【 HelloToby 專家攻略】獲得更多客戶之溝通技巧

人哋話職場如戰場,日常除咗與公司同事溝通,亦少不免接觸唔同需求以及脾氣嘅顧客。 HelloToby 平台透過網絡為各行各業嘅服務專家連繫到潛在新顧客,不過要成功獲得顧客信任,除咗誠意同態度之外,都需要一啲技巧。 到底有乜關鍵可以令自己進一步取得客戶信任呢?即睇以下8大貼士啦!

1)打造好你嘅 HelloToby 專家檔案

網上平台中,客人初步對每個服務專家嘅資料都只係知道皮毛,要吸引顧客就要先讓客人了解多啲你個人或公司背景。請登入到HelloToby網頁手機應用程式內打造好你嘅專家檔案!

首先,你應該要上傳一幅得體嘅頭像照片或公司標誌來代表自己。其次,請填寫「專家簡介」來讓客人對你有初步認識。如果你係個人身分,可以簡述你現在及過往嘅學歷、相關工作資歷以及服務內容。如果你代表公司開設賬戶,可以簡述成立時間、公司性質以及服務內容。平台上有本地及海外顧客,中英雙語嘅自我介紹可提高競爭力。

最後,請於「相冊」內擺放與工作相關嘅證書、過往作品或工作照片,作為你最有說服力嘅工作證明。如果你仲有更多資訊想展示,立即分享埋你嘅Facebook、Instagram、Linkedin以及任何網站連結。完成後,記得先預覽版面再發佈!

  

2)避免以超低報價吸引客人

HelloToby報價功能係希望提供初步預算俾顧客參考。雖然並非最終收費,但專家報價唔能夠與真實情況有太大出入。如果你以超低價報價但日後加價,客人會覺得有欺騙之嫌,情況可能弄巧反拙。報價應該仔細考慮你對項目嘅投放成本,以及項目難度和標準市場價格等,以便提供一個對你同顧客公平嘅價格。如果客人資料未足夠報價,你可以選擇「費用待定」。

3)根據顧客提供的時間去聯絡對方,切忌過於心急

HelloToby平台上,有顧客會指定特定時間進行聯絡。作為服務專家絕對有操守遵守顧客意願,以示尊重。搵客人並非以時間快慢定奪勝負,如果你過於心急聯絡客人,有可能影響顧客日常工作而留下壞印象。只要根據顧客提供的時間去聯絡對方,或在HelloToby手機程式及Whatsapp留言就足夠。

4)發送能令顧客信服嘅報價說明

於投標過程中,你會發現除了「選擇收費模式」及「輸入價錢」外,你還可填寫「報價說明」向潛在客戶詳細解釋。發送前,確保你查看所有需求詳情以及明白所有客戶要求。千祈唔好通用報價說明樣辦,要為每個潛在客戶度身訂造報價!你亦可以上傳照片,如公司報價表、履歷等等。只要你嘅報價內容針對客人要求以及證明你有能力將其解決,報價自然會脫穎而出。

5)謹記表明自己係經HelloToby介紹

報價後,你可能會使用HelloToby聊天室以外嘅方法與客人溝通,你必須要向客人表明身分同來歷。根據調查,大部分專家會以「Hi,你係咪想要某某服務?」來作開場白;不過,效果並唔理想。因為客人對服務專家一無所知、感覺唐突而冇禮貌,所以謹記要先介紹「我係HelloToby嘅專家」才開始簡介自己背景。

6)避免強硬推銷,對客人造成煩擾

大部分HelloToby客戶希望透過簡便嘅網絡聯繫就得到專家推介,期待平台專家都係有質素以及良好服務態度。專家強硬推銷或過於進取會俾客人太多壓力,反而破壞生意成交嘅可能性。促成交易嘅關鍵在於自信與真誠嘅態度,如果客人有意欲聘用你,你只要順勢而為、保持不卑不亢態度待對方回應即可。如果客人有唔同理由拒絕,切勿急於否定或說服對方,你應該保持禮貌簡短講出自己優勝之處,表示希望下次有合作機會,在客人心目中留個好印象。客人有空間思考時,或許會把你重新考慮。

7)向顧客講明你嘅服務時間

如果你所接嘅服務項目較簡單,相信你可以喺短時間內完成,但仍最好預留一兩日時間用作修訂同調動。如果屬於長時間服務項目,請事先與客人溝通達成共識,例如講明項目為期幾耐?分幾多個階段進行?另外,請列明你嘅辦公時間,例如你進行服務嘅日子係於周末還是平日。

8)如果成功被聘用,記得提醒客戶按「聘請」並給你一個高度評價

想你嘅專家檔案與別不同?記得提醒客戶按「聘請」,你受僱用嘅次數將會決定你記錄係咪良好。如果你客人送你一個高度評價,以後新嘅顧客就會知道你所提供嘅服務有保證,好可能增加你再受聘用嘅成功率。

 

睇完以上服務專家貼士,唔知對你有冇啟發呢?如果你以往服務有美中不足嘅地方,記得改咗佢啦!

 

HelloToby歡迎唔同專家成為我們一份子,想透過平台認識更多顧客?立即到HelloToby登記成為用戶啦!

立即登記

>>> 【 HelloToby 專家全攻略】如何註冊成為專家 + 如何報價 <<<

如果你想了解下我哋提供邊類服務,亦可以上HelloToby主頁瀏覽!

——

延伸閱讀:【 Slash 不是廢青】香港10大傑出青年 Slash 版

延伸閱讀:【搵外快必讀】做 Freelance 的10大貼士

延伸閱讀:【 We Want You! 】 投稿 —— 鼓勵個人增值,啟發創意交流!

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *