評價
尚未提供
簡介
導師簡介/自我介紹：
大家好，我係yvonne😊
細細個唔係太會表達自己，一有空閒嘅時候就會拎起顏色筆畫畫畫，不知不覺都已經成為咗自己嘅一部份。我好享受畫畫嗰陣得到內心嘅平靜 ，亦好珍惜每次完成作品睇住自己慢慢咁進步嗰種滿足。而家每次同朋友/學生分享，見到大家嘅投入＆滿足，都係我最開心嘅得着😊
希望可以喺推廣藝術文化上面略盡一點綿力，因為每個人都有享受藝術嘅權利，只係未必知道點樣開始。畫畫就係其中一個方式，同埋係一個好好抒發情感嘅出口。喺呢個講求快捷嘅社會，希望大家唔好忘記都要好好感受生活，好好咁同自己相處 留返啲metime俾自己🥰
畫畫技巧或者需要時間去鍛練，但係享受從藝術過程得嚟嘅放鬆就只需要踏出呢一步。😊
課程主要學習方向：
塑膠彩／油畫課程都會由淺入深，希望可以適合唔同程度嘅同學。同學可以選擇自己有興趣嘅題材，老師會因應題材而教授相應嘅技巧。
兒童畫班課程會盡量利用唔同素材/媒介，希望各位小朋友可以喺歡笑聲中嘗試到唔到嘅表達方式＆學習到相應技巧，激發靈感。
資歷/參與畫展/合作/擅長畫種：
從小學習畫畫，涉獵範圍包括油彩、木顏色、水彩＆塑膠彩。個人比較擅長油畫＆塑膠彩。
主要教授：
成人塑膠彩／油畫、兒童畫班
商戶資訊
地址
尚未提供
電話
尚未提供