以前變髮係 女仔嘅專利，但隨著年代改變，男仔分分鐘仲貪靚過女仔，仲好有勇氣嘗試唔同造型。以往幾年 潮流髮型 離不開韓風，好似2016年最潮髮型莫過於七彩變幻嘅G-Dragon復古頭。新年流流，剪番個靚頭！如果你唔想咁高調，又想喺其他人（例如你個女神）心目中留個好印象，或者今年其中一款至Hit嘅 男士髮型 會適合你。你帥氣面孔再加上 理髮師 精心打造嘅髮型，無論你係小鮮肉定熟男，都可以魅力爆燈！
各位男士，係時候要轉番個 流行髮型，增強一下異性運喇！想知2018年有乜 潮流髮型 適合你？ HelloToby 請教咗平台上嘅專業 髮型設計師 ，歸納出以下7大型 男髮型，快啲揀一款試下啦！即刻睇睇以下 2018年7大靚仔髮型：
1） 七分復古油頭 （ Side Part ）
「 七分復古油頭 」又稱「 飛機頭 」，由貓王 Elvis Presley 喺50年代帶起潮流，呢種經典復古風格被定為英倫風。 髮型 帶拋物線，用髮蠟梳向側後方，望落光滑而貼服。唔少荷里活靚仔演員都Gel呢個頭㗎！
2） 蓬鬆油頭 （ Pompadour ）
「 蓬鬆油頭 」係「 飛機頭 」嘅變奏版。頭兩邊輕微剷青，中間頭髮比較豐厚。稀疏同較幼嘅髮絲可以逆向搽上髮蠟令頭髮蓬鬆。如果你腮骨同眉骨天生較直，臉形又如亞洲人般扁平，亦可透過飛機頭突出五官輪廓，營造年輕俊朗嘅感覺（立即變型又得，得咗！）。
想喺新嘅一年換個新 男士髮型 ？可以即上 HelloToby 搵個專業男士理髮師幫手㗎！
3） 漸變短髮 （ Fade ）
「 漸變短髮 」比較大眾化，容易配襯唔同面型，耳仔同下巴弧線都較突出。呢個髮型有清新爽朗、乾淨俐落嘅感覺，怕熱嘅你就最適合喺夏天剪呢個髮型！
4） Short Back
Short Back 其實係 All Back 短髮造型 版本，頭髮從後面睇較短，從前面睇較有份量感，側面就睇到頭髮流線型變化。 Short Back 較重視層次感，睇落好時尚而且有煥然一新感覺 。
想換個 男士髮型 ，但又怕過 Budget ？ HelloToby 為你準備咗剪頭髮價錢指南！
5） Undercut
Undercut 冇一個正式中文譯名，但意思係指將頭髮兩側剃掉，留住頂部頭髮。特色係簡潔同百變，按個人頭髮長度同厚度，可以做出幾款髮型。
6） 丸子頭 （ Man Bun ）
唔止女人先可以Set頭，男仔都可以㗎！將頭髮向後梳，係正中間位置盤起頭髮，就可以整到「 丸子頭 」。「 丸子頭 」要保持蓬鬆先能夠帶出浪子感覺，另外扎髮髺視覺上令男人睇落長得更高。
7） 武士頭 （ Top Knot ）
「 武士頭 」源於日本江戶時代，將頂部頭髮拉後扎起，其他頭髮則剃光或剷平。「 武士頭 」髮型特色較有男士氣概，皮膚白嫩同圓臉男士就可能比較唔適合啦！
除咗以上提到嘅服務，我哋個平台仲有好多專家，可以在各方各面幫到各位男仕㗎！例如 男仕皮膚護理、男仕美容、曬燈服務、私人健身教練、Crossfit班等等。即刻上去睇睇！
你係專業髮型師，可以提供服務？加入HelloToby平台搵新客戶啦！
——
延伸閱讀：【真減肥成功】人氣YouTubers推介5大 減肥運動
緊貼HelloToby Blog同Facebook Page，隨時搵HelloToby幫手！
