想知今年流行髮型係咩?
女人天生愛美麗,梗係由頭到腳都要扮到至靚啦!要知道髮型係形象關鍵,女仔剪頭髮絕對唔可以馬馬虎虎。無論你想剪頭髮、Set頭髮、頭髮造型,都要配合自己面型以及緊貼潮流髮型 。如果你缺乏女生髮型靈感,唔使煩!Toby 為大家搜羅咗8個 今最流行嘅女士頭髮造型,短髮、中長髮以及 長頭髮造型亦包括在內。仲有埋編髮 、髮髻教學,全部都可以喺10分鐘內完成。想知今年興乜頭?除咗睇 2019 女仔髮型8大流行之選,隨著Toby全港髮型屋指南推出,一系列共88種嘅變髮優惠亦已上架,優惠組合超過88種,而且低4折,組合包括各種電髮、染髮同hair treatment!
1)精靈頭( Pixie Cut )— 女神頭髮型
如果你自問鍾意突破同勇於挑戰女生髮型 ,「 精靈頭 」絕對係你短髮造型嘅首選!因為呢個頭必須剪到好短先成形,短到從髮根算起只有1吋。「 精靈頭 」有輕盈、靈動、柔弱的風味,好似邱比特或小天使嘅頭髮。不過,呢個短髮型唔容易Carry,要臉蛋細小同五官細緻先配合。60年代電影女角 柯德莉夏萍( Audrey Hepburn )就係精靈頭嘅鼻祖,而香港女星蘇麗珊亦常以此髮示人。
2)波波頭( Bob、Lob、Wob )— 中短髮造型
「 Bob頭 」(又稱鮑伯頭 )係發源於50年代,而90年代十分流行嘅經典髮型,用了圓潤嘅曲線加上緊貼輪廓嘅剪裁,有助突出或者改善面型。時至今日,Bob 頭已經唔再係「 冬菇頭 」。客人可以配合唔同顏色、瀏海,以及鬈度,從而詮釋出唔同風格。前幾年曾經流行 日本髮型「內鬈短髮Bob頭」,貪佢劉海及整個 日系髮型 有「 空氣感 」、有層次。最近又吹起幾股新旋風,分別係韓式髮型 「外翹Bob頭」、「 Lob頭 」以及「 Wob頭 」。
「外翹Bob頭」嘅髮尾向外彎曲,有啲似八爪魚,比較適合青春可愛嘅少女。而「 Lob頭 」意思為 Long Bob頭,頭髮及肩,微微劉海,唔單止修飾額頭線條,更增添了幾分女人味。而「 Wob頭 」即是Wavy Bob ,強調將頭髮捲成大波浪,並帶點凌亂,添了幾分慵懶愜意感,適合時尚女性。
想電Bob頭?睇吓邊種電髮技術適合啦!
【✦Toby獨家✦】自選剪、染、電、焗油組合套餐 – Hair MaMa (觀塘)
可於8項服務中任選3項,只需$888 (原價:$1,480)
全新全港髮型屋指南正式登場!同時亦為你帶來獨家變髮優惠!
全港髮型屋指南+188種優惠
3)現代毛毛頭( The Modern Shag )— 今年流行髮型
如果「 Bob頭 」已經俾唔到你新鮮感,你可以嘗試 2019年嶄新髮型—— 現代毛毛頭(The Modern Shag)! 毛毛頭係由以往波浪頭(公仔麵頭)所改良而成。比起「 大波浪捲 」、「 小波浪捲 」、「 韓國泡麵頭 」,毛毛頭的中長曲髮設計較注重捲髮的幅度及頭髮長度,完成的髮型捲曲程度不一!
毛毛頭潮流係由 Chloe Moretz 所帶起,以往女士都會覺得唔長唔短嘅頭髮同毛躁髮質好難打理,但各位女士唔使再煩啦!因為呢個髮型可以利用你嘅細毛髮增加髮量感,配合不同卷曲度,令長髮層次更突出。髮型帶點玩味、時尚感及搖滾味。
4)丸子頭 / 春麗頭 — 經典女生髮型
對於「長髮控」女士而言,留長頭髮有趣之處係喺日常可以整出唔同長髮髮型。「 丸子頭 」( Up-do Top Knot )已經流行咗一段時間,今年加了少少新意思。「 丸子頭 」唔再將全部頭髮綁起,而係將一半頭髮放下來營造蓬鬆感,此中長髮型係街拍經常出現,短髮女生不妨一試。另外,近年亦興起綁「 春麗頭 」大賣可愛,呢個女仔髮型咁似娃娃,一定會幫你迅速減齡。
5)雙荷蘭辮( Dutch Braid )— 特色長髮造型
除咗綁髮髻 ,你亦可以考慮編髮 。人稱豐臀女星嘅Kim Kardashiano經常編「 雙荷蘭辮 」出席時裝騷,使歐美掀起熱潮。唔好以為好難,喺 YouTube上睇編髮教學,其實同普通鬢辮一樣,只要將向「上」交叉手勢改成向「下」交叉,並且每節抓一撮頭髮入編髮裏就可以整到雙荷蘭辮㗎啦!唔少女欖球員都編雙荷蘭辮落場,喜歡運動風嘅朋友不妨一試。
丸子頭、春麗頭以及雙荷蘭辮均好適合日常造型。如果你出席隆重場合,可能要Set頭配合唔同打扮。可以上我哋平台搵專家度身訂造最啱你嘅髮型(女),化埋妝都得㗎!
全新全港髮型屋指南正式登場!同時亦為你帶來獨家優惠!
HelloToby全港髮型屋指南+88種優惠
6) 漸變頭 ( Ombre )— 夢幻 髮型設計
「 漸變頭 」喺2019年已經旋風式喺全球各地興起熱潮。如果普通嘅長頭髮造型及只有一種顏色染髮 已經滿足唔到你,漸變頭就啱晒啦!逐漸褪色得來嘅效果比你想像中更七彩繽紛,炙手可熱嘅染髮顏色有粉紅、玫瑰金、灰金色、橙紅等夢幻暖色, 就連IG都掀起#PeachHair 。其實有一把長頭髮嘅你可以大膽嘗試唔同顏色組合,部分髮型師甚至會為髮型定題材,如Unicorn頭、Galaxy頭同 Cotton Candy頭,十分夢幻。
【Toby限定|6月半價】Ombre漂染+Shiseido底色連護髮 – T O-P Hair (旺角)
【潮流漸變之選】Ombre漸變染髮(漂2次)+Shiseido底色+Shiseido深層護理+送埋洗剪吹Toby價:$968 (原價:$2,148)
7)法式挑染( Balayage )— Highlight頭髮別緻美感
如果你係上班族,可能唔能夠染七彩顏色嘅頭髮。想有少少變化?低調少少嘅「 法式挑染 」(Balayage)絕對適合你啦!頭髮底層係深棕色,而表面就 Highlight 少少金髮或淺棕色頭髮作點綴。低調挑染配合曲髮造型,呈現出一種自然的流行感,又不失貴氣。
8)俐落油頭( Super Sleek Hair )— 典雅晚裝髮型
唔好以為髮型分界一定係要九一分界呀!美國超模姊妹花Gigi Hadid同Bella Hadid就話俾大家聽,潮流已經改變咗啦!今年流行俐落貼服嘅髮型,著重散發女性知性氣質,俾人自信以及獨當一面感覺。短頭髮型要做到俐落貼服,頭髮分界要清,髮質亦要順滑垂直。除了用電風筒吹直,亦可用直髮夾電髮。
睇完以上咁多款潮流女性髮型 、 女性頭髮造型 ,係唔係心思思想轉個新造型呢?你可以係Toby搵合適你嘅髮型師,可以睇埋髮型師過往作品同Salon報價添!另外我哋悉心準備咗2020髮型設計費用價錢指南,希望可以幫你了解到大概需要嘅Budget!
香港Salon推介 (仲有獨家優惠)
今期Toby為大家準備左2間髮型屋,佢哋嘅髮型師經常去世界各地鑽研唔同嘅電染技術,務求將最新嘅電染技術帶番香港。
Stage Hair Salon (銅鑼灣)
地址:銅鑼灣駱克道543號2樓
時間:12:00Pm – 09:30pm (星期一至日)
LaLa Hair Salon
地址:九龍尖沙咀金馬倫道14A 1樓
時間:11:00am – 09:00pm (星期一至日)
無論你想電曲髮、電直髮、Highlight定係想護髮焗油,都總有一個優惠Package適合你!
依加俾住幾個優惠你睇住先啦:
1. $840 日本SHISEIDO專業挑染組合 >>立即搶購 (原價: $1,680)
2. $580 [韓式髮型]【Korean Magic Perm】韓式電髮+電前修護 >>立即搶購 (原價: $1,160)
↓↓立即查看更多優惠↓↓
你都想刊登喺我地嘅「全港髮型指南」?即刻聯絡我哋啦!
———
延伸閱讀:【男士髮型推介】型男必梳 8個潮流髮型
延伸閱讀:【頭髮毛躁必讀】專家教你改善髮質 推薦五大護髮療程
延伸閱讀:【香港Salon推薦】最新染髮技術 打造3個必試流行染髮造型
延伸閱讀:【電髮轉造型必讀】比較三種電髮種類 打造完美梨花頭、Bob頭
緊貼Toby Blog同Facebook Page,隨時搵Toby幫手!