【韓劇《 鬼怪 》迷必去】孔侑現身防波堤場景香港都有!

延伸閱讀:【步步高陞,事業運升】助你升職加薪轉好工的6大 進修課程

——

除咗以上提到嘅花店服務,我哋個平台仲有好多專家,可以在情人節各方各面需求幫到你手㗎!求或者你需要搵個魔術師?甚至需要個感情顧問即上我哋嘅免費平台啦

你係專家,想加入HelloToby平台搵新客戶?可即按此

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *