【數碼營銷 懶人包】Digital Marketing 是什麼?

究竟咩係 Digital Marketing ?Online Marketing又係咩嚟?

喺現今呢個網絡世界,無論你諗住同朋友創業開公司,增加公司知名度定係純粹想吸引多啲人喺 Instagram 平台買你嘅產品,網上推廣都係必不可少嘅元素!

近一兩年成日聽人講網路營銷(Online Marketing)同內容營銷(Content Marketing),可能你都有諗過用 Digital Marketing 嘅方式去增加銷售額。究竟 Digital Marketing 係何方神聖?佢同 Facebook 營銷Instagram 營銷又有咩分別?HelloToby 今次邀請到 網上營銷公司 SDMC 為大家講解 Digital Marketing 嘅基本概念同埋有咩種類。

 

1)Digital Marketing 是什麼?跟 Online Marketing 有什麼分別?

Digital Marketing

Digital Marketing嘅中譯係「數碼營銷」。顧名思義,數碼營銷就係指用網上平台嚟推廣嘅營銷策略。例如大家最熟悉嘅 FacebookInstagramYouTube 都係大小企業鍾意用來宣傳嘅社交平台。喺香港,可能好多人都會混淆數碼營銷同網絡營銷 (Online Marketing),但其實數碼營銷嘅範圍較廣,只要任何推廣方式係用數碼工具或平台進行,都可以歸類為 Digital Marketing。

數碼營銷嘅範疇有搜尋引擎營銷(Search Engine Marketing)、社交媒體營銷(Social Media Marketing)、內容營銷(Content Marketing)等。其宣傳關鍵就係針對顧客需要去改良,吸引佢哋留喺頁面同購買。

想有效吸引顧客,最好先了解 Digital Marketing 同傳統 marketing 嘅差異。根據行銷漏斗(Marketing Funnel)理論,消費者由想購買產品,到進行搜尋同決定購買,都牽涉複雜嘅心理過程。同傳統marketing一樣,Digital Marketing 嘅目標都係提升公司知名度。唔同嘅係 Digital Marketer 計劃營銷方案嘅時候要考慮唔同平台特點去個別處理。

 

想搵個營銷專家幫你推廣?HelloToby 上有相應嘅 Digital Marketing 人才,一定能夠幫到你!

 即睇 搜尋引擎營銷 即睇 社交媒體營銷即睇 內容營銷

 

2)Digital Marketing 有什麼種類?

2.1)搜尋引擎營銷(Search Engine Marketing)

sem seo

搜尋引擎營銷(Search Engine Marketing,SEM)主要包括點擊廣告(Pay per Click,PPC)同搜尋引擎優化(Search Engine Optimization,SEO)。

點擊廣告就係平時大家喺搜尋引擎例如係 Google 上見到嘅廣告。企業會比錢去獲得Google上較高嘅排名,增加網頁曝光率,令更多人睇到你嘅服務或產品。至於搜尋引擎優化(SEO)就係通過改善網站設計,例如內容、編排和標題設計,令網頁喺搜尋結果頁面(Search Engine Result Pages,SERP)排得更前。一般嚟講,使用PPC廣告比搜尋引擎優化(SEO)快見效。

 

2.2)社交媒體營銷(Social Media Marketing)

social media marketing

喺咁多種 online marketing 策略入面,相信 Social Media Marketing 比較為人所知,譬如中小企可能都經常使用 Facebook 同 Instagram Marketing。做 Digital Marketing 嘅時候,Marketer 需要考慮唔同社交平台嘅定位,例如係受眾、出 post 次數同時段等因素。

例如 Facebook 平台嘅受眾一般偏向以文字作為主要溝通媒介,Instagram 使用者就係影音世代,多數喺平台上以圖像同影像方式呈現日常生活。如果Marketer考慮到呢點,就可以更有效個別定位,例如喺 Facebook 發佈廣告,喺 Instagram 靈活運用限時動態功能(Stories),主題可以係同業務有關嘅生活百態,吸引唔同目標受眾嘅眼球。

 

2.3)內容營銷(Content Marketing)

 content marketing

內容營銷(Content Marketing)係一種新式營銷策略,近年越嚟越受到重視,主要透過製作適當內容去吸引讀者嘅眼球,終極目標係增加受眾對品牌嘅好感度,繼而提高銷售額。

如果企業想製作內容去宣傳自身平台、產品同服務,通常要先做好資料搜集,例如邊類內容同形式可以吸引讀者,而唔係單憑直覺構想內容出嚟。內容營銷分為實用資訊類同古怪幽默類,喺現今網絡世界,想做好 content marketing,除咗要定位清晰同與眾不同外,仲要增加內容多元性,咁先吸引到觀眾注意。

 

想做埋其他 Marketing 服務?我哋仲有以下嘅 Digital Marketing 專家!

 Google 營銷專家 Yahoo 營銷專家Bing 營銷專家

 

另外,電郵營銷(Email Marketing)亦係網絡營銷(Online Marketing)嘅其中一個範疇。使用電郵營銷令商家能夠直接同消費者對話,針對佢哋嘅特點直接宣傳。此外仲有行動營銷(Mobile Marketing),即係QR code 同 Facebook 行動廣告等方式進行宣傳。

 

喺 Digital Marketing 渠道大量增長同埋資訊膨脹下, 數碼營銷行業每日都面臨住激烈嘅競爭同龐大挑戰。對商家來講,做好 Digital Marketing 嘅關鍵就係了解消費者偏好,宣傳嘅時候唔好忘記要為客戶建立良好嘅使用體驗,以提高推廣效益。

 

我哋會喺之後嘅文章繼續為大家講解運用唔同營銷渠道推廣嘅方法,想知更多,記得密切留意我哋嘅【數碼營銷 懶人包】系列啦。下期會率先為大家講解點樣做搜尋行銷(Search Marketing)!

 

睇完咁多 Digital Marketing 嘅介紹,即刻想搵返個營銷專家或公司做吓推廣呢?市面上嘅 SEM 收費 、 SEO 收費 同 Facebook 廣告收費 都有所不同,記得喺聘請前查清楚啦!

 

想做埋其他營銷服務,例如 微信營銷百度營銷或者係 SMS 短訊營銷?HelloToby 都有相應服務專家,一定幫到你!

即搵市場營銷服務

你識得市場營銷,想幫人之餘賺賺快錢?快啲加入 HelloToby 平台,登記成為我哋嘅市場營銷專家啦!

免費註冊為專家

——  ‎

延伸閱讀:【數碼營銷懶人包】簡單四步做好 Instagram 同 Facebook 營銷

延伸閱讀:【數碼營銷 懶人包】用 SEO、SEM 做網絡營銷有咩分別?

延伸閱讀:【HelloToby專訪】Colorholic Gossip: Facebook 廣告 心得

延伸閱讀:【 Marketing係咩 】 Marketing 大學堂: Marketing係做咩 ?

延伸閱讀:【 We Want You! 】 投稿 —— 鼓勵個人增值,啟發創意交流!

緊貼HelloToby Blog同Facebook Page,隨時搵HelloToby幫手!

Leave a Reply

Your email address will not be published. Required fields are marked *