【香港行山路線推介】10大遠足行山好去處 2023更新版

更新於2023年01月18日

想約親朋好友去行山?無論天朗氣清定係秋高氣爽,總之喺冇雨落嘅日子,最適合就係約埋成班朋友去行山遠足,親親大自然!香港雖然素有石屎森林之稱,但其實除咗最出名嘅城門水塘、大潭水塘、元朗河背水塘同香港仔水塘等行山路線,全港各區仲設有多條行山徑、家樂徑、自然教育徑同郊遊徑,交通方便,景色怡人,適合唔同年齡層嘅人士挑戰。Toby就為大家精選10大香港遠足行山好去處,吸收下大自然氣息!

快速瀏覽

行山路線難度:一星

1)香港仔自然教育徑

起點:香港仔下水塘 → 終點:香港仔上水塘水壩

長度:1.2公里

需時:1小時

難度:★☆☆☆

交通:香港仔交通四通八達,可乘搭城巴7、70、71、72、76或70M號,過海隧道巴士107、170或970X,或專線小巴4C、5、35M、52或58號。

行山經驗唔多,又或者想帶同家中老幼一齊行山遠足?道路平坦易行嘅香港仔自然教育徑係唔錯嘅選擇。從香港仔郊野公園出發行至下水塘東岸,就係教育徑嘅起點。沿途可欣賞香港仔全景,亦設有香港仔樹木研習徑,又有機會見到麻鷹、畫眉、穿山甲和松鼠等小動物,行完見肚餓仲可以順便喺園內享受燒烤樂。

2)薄扶林家樂徑

起點:薄扶林水塘郊野公園管理站 → 終點:薄扶林水塘道

長度:3.5公里

需時:1 – 1.5小時

難度:★☆☆☆

交通:乘搭新巴4、43X、91或970號等路線,又或者城巴7、37A或40號等路線,於薄扶林水塘道巴士站下車,沿水塘道向上步行5分鐘左右,就可見郊野公園管理站旁嘅家樂徑入口。

薄扶林家樂徑全程只有3.5公里,山路平坦易走,係適合一家大細嘅行山路徑。沿途經有「香江第一古塘」之稱嘅薄扶林水塘區,景色怡人,又可欣賞到各種植物同雀鳥。

3)麥理浩徑(北潭涌至浪茄)

起點:北潭涌停車場 → 終點:西貢浪茄沙灘

長度:10.6公里

需時:3小時

難度:★☆☆☆

交通:乘搭巴士92、299X,或專線小巴路線1A、9或7號至西貢市中心,再轉乘巴士94號至北潭涌。

由北潭涌起步走至浪茄沙灘,呢段程係麥理浩徑第一段路,由於大部分山路平坦,所以適合行山新手或者一家大細。沿住西貢萬宜路走,途經萬宜水庫、六角形岩柱、海蝕洞同破邊洲等萬宜地質步道嘅獨特自然景點。遇上日間無風嘅日子更可於萬宜水庫東壩底拍「天空之鏡」。終點浪茄沙灘亦被人稱為全港最靚嘅沙灘。

行山路線難度:兩星

4)東涌石門甲

起點:東涌石門甲 → 終點:昂坪市集

長度:約5公里

需時:4小時

難度:★★☆☆

交通:從東涌市中心巴士總站,乘搭新大嶼山巴士34號,可直達石門甲。

由為位大東涌石門甲出發,沿途經過佛門清淨嘅羅漢寺,再行經地塘仔抵達昂坪,途中仲可順便到心經簡林、寶蓮寺、天壇大佛、昂坪市集等景點觀光。要留意嘅係呢條行山徑全程為上坡路,沿途多為斜路和梯級,行山時宜分段休息。

5)大棠自然教育徑

起點:大棠燒烤場 → 終點:郊野公園大棠管理站

長度:3.2公里

需時:2小時

難度:★★☆☆

交通:從朗屏或元朗西鐵站,乘搭港鐵巴士K66到大棠山道口,或於元朗紅棉圍小巴總站乘搭公共小巴元朗至大棠線。

從大棠山道往上走約30分鐘,就會抵達大棠燒烤場,亦係大棠自然教育徑嘅起點。沿途可遠眺元朗平原、元朗同天水圍新市鎮景色,又穿過紅葉勝地楓香林,秋天時就可以欣賞漫山紅葉嘅美景,尾段更有受保護嘅油杉植林區。教育徑不時有上落斜路段,而且路面有少少濕滑不平,行山時宜量力多作休息。

6)灣仔峽道至香港仔水塘

起點:灣仔峽道入口 → 終點:香港仔海傍

長度:6公里

需時:2小時

難度:★★☆☆

交通:從灣仔港鐵站出發,步行至舊灣仔郵局,可見灣仔峽道入口。

灣仔峽道開段就係一段長命斜,可能會叫唔少人卻步,不過沿途會經過警隊博物館,可一睹各種歷史照片、槍械武器、警隊服隊,甚至老虎標本,又會穿過香港仔水塘,欣賞到水壩嘅壯麗景色,好值得一去。

7)馬鞍山郊遊徑

起點:馬鞍山村燒烤場 → 終點:西貢大水井

長度:4.5公里

需時:2小時

難度:★★☆☆

交通:從港鐵馬鞍山線恆安站,沿馬鞍山村往上走30分鐘,到馬鞍山燒烤場旁的郊遊徑入口;又或者乘NR84村巴於馬鞍山郊野公園車站下車,步行至馬鞍山燒烤場。

馬鞍山村一帶昔日曾係礦場,盛產鐵礦.所以附近有唔少礦洞遺跡。行山者可以到其中一個礦洞參觀,不過基於安全理由,大家切忌走入洞中。郊遊徑途中行經馬鞍山郊野公園,往山上走至昂坪高原,係香港少有嘅高山平原,可以眺望西貢海嘅壯麗景色。

8)衛奕信徑第6段(大埔公路至城門水塘)

起點:大埔公路 → 終點:城門水塘

長度:5.3公里

需時:2小時

難度:★★☆☆

交通:乘搭九巴81或72號到九龍水塘

衛奕信徑第6段路途經九龍水塘、下城門水塘同城門水塘三大水塘,路程初段要登上長階級上山,會較為吃力,但兩旁有樹蔭夾道遮檔陽光,就算夏天行山亦不至於太辛苦。下山路輕鬆好走,走至金山家樂徑更有機會近距離見到㺅子。

行山路線難度:三星

9)大潭郊遊徑(位於大潭水溏附近)

起點:黃泥涌水塘公園 → 終點:黃泥涌水塘公園

長度:5.2公里

需時:2.5小時

難度:★★★☆

交通:於中環交易廣場巴士總站乘城巴6號或新巴66號,於黃泥涌水塘公園/黃泥涌峽道站落車。

大潭郊遊徑位於大潭水溏附近,沿途有彈藥庫、高射炮台遺址、機槍堡同西旅指揮部等多個歷史遺跡,而黃泥涌水塘公園嘅水壩、水掣房及溢流口亦被列為香港法定古蹟,其中黃泥涌水塘嘅弧形水壩更係必到景點,可以認識香港抗日戰爭嘅歷史。登上紫羅蘭山一段山路較崎嶇,行山人士最好分段休息。

10)元荃古道郊遊徑

起點:荃灣下花山 → 終點:元朗大棠山道

長度:12.5 公里

需時:5.5小時

難度:★★★☆

交通:由荃灣港鐵站乘搭九巴39M、30、30X或39A往荃威花園。

元荃古道郊遊徑係昔日居民來往元朗同荃灣兩地嘅必經之路,沿途可見荃灣同青衣嘅全景,登上石龍拱後,可飽覽青青馬大橋同汀九橋嘅景色。不過,全程不時有斜路,部分山路凹凸不平,而且需時較長,適合有一定行山經驗嘅人。

睇完咁多行山好去處推介,即刻想約埋親友去郊遊遠足,順便打卡,享受戶外郊遊樂?不過行山之餘,記得帶走自己帶嚟嘅垃圾,一齊愛護香港呀!見到咁靚嘅大自然,當然忍唔住要影翻輯相啦!想同屋企人都、伴侶一齊影輯靚相呃Like?Toby 平台上可以幫你搵到專業嘅戶外攝影,為你留住最美好嘅一刻!

想由專業戶外攝影師幫你影低最美一刻?只需3步,物色全港最佳戶外攝影師!

Toby 戶外攝影評價

5.0
(132)
SL
5.0
2022年12月28日

hellotoby 懂得靈活運用周邊的景物,最少的資源和人手去創作,令被拍攝的主角更加生動突出和有生命。

Teresa Kay Yeung
5.0
2022年12月04日

攝影技術不錯,影得好靚!性價比高!👍

Oiwai
5.0
2022年06月12日

Andy服務非常認真,又早到,而且仲好快收到相,比預期中快好多!朋友都讚跟得好足! 多謝哂Andy為我地party拍攝,留下好多美好回憶:) 慶幸有搵到你幫我地攝影! 推介俾其他搵緊攝影師既人:)

更多生活資訊