大澳好去處 - 體驗老香港漁鄉風情

大澳好去處 - 體驗老香港漁鄉風情

分享
更新於05.31.2019

喺香港呢個咁忙碌同繁榮嘅國際大都市,其實仲有一啲民風純樸嘅鄉村小鎮。為咗令咁多位平時習慣喺市區搏殺嘅香港人可以好好放鬆一下,HelloToby 將會為大家搜羅多個隱世地方好去處,等大家可以放假嗰陣抖下氣;而今次我哋就以大澳做開始。

大澳位於香港新界大嶼山西部,係香港現存嘅其中一條漁村,村落部分位處大澳島上。大澳因為能夠反映出古時香港嘅漁村風貌,同現今香港嘅國際大都會形象相映成趣,所以絕對值得一去!

大澳一條水道向西、北岔開,大澳島正位處分岔口之上。由於地形獨特,位處河岸兩側,所以需要由兩條橋將兩岸連接。大澳面向南中國海,西北方係港珠澳大橋嘅跨境高速公路同海底隧道,而大澳東北面不遠處就係香港國際機場。

遊客嚟到大澳,鹹魚、茶果、蝦醬同魚肚就係首選手信,喺唔同鋪頭同中心大街兩旁都有得賣。除咗去大澳街市街選購之外,遊客亦可以前往石仔埗街嘅店舖購買。

想體驗一下大澳文化深度遊,記得嚟留意 HelloToby 為你精選嘅大澳好去處啦!

智能排序
大澳好去處 - 棚屋之旅
3033
大澳好去處2019假日週末好去處情侶活動
免費
大澳
有東方威尼斯之稱嘅大澳,仍保留住漁村嘅古樸風味。豎立於水面上嘅棚屋,亦係大澳著名嘅地標。 一場嚟到,梗係要試下各種港式懷舊茶果啦!
大澳好去處 - 文化體驗工作坊
2027
大澳好去處2019假日週末好去處情侶活動
$50
大澳
嚟到大澳,梗係要親身感受一下呢度嘅風土人情,YWCA嘅工作坊唔單止比你親身學習點樣製作織漁網同鹹蛋黃,同時推動本土經濟可持續發展,可以話係一舉兩得啊!
大澳好去處 - 遠足路線推介
1623
大澳好去處2019假日週末好去處情侶活動
免費
大澳
無論你係行山發燒友定新手,大澳行山路線總有一條適合你。新手們就最適合虎山路線啦,簡單得嚟又輕鬆。想睇靚景就要行東澳古道啦,途中景點眾多,記得要做好準備先好出發!
大澳好去處 - 搭艇睇海豚之旅
788
大澳好去處2019假日週末好去處情侶活動
$25
大澳
出海尋找中華白海豚可以話係嚟大澳嘅必備行程,但海豚數量稀少,想見到真係要靠下運氣啦!想親眼見到海豚,搵最熟路嘅船家帶路就一定唔會中伏!
大澳好去處 - 大澳文物酒店
754
大澳好去處2019假日週末好去處情侶活動
大澳
大澳文物酒店前身為舊大澳警處,被評為二級歷史建築。經過活化後成為復古文物酒店。酒店亦提供各種工作坊,住客能透過活動體驗大澳傳統生活文化。
大澳好去處 - 昂坪360 大嶼山海陸導賞團
614
大澳好去處2019假日週末好去處情侶活動
免費
昂坪
想一次過玩哂睇哂大澳同附近嘅景點,昂平360舉辦嘅「360 大嶼山海陸導賞團」就啱哂你啦!有專業導遊帶你玩齊大嶼山、大澳同昂平各種景點,感受漁村獨有嘅文化氣息。
大澳好去處 - 紅樹林
524
大澳好去處2019假日週末好去處情侶活動
免費
大澳
紅樹林係大澳其中一個小眾景點,絕對係大澳另一個必去打卡位。呢度仲有唔少小動物生活,有彈塗魚、招潮蟹同小白鷺等各種生物棲息於此。
大澳好去處 - 文化古蹟好去處
343
大澳好去處2019假日週末好去處情侶活動
免費
大澳
大澳作為香港現存僅有嘅漁村之一,有唔少法定古蹟好值得去參觀㗎。其中楊侯古廟係大澳歷史悠久嘅廟宇之一,更於2011年列為國家級非物質文化遺產名錄。另一景點係石麟閣,大澳人稱之為「新樓」。喺日佔時期曾被日軍徵用為指揮總部。
上刊登節目