AGA嘅歌曲一向以細緻、用心見稱。由AGA出版嘅demo至錄音版嘅歌曲，唔難發現不斷加入嘅多樣化新元素同想法，豐富創作。AGA透露今次MOOV LIVE嘅歌曲編排上，除咗演繹自己嘅作品之外，更加會精心挑選其他歌曲串連其中，並將唔同嘅編曲、風格同演繹節奏cross-over，顛覆樂迷對歌曲嘅既定想像，打造專屬AGA嘅風格版本。AGA更加為今次演出精心排舞，希望演出更加豐富同多樣化，務求展現「不一樣的AGA」。

而主辦方MOOV今次亦秉成「音樂盛事樂迷話事」概念，畀樂迷投票參與演唱會內容。樂迷可於【MOOV LIVE AGA】投選最想AGA特別演繹嘅ENCORE歌曲，包括《3AM》、《無期》、《Superman》、《一》，AGA將會以特別嘅演繹方式呈現得票最高嘅歌曲，務必令樂迷感到耳目一新，將演出推向更高峰。

AGA作品辨認度極高，唱作風格深受樂迷喜愛，並往往能夠引起樂迷共鳴。佢嘅多樣化歌曲好似《孤雛》、《獨一無二》、《吃定我》、《3AM》、《Nights Without You》同《無期》都曾經榮登「MOOV本地新歌榜」冠軍位置，而《3AM》呢首歌更加曾經連續四星期高踞「MOOV本地新歌榜」冠軍，盡展AGA嘅唱作音樂才華。