【平靚正之選】嚴選10大浪漫 香港拍拖好去處(2018 更新版)

2018 香港情侶好去處推介!

每逢周末都要煩惱同另一半約會嘅好地方?諗極都諗唔到有咩拍拖活動?

情侶拍拖嘅指定動作唔係行街、睇戲就係食飯,不過成日行商場都咪話唔悶。想搞搞新意思,遠離繁囂嘅都市,趁假日同另一半享受吓悠閒假期?HelloToby為大家精選咗以下 10 個位於港九新界、環境優美嘅拍拖好去處,最適合共度浪漫寫意嘅二人世界!而且重點係:平、靚、正!

 

即睇各區拍拖好去處推介!
港島區 九龍區 新界區

 

港島區拍拖好去處

1)淺水灣

拍拖好去處
圖片來源:Getreadyhk

淺水灣係香港著名嘅旅遊景點,唔單止有舒適寫意嘅沙灘,沙灘旁更加有樓高六層嘅商場 the Pulse,內有各類商店同全港最大嘅 3D 藝術館。無論你同另一半鐘意欣賞海灘美景,定係行文青路線,淺水灣都一定能夠滿足你哋!

 

2)太平山山頂公園

拍拖好去處
圖片來源:Getreadyhk

太平山山頂公園係百年前港督別墅嘅「後花園」,又有「秘密花園」之稱。公園以古老維多利亞時期做主題,園内草木扶疏、風景優美。住港島嘅朋友,想去近近哋嘅「香港後花園」?呢度絕對係情侶周末拍拖嘅好去處!

 

3)鰂魚涌海濱花園

圖片來源:康文署

鰂魚涌海濱花園係少數有齊涼亭、座椅同狗糞收集箱嘅寵物公園,好適合有養寵物嘅情侶嚟拍拖放狗。呢度除咗有滿種樹木同灌木嘅綠化區外,仲有海濱步行道,可以一邊放狗一面欣賞維港美景。附近仲有太古城中心同蘇豪東,行到咁上下想揾餐廳醫肚都好方便。

 

九龍區拍拖好去處

4)深水埗南昌公園

圖片來源:Seewide

深水埗南昌公園近年成為影相拍卡熱點,因為公園內不但有全港公園最大嘅草地,行人徑兩側更種咗約30棵黃花風鈴木,每逢春天就會盛放燦爛嘅黃花,同另一半喺滿天黃花下拖手散步夠晒浪漫。

 

(溫馨提示:想搵個專業攝影師幫你兩個影輯戶外寫真?即上我哋平台搵人報價。)

即搵戶外攝影師

 

5)啟德郵輪碼頭公園

拍拖好去處
圖片來源:Seewide

啟德郵輪碼頭公園位於舊啟德機場跑道,園內設有水景花園、中央草坪、觀景平台同噴泉廣場。周末最適合情侶一邊喺草地野餐,一邊觀賞維港兩岸嘅景色。而鄰近嘅啟德跑道公園亦係假日散步同欣賞海景嘅好去處。

 

(溫馨提示:迷人情調下,加送一束花會否更加浪漫?即上我哋平台搵花店幫手!)

馬上搵花店

 

6)將軍澳單車館公園

圖片來源:康文署

雖然將軍澳單車館公園內唔俾踏單車,但園內有攀石牆同模型船池等康樂設施,而且有大片草坪同人工湖,仲種咗宮粉羊蹄甲、白花洋紫荊同6棵櫻花,喺公園靜靜坐低談下心,簡簡單單又一日!
 

 

新界區拍拖好去處

7)愉景灣

圖片來源:D’Deck官網

想感受陽光與海灘,唔一定要去外國。愉景灣D’Deck嘅大白灣沙灘漫水清沙幼,呢度最近喺海濱建咗一條「心鎖長廊」,情侶可以自帶鎖扣掛喺圍欄上作紀念,然後再行下露天市集、乘坐開蓬馬車。到咗夜晩就喺附近嘅餐廳享用晚餐,一邊欣賞海景同迪士尼煙花,零舍有情調!
 

8)大尾篤

圖片來源:Google Map

大尾篤位於大埔船灣淡水湖旁,沿住家樂徑一直行,可以欣賞到八仙嶺、鹽田仔同馬鞍山嘅自然美景。好動嘅情侶們可以租單車,又齊參加附近水上活動中心舉辦嘅水上活動訓練班,享受一下獨木舟、風帆同滑浪風帆等水上活動。

 

(溫馨提示:講開水上活動,有冇興趣學下滑水迎接夏日?即上我哋平台搵個滑水教練!)

即搵滑水班
 

 

9)塔門

圖片來源:塔門官網

塔門係位於西貢北嘅小島,擁有大片青草地,不時可以見到黃牛食草,欣賞到海天一色嘅弓背灣美景,好適合野餐同放風箏。想特別少少,可以沿住山路行,參觀一下呂字疊石、塔門洞同龍頸筋等島上名勝。

 

10)大嶼山海迎灘露營車

圖片來源:海迎灘

想揾個特別嘅地方享受二人世界?咁海迎灘露營車就好啱你。海迎灘位於大嶼山長沙海灘,景色優美。場內有多部露營車,而且有齊煮寫爐具、沙發電視、床褥被鋪等設備。怕悶嘅可以燒烤,又或者去海灘遊水、玩水上活動,好似去咗外國度假咁!

 

拍拖嘅最終目的梗係……結婚啦!講起結婚,HelloToby平台上有各種專家可幫到你籌備婚禮婚宴!

搵婚禮籌備服務

你都係服務專家,想加入 HelloToby 平台搵新客戶?

馬上按此註冊

——

延伸閱讀:【全新香港酒吧指南優惠】你留評價,我送Shot!

全港酒吧指南喺HelloToby正式推出,為你提供全港酒吧嘅資訊、活動、優惠同真實顧客評分。

而為咗慶祝指南正式推出,我哋聯同位於香港熱門蒲區嘅30間酒吧推出「你留評價,我送Shot優惠」!

想知更多關於呢個Free Shot活動?Click以下Button睇下點參加啦!

    「你留評價,我送Shot」優惠

酒吧

延伸閱讀:【香港行山路線推介】10大遠足行山好去處(2018 更新版)

延伸閱讀:【2018日本紅葉攻略】楓葉秘景 日本賞楓全指南

延伸閱讀:【共享家庭樂】香港周末 親子好去處 2017

延伸閱讀:【韓劇《 鬼怪 》迷必去】孔侑現身防波堤場景香港都有!

緊貼HelloToby BlogFacebook Page,隨時搵HelloToby幫手!

 

Leave a Reply

Your email address will not be published. Required fields are marked *