【老蘭Clubbing】蘭桂坊落Club新手攻略2018

一年容易又年尾,仲有幾個星期又到聖誕除夕呢啲大時大節,係時候約堆成班朋友一齊出嚟慶祝一下新一年嘅來臨!講到全港最有feel最有氣氛嘅地方,我諗十個香港人有十一個都會答你係蘭桂坊!未落過LKF,唔知頭唔知路,又淆底?唔緊要,Toby今次同大家整合哂所有落老蘭要知道嘅潛規則,手把手帶你進入LKF Clubbing嘅世界!

問題1:第一次落蘭桂坊,應該去邊好?

與其問邊個場好玩啲yo啲多人啲,應該係話邊個時段邊間酒吧旺場啲,亦即係話係人流係隨住唔同時段而去唔同嘅酒吧。

簡單嚟講,蘭桂坊嘅「生理時鐘」係咁:

2300 – 0100: Pre-drink時段,即係大部分Club都冇人(不過都可以留意下有冇人派女士免費入場劵!)

0100 – 0200: 開始蒲頭

0300 – 0400: 人流最高峰,去邊個場都咁多人

0400 – 0600: 如果已經飲夠,可以去翠華食啲嘢醫肚,然後再轉場去Graffiti

0600 – 1200: 仲係未夠喉,仲未想番屋企?轉場去Buddha Lounge啦!

全新香港酒吧指南

 

未試過clubbing嘅你可以約埋幾個朋友係附近嘅酒吧餐廳pre-drink同埋食啲嘢,熱身一下,為跟住落嚟嘅clubbing打定個底。

鐘意飲啤酒嘅,喺蘭桂坊都有唔少選擇,下面呢兩間係唔少蒲友嘅首選嚟㗎!

1)蒲友pre-drink最愛 The China Bar

蘭桂坊The China Bar

如果同埋成班朋友落老蘭嘅話,一齊嚟The China Bar pre-drink,飲下啤酒就最啱啦!

呢度嘅常客就係鐘意呢度個氣氛,warm up下自己之餘又可以飲下酒。

地址:中環蘭桂坊德己立街44號好利商業大廈地下

營業時間、人均消費、評價及更多資訊請瀏覽:The China Bar (LKF) 酒吧指南

 

2)中外蒲友聚腳點 Metro LKF

Metro LKF

另一選擇就係呢間係The China Bar隔離嘅Metro LKF啦!

唔單止受香港人歡迎,有唔少外國遊客都鐘意嚟呢度飲番兩杯先開始佢地嘅clubbing night

地址:中環蘭桂坊德己立街31號榮華大廈A座地下F

營業時間、人均消費、評價及更多資訊請瀏覽:Metro LKF 酒吧指南

 

【全新香港酒吧指南優惠】你留評價,我送Shot!
HelloToby請你飲酒

 

唔想飲啤酒嘅,蘭桂坊咁多間酒吧,仲有好多又有靚酒,又有靚景嘅選擇嘅!

3)復古英倫創意酒吧 ORI-GIN

ORI-GIN

ORI-GIN係香港第一間以氈酒為主打嘅酒吧,加埋佢地復古風嘅裝潢,就算唔落老蘭蒲,平時嚟飲下嘢都唔錯㗎!

地址:中環雲咸街48號地下

營業時間、人均消費、評價及更多資訊請瀏覽:ORI-GIN

 

4)蘭桂坊平靚正之選 Graffiti

中環Graffiti

又到糧尾但又想落Club?嚟Graffiti就啱哂你啦!唔單止價錢貼地,入面裝潢都係行街頭塗鴉風,非常地道。

地址:中環蘭桂坊德己立街38-44號好利商業大廈地下CD

營業時間、人均消費、評價及更多資訊請瀏覽:Graffiti

 

香港酒吧指南

 

如果想低消費啲嘅亦可以先去週邊嘅7-11買定幾支啤酒,再去附近德己立街嘅Grill ขุนทอง

食下串燒,醫下肚先,呢度都係唔少蒲友指定嘅經濟選擇。一路行一路飲,又可以享受一下蘭桂坊獨特嘅氛圍。

Warm up完,係時候真係落場玩啦!但係蘭桂坊咁多間Club,唔知點揀?呢度咁多間老蘭熱門Club,一定揀到間啱你心水嘅!

5)外國DJ最愛夜店- PLAY Club

夜店PLAY CLUB

呢度最吸引人嘅一定係佢地極大嘅舞池同埋極佳音響,唔單止香港人鍾意嚟呢度跳舞,飲番兩杯,唔少外國遊客都係PLAY嘅常客。曾經嚟過呢度演出嘅DJ都唔少㗎,包括CiaraAfrojack同埋Skrillex。平時生活壓力太大?嚟PLAY享受一下,放縱自己就最好不過啦!

地址:中環安慶臺1號安慶大廈1

營業時間、人均消費、評價及更多資訊請瀏覽:Play Club 酒吧指南

 

6)外國遊客大推薦 Bungalow

BUNGALOW

另一間好hit嘅人鬼Club就一定要數Bungalow啦,係呢度你完全可以親身體會到唔同文化嘅交匯。嚟緊佢地仲邀請到DJ Diplo嚟演出,有興趣嘅朋友就記得把握機會啦!

地址:中環雲咸街60號中央廣場地下2號舖

營業時間、人均消費、評價及更多資訊請瀏覽:Bungalow 酒吧指南

 

【全新香港酒吧指南優惠】你留評價,我送Shot!
HelloToby請你飲酒

 

7)本土蒲友Clubbing首推 Zentral

ZENTRAL

呢度係好多台灣人口耳相傳嘅香港高級夜店,仲會不定期邀請唔同DJ嚟表演,有時仲有舉行主題活動,喺9月頭個時啱啱就搞咗「Ocamp Madness」,同成班大學生一齊抓緊暑假的尾巴。

地址:中環蘭桂坊德己立街30-32號加州大廈4-5

營業時間、人均消費、評價及更多資訊請瀏覽:Zentral 

 

8)世界知名最佳夜店 Levels

Lan Kwai Fong Levels

連續四年入選世界100間最佳夜店第36位嘅Levels,係唔少香港人落蘭桂坊嘅第一選擇。佢地前排先邀請到DJ Duo – Matisse & Sadko嚟表演,嚟緊又會同Vini Vici合作,係Club入面舉行CreamfieldsAfterparty,鍾意去music festival嘅你一定唔可以錯過啊!

地址:中環安慶臺1號安慶大廈2

營業時間、人均消費、評價及更多資訊請瀏覽:Levels

 

香港酒吧指南

 

想知更多關於唔同Club嘅營業時間、人均消費同埋真實用戶評價?即刻去我地全新推出嘅全港酒吧指南,睇下其他人嘅推薦同發掘更多唔同類型嘅Club啦!

問題2:有啲Club入場費好貴啊,有冇平啲嘅玩法?

雖然而家度度都講緊性別平等,但係呢樣嘢係Clubbing嘅地方係not applicable,如果你係女仔,咁大部分Club都係free entry。如果你係男仔,唔好意思啦,你都係要比錢嘅!

即使係咁,仲係有方法可以平玩蘭桂坊嘅!

當其他人11點幾仲pre-drink緊個時,你可以早啲去唔同Club,免費吸定個印。多數啲人2點幾先會正式落Club,吸咗個印就等於有free entry pass啦!

另一個免費入Club嘅方法就係拎promoters派嘅free entry,夠鐘就可以唔洗錢都入到去啦!

如果呢幾個方法都唔啱你,有唔少只係想享受下老蘭呢個地方氣氛嘅人會選擇係7仔買支啤酒,係唔同酒吧出面流連。因為每間Club嘅音樂都會較到極大聲,就算唔入去都可以enjoy clubbing嘅氣氛,但係入唔入club,就要睇下你落老蘭嘅目的係咩啦!

 

問題3:新手落Club,衣著點搞好?

好多人以為落Club一定要著到好行,但其實打扮少少就己經足夠。著得太過性感有啲Club會拒絕你入去,反而得不償失啊!

咁當然又唔好踢拖著T-shirt咁頹,唔單止啲Club唔比無入,比其他人嘅第一印象都唔好啦!

 

問題4:聽人講蘭桂坊附近有好多黑的,應該去邊到截車好?

蘭桂坊

已經三四點,地鐵又閂咗,個人又玩到攰攰地,梗係想搭的士番屋企啦!但係老蘭附近咁多黑的搵客,唔想比人㩒住搶?咁就記得唔好係皇后大道中截車啦!安全啲嘅,都係建議喺的士站站頭等車,蘭桂坊附近嘅的的士站有:

  1. 畢打街的士站
  2. 置地廣場外的士站

雖然附近仲有歷山大廈過海的士站,但係通常都唔會有車,亦唔建議係嗰邊搭啦!上面講嘅呢兩個的士站都可以搭到過海的。可以留意下係站頭前面冚旗的,再上前確認下,不過要有心理準備會收雙程隧道費啦!

另一個選擇就係繼續係老蘭玩到天光,咁就一定有車番屋企啦!

 

準備好落老蘭?記住拎埋呢杯Toby請你飲嘅Free Shot!

講咗咁多,都應該對落蘭桂坊Clubbing冇咁陌生啦。想再玩得抵啲,咁就一定留意我地今期嘅獨家優惠啦!由今日開始喺我地全新推出嘅香港酒吧指南度為該酒吧寫底個評價,就可以免費拎到一個shot啦!

拎住呢杯shot,請位合眼緣嘅對象飲,話唔埋就係一段新關係嘅開始呢!

酒吧

優惠詳情可以參考:【全新香港酒吧指南優惠】你留評價,我送Shot!

——

延伸閱讀:【男士福音】2019香港情人節拍拖好去處

延伸閱讀:【搞手救星】2018聖誕 4大Re-U必去酒吧

延伸閱讀:【2018年尾必去酒吧】潮玩潮食多國菜 ,打卡Cocktail樣樣齊!

延伸閱讀:【全新香港酒吧指南優惠】你留評價,我送Shot!

緊貼HelloToby BlogFacebook Page,隨時搵HelloToby幫手!

 

Leave a Reply

Your email address will not be published. Required fields are marked *