5 Recommended Malls in Shenzhen

5 Recommended Malls in Shenzhen

Shenzhen
5474
Updated on 2024-03-29 01:21
Event Detail
越來越多港人都會喺週末北上逛街消費,希望換換感覺。同樣係行商場,但深圳嘅商場規模又大,地方寬敞之餘都冇香港咁迫,而且換個環境就令唔少人產生出「去咗一次旅行」嘅感覺,自然畀到香港人一種新鮮感。所以今次我哋揀選左幾個深圳嘅新興或者受歡迎商場,為大家帶來新嘅商場好去處。
1. COCO Park
位於深圳地下鐵路沿線,在購物公園站下車就會去到。如果從羅湖出發,大概八個車站左右就到。商場內有各式各樣的商店和食市,如內地著名的熱點餐廳:陳鵬鵬,探魚等等;另外,商場亦有電影院、酒吧、書店等,地下中心也常有一些活動擺檔,適合有不同嗜好的朋友一齊玩!
最特別在於商場設有一個露天遊樂場,船身的外觀、配合內部各種攀爬、滑梯等小朋友遊樂設施,加上有專業工作人員及安全繩網等保障,家人自然可以放心帶小朋友來玩!
地址:深圳市福田區福華三路269號COCOPark (近星河國際花園)
2. 壹方天地 Uniworld
深圳首個以block概念而建成的商場,分有A-E區5個主題區,以及一條長1,000米的步行街。全個商場面積60萬平方米,是深圳第二大的商場!不過商場暫時只有A區「新趣樂游紛享空間」是對外營業。
商場內有多個可愛公仔裝置讓大家打打卡,加上商場富有特色嘅設計,令人單係打卡影相都足以玩半日。另外商場入面的Cinesky新天影院裝修十分特別,有時間不妨進去睇場戲。
地址:深圳龍華區人民路與景龍建設路交匯處
3. 方大城 Fangda City
方大城建於華僑城附近,面積約33萬平方米,樓高4層,商場內有包括全深圳第二間華誼兄弟影院。在視覺上一定有與別不同的享受。
食肆則有全深圳最大間的海底撈、潤園四季椰子雞、打卡小店與咖啡店等等。當中最特別的餐廳就是網紅店「3’紛鐘熱度現烤吐司」,店內的熱賣品牛油果吐司成功吸引了不少粉絲,去到當然要試試!商場亦有文青書店「覔」,食飽可以去打書釘、或者欣賞一下書店特別的裝修。
地址:深圳南山區龍珠4路2號
4. 卓越InTown
以超多美食聞名的「卓越InTown」商場,就在深圳鐵路會展中心站E出口。多個人氣的網紅食店如:八合里、Lady 7、麻布茶房、海底撈等等。因為商場人流不會集中在某幾間出名餐廳,所以都不需要大排長龍,絕對滿足到鍾意周圍「食好西」的你!特別推薦網友首推:潤園四季椰子雞。
餐廳以清甜的椰青作為湯底,再加入椰青肉,清新嘅椰香、啖啖椰肉嘅湯底,更能突出新鮮雞肉的鮮甜。就算無加額外的調味料,雞肉本身的鮮嫩已好食到令人上癮!
地址:深圳市福田區福華三路會展中心東
5. 萬象天地
「萬象天地」位於深圳南山區,商場富有藝術色彩嘅設計、加上多間文青cafe就引來不少人前來打卡。商場最標誌性的設計絕對是正門處的大象藝術裝置「Bubblecoat Elephant」,而最吸引情侶的「SeeSaw Coffee」 網紅店就在搶眼的大象裝置下。商場裡面空間感十足,落地玻璃的設計,陽光穿透時產生的自然光影、配合店鋪左邊設計得像個小溫室,放滿了色彩繽紛的花束,令人有如置身環境清幽又不失玩味的花園。有不少客人都會在花堆中拍照,千萬不要錯過!
地址:廣東深圳市深南大道9668號
No photo yet
No Q&A yet


No Review