【農曆新年賀歲片 2019】好戲連場、粒粒巨星!

【農曆新年賀歲片 2019】好戲連場、粒粒巨星!

香港多處
2019年1月尾 - 2月
256
更新於2019-01-23 09:36
有興趣
加到日曆
主辦單位
其他可能感興趣的活動
Pacific Coffee「免費升級咖啡優惠」
推廣優惠
2018年10月23日 - 2019年1月23日
【BLACKPINK演唱會】1月首次香港開騷
音樂/演唱會
2019年1月26日
北洋軍.政.歲月
展覽
2018年10月26日 - 2019年1月23日 ,
HelloToby
上刊登節目
活動詳情
詳細日期
2019年1月31日起 - 2月
2019嘅農曆新年真係多嘢玩!首先就有張學友同鄭中基前後腳喺紅館開演唱會;然後就有周星馳、王祖藍同林敏聰等人執導嘅賀歲片上映;仲會有劉青雲、張家輝等巨星參演嘅好戲《廉政風雲》上映!
當然,相信多數人嘅賀歲片首選仍然係走入戲院笑餐飽!跟住落嚟嘅賀歲片推介就相信啱哂鍾意笑嘅你!
《新喜劇之王》:公映日期 - 2019年2月5日
1999年周星馳主演嘅賀歲電影《喜劇之王》爆紅成經典電影,時隔近20年,終於喺2019年新年迎嚟新版喜劇之王!據了解,今次續集,星爺負責劇本創作同監製,未有主演,改由中國內地演員王寶強擔正,而且演員全數換新,無緣再見到莫文蔚、張栢芝、周星馳聚首一堂過戲癮!
據了解,本來星爺計劃喺2019農曆新年推出嘅賀歲電影為《美人魚2》,但因後製工作多,趕唔切上映,所以秘密開拍《新喜劇之王》,由前期到後製總共只係花咗三個月時間,非常快手!而演員同劇本嘅保密功夫都做到足,一直只係傳聞。
另外,早前《新喜劇之王》官方微博公佈咗電影海報,當中海報女主角竟然以「白雪公主」示人,冇任何正面相,相當神秘,有傳指女主角係「星女郎」林允!
《你咪理,我愛你!》:公映日期 - 2019年1月31日
賀歲片《你咪理,我愛你!》由樂易玲及曾志偉監製、王祖藍首次執導,見到幕後班底就知呢套係百分百喜劇!
原來《你咪理,我愛你!》是係一部爆笑賀歲歌舞片,劇情改編自百老匯音樂劇《I Love You, You Are Perfect, Now Change》,呢套百老匯音樂劇堪稱第二長壽嘅音樂劇,由96年起連續公演至今,相信今次改編成港版電影,受歡迎程度不減。
《你咪理,我愛你!》有近50位演員參演,當中包括毛舜筠、王菀之、阮兆祥、楊詩敏 (蝦頭)、陳嘉佳 (細細粒)、余香凝等,演繹13段愛情同親情故事,透過獨立小品展現出港式情懷!唔知當《你咪理,我愛你!》遇上《新喜劇之王》,王祖藍對撼星爺,香港票房邊個會更好?
《玩轉全家福》:公映日期 - 2019年2月5日
新晉導演丁仕昀執導嘅港產賀歲片《玩轉全家福》,邀靖到鄭欣宜、盧海鵬、林曉峰、林德信、邵音音等人主演,班底全部都係搞笑之人!
據了解,《玩轉全家福》係鄭欣宜繼《29+1》後再度主演嘅電影,由她part住笑匠盧海鵬同邵音音前輩,唔知會有乜火花呢?
《恭喜八婆》:公映日期 - 1月31日
由彭浩翔首次執導嘅賀歲片《恭喜八婆》,一眾男女主角包括梁洛施、陳靜、谷祖琳、林兆霞、陳逸寧、陳奐仁、楊柳青、郭奕芯、徐天佑等,單憑人數同選角就感受到會有幾八!更難得嘅係四哥謝賢都會參演,咁多位美女演員同佢都會有對手戲!
今次嘅演員組合唔少係來自《春嬌與志明》同《低俗喜劇》,唔單止有楊千嬅撐場,梁詠琪GiGi更再度化身女警一角,最爆之處係同彭浩翔飾演前度男女朋友!
而Dada就會同豪Dee做對手戲,Dada惹火身材更令豪Dee喺幕後大爆「硬晒」!陳靜Dada仲帶同姨甥女「小饅頭」一齊上鏡,人仔細細好鬼馬,都好上鏡架!
《如珠如寶》:公映日期 - 2019年2月2日
鬼才林敏驄今個新年都參與賀歲片製作,首次執導《如珠如寶》,請嚟張繼聰、王菀之、阿Bob(林盛斌)、恬妞、林雪、吳耀漢、泰迪羅賓、龍哥(梁小龍)等喜劇新舊演員擦出火花!
當中最大賣點係,林敏驄竟成功邀請到大哥洪金寶演出呢套電影!大哥已經好多年冇參演香港電影,今次新年再度出山,實屬難得。林敏驄笑稱要用天價片酬先令到大哥出山,但其實佢哋私底下老友鬼鬼,真相係點只有佢哋知道!
如珠如寶劇情講述喺安憩老人院發生嘅故事,一眾人物角色已經揭曉!張繼聰係有理想冇大志嘅小職員;王菀之飾演老人院護士,鍾意「小鮮肉」;林雪係奸商一名;阿Bob是個看護,喺劇中愛上一位女神;恬妞喺老人院中深受老伯們喜愛!
暫無相集
討論區
暫無討論
活動評價
暫無評價