面試係搵工過程中最重要嘅一環，亦係你向僱主展現能力、個性同處事態度嘅好機會。不過無論你學歷有幾好、工作經驗有幾豐富都好，如果你在面試時犯咗一啲錯誤，就會俾HR大扣分，甚至即被Foul出局！Toby 總結咗以下10大面試扣分位，Fresh Grad搵工定跳槽轉工嘅朋友要留意！
【搵工必讀】見工大忌！應徵面試10大扣分位
更新於2021年07月09日
【搵工必讀】見工大忌！應徵面試10大扣分位
1）面試遲到
見工早5至10分鐘到場是常識吧！面試遲到反映你個人冇時間觀念，留下唔好嘅印象，如果真係遇到有突發事件，最少通知HR一聲提早備案。
2）唔做Research 見工零準備
工作面試最忌就係唔做下Research，對公司嘅業務或者工作職位一無所知，連最基本嘅自我介紹都講唔好。面試準備前，最好花啲時間上網查下公司嘅資料同最新消息，亦要準備下常見問題嘅答案，以免被面試官問到口啞啞。
3）太多小動作
適當嘅肢體語言可以幫助你表達自已，但好似撥頭髮、雙臂交叉抱胸、抖腳或者咬手指呢類小動作，好容易令人覺得你態度散漫或者唔專業，造成負面印象，這類面試注意事項一定要戒！
4）冇眼神接觸
面試自我介紹期間或回答面試官問題時，記得要同對方保持眼神接觸，唔望對方只會令人覺得你冇自信冇禮貌，就算答面試問題答得幾好都冇用。
5）面試衣著不當
面試衣著好睇工種同職位，一般情況下穿著乾淨整齊嘅恤衫西裝最穩陣。如果係應徵設計師呢類較自由嘅工作，就可以Casual少少，但千祈唔好著牛記踢拖又或者著得太烏搲！
6）吹水唔抹嘴
面試想表現自已，係人之常情，但唔代表你應該講大話或者誇大自已嘅能力同履歷。有經歷嘅面試官一聽便知龍與鳳，俾人發現你講大話絕對會即時被「叮」走。只要見工準備好，加上見工面試技巧，正正常常回答HR interview問題即可。
7）不停玩手機
等待面試期間、見工時間幾無聊都好，都唔好玩手機不停Send Message，否則其他人只會覺得你唔在乎呢份工作。此外，面試盡量熄咗手機，又或者校靜音以免干擾面試。
8）態度負面消極
任何僱主都鍾意積極樂觀嘅員工，事事只諗到最差結果或者冇自信，都係見工面試大忌。另外，表現自負、見高拜見低踩、數落前公司之類嘅行為都要避免。
9）插咀太強勢
表現主動自信係好，但面試官講嘢時插嘴係非常冇禮貌嘅事。就算係小組面試都千祈唔好不斷搶發言權，或者一聽到相反意見就反駁，咁只會顯得你難與他人溝通相處，而且冇團體意識。
10）冇問題問/問爛問題
去到面試尾聲，面試官十之八九都會問應徵者：「你有冇乜嘢問題想問？」如果你答冇，咁就真係太傻！呢個係你展現對呢份工作有熱誠嘅好機會，不妨利用面試提問技巧，問下有關職位嘅詳細職責或者公司嘅發展計劃，話唔定可以加深考官印象機會！不過如果真係諗唔到問題，答冇都總好過問：「平時幾點收工？使唔使OT？」呢類爛問題嘅。
想見工面試成功？搵Toby 幫你啦！
自問條件唔差，又冇犯以上錯誤，但都係成日喺面試失敗而回？唔緊要，立即上我哋嘅平台搵面試專家幫你，祝你見工成功啦！
服務評價
5.0
(144)
Alaine Chan
5.0
2024年03月27日多謝MC David，你令到大家無悶場，笑得好開心。成件事都好順利，我地咁麻煩咁多問題，你都咁幫手，你真係好專業。另外多謝你太太幫我哋整咗個咁靚嘅backdrop，我哋要求多多你哋都唔嫌麻煩盡量幫我哋做到最好。希望你哋一家人幸福快樂健健康康。
Euniss
5.0
2024年02月04日David真係一個非常之好嘅司儀! 好老實作為新娘當晚好多時間都唔係會場入面, 好多位都唔會聽到司儀講野, 但係聽返好多朋友講返都話覺得依位司儀講野好清晰, 亦好識帶動氣氛. 而且有位特別小嘉賓出場就係David 嘅仔仔（當然係事前我地有溝通好嘅）, 佢係開場嘅時候帶埋左仔仔上台‘主持’左一小段時間, 仔仔好精靈好可愛, 氹得長老同埋啲親戚長輩都好開心. 除左個人Nice, 把聲好聽依啲咁基本但司儀必有技能之外, David係各方面都做得好好, 好專業. 晚宴敬茶時好識講說話啦, 我同老公進場前嘅介紹啦, 後尾各項儀式等等. 同埋佢臨時應變都做得好好. 見我同老公有時太緊張唔識比反應或者兄弟姊妹團反應唔切時佢都會即刻留意到同比指示, 絕對係幫左好多好多! 我同老公都非常之滿意同覺得好幸運搵左David 做我地婚禮嘅司儀! 第時身邊有朋友結婚亦都100%絕對會推介佢比朋友!
poyu
5.0
2024年01月30日a very professional , caring , wholehearted master of ceremony !!! We had a very smooth and touched wedding !!
