簡介
全港最新鮮嘅海鮮燒烤場！與良朋知己在浪漫燈光及柔和的音樂下輕談淺酌，享受特色美食外還可盪千秋、數星星……還設有潮流特色的卡拉OK廂房⋯⋯
評價
Mingb
5.0
2019年4月3日
一入到去就俾個園林景吸引，香港真係好少見到咁靚既燒烤埸，立馬瘋狂打咭！呢度裝修真係好靚好特別，睇得出店主用左好多心機！值得一讚！食物好新鮮，唔會太咸，擺盤好靚，好有心機特別要讚D海鮮勁新鮮！送黎時係枱停郁，冇停過！鮑魚幾乎跳出黎！D蝦又係咁跳！我地係咁拍片，總之勁新鮮啦！之後又送左海鮮煲過黎，wa！！又係好新鮮！D蜆又係咁郁，仲有成條倉魚係入面，好少燒烤埸會食到！煲完後D湯好甜，真係大滿足！！
Choco Yau
5.0
2019年4月3日
誤打誤撞嚟咗呢嗰隱世高質燒烤場！之後上網睇翻先知係藝人羅天宇經營地點位於西貢成豐片場 唔揸車基本上好難去 不過去到門口簡直靚到以為自己去錯地方！環境乾淨企理又光猛 仲全晚播住經典英文歌超級chill，未開始食已經好加分.呢到嘅收費係計人頭無加一 由$200-$560不等 每個套餐都包括任食基本燒烤食物(丸類/肉類/蒜蓉包/蔬菜) 貴啲嘅套餐就包括唔同款式嘅新鮮海鮮。我哋一行十人叫咗$380嘅套餐 有原隻牛油扇貝、中蝦、鮑魚、貴妃蚌、鯧魚等，非常多花款！