【Jason Mraz演唱會】相隔4年再度來港

美國著名唱作人Jason Mraz自4年前喺香港開完演唱會之後，日前終於宣佈計劃好一個亞洲巡迥演唱會，香港都係其中一站。而演唱會名暫定為《Good Vibes 2019 香港演唱會》。

Jason Mraz於全球各地吸引咗數量龐大嘅多元音樂族群，透過充滿活力嘅音樂、幽默嘅現場表演同埋恆常嘅慈善活動，介紹自己擅長嘅流行民謠曲風音樂同傳遞正面積極嘅信息畀各地樂迷。Jason曾榮獲多個白金唱片銷量獎項，當中以單曲“I’m Yours”同“I Won’t Give Up”以打破流行音樂史紀錄嘅姿態，獲得兩項格林美音樂大獎。同時更獲得備受尊崇嘅Hal David 唱作人名人堂獎項，而且刷新多個演出門票全數售罄嘅紀錄（包括美國荷李活露天劇場、麥迪遜廣場花園同倫敦O2體育館）。

Jason亦一直為他關注嘅社會議題深耕，同時不忘公益，全力投入成爲負責任嘅國際公民，踴躍參與社會活動同慈善事業，而且提倡環境議題乃至人權問題。Jason Mraz基金會傾力爲藝術教育同推進平權等項目作出服務。通過呢種種一切，佢能夠再次確認並讚嘆音樂嘅多樣性同神奇力量，爲全球無數樂迷帶嚟啓發同喜悅。