咩係角質層？幾時需要去角質？去角質產品比較
面部角質層介紹
皮膚分為表皮同真皮兩層，表皮即皮膚表面，又可分成角質層同生髮層兩地方。角質層由死去嘅角質細胞構成，內含有角蛋白，能夠有助減少水分流失，亦即「保濕」作用，同時亦能夠抵抗外界環境刺激，防止皮下組織被感染。
正常情況下，皮膚角質層嘅代謝週期為28日，但隨著年齡變化，呢個數值會隨之增加，而若果日常生活習慣較差（捱夜夜瞓、作息唔定時），亦會令角質層代謝娛差，導致老廢角質無法正常脫落。
點樣判斷自己幾時需要去角質？
去角質並唔係愈頻繁愈好，要知幾時先需要去角質，可以用以下方法判斷：
觀察皮膚顏色
通過觀察皮膚嘅顏色係一個最簡單直接嘅檢測方法：喺光線充足嘅地方，仔細觀察皮膚嘅顏色，尤其係兩邊臉頰，如果膚色暗淡，就代表角角已積聚至一定厚度，係時候要去角質啦！
容易出現暗瘡同暗粒？
若果皮膚突然生暗瘡或暗粒，就可能係面上角質層過厚而導致肌膚出現水油不平衡嘅狀況，最後出現異常嘅油脂現象，繼而生暗瘡同暗粒。
皮膚經常出油？
如果臉上經常出油，亦可能係角質層過厚所致。如果你有呢種情況，可以嘗試先去角質，清除老化角質層，令肌膚睇落更加水嫩有光澤！
感覺難以吸收護膚品
無論用幾多護膚品、用嘅護膚品幾貴，都唔覺皮膚有所改善？可能係角質層過厚！角層角過厚會阻礙皮膚吸收，導致營養及精華無法滲入肌底，呢個時候就需要進行角質清理啦！
去角質方法
常見去角質方法有以下三種：
選用去角質產品
去角質產品有好多種，例如磨砂啫喱、凝膠、深層潔面乳等，最梗要揀啱自己膚質嘅去角質產品，而且無論邊一種產品，使用時手法都要輕柔，以防令皮膚受損。（下文有去角質產品比較！）
徹底清潔面部
洗臉係去預防角質層過厚嘅第一步，每日皮膚都會質聚大量灰塵或臉油，如果唔做好基本潔臉，久而久之不但會令毛孔堵塞，亦會令角質停留、不斷增厚。而潔臉可以令角質軟化，更容易清除。
使用深層清潔的面膜
建議一星期進行最多2次深層清潔，如太過頻密會導致油脂保護層同新嘅角質層受到破壞——記住，角質有保護皮膚免受外來環境污染吸刺激嘅作用！（有類似隔離霜嘅作用～）
去角質產品比較－邊款最適合你嘅皮膚？
1. 磨砂膏／啫喱
磨砂型屬於物理去角質，即通過各種小顆粒在皮膚上摩擦，從而將最外層嘅角質去除。由於磨砂型去角質產品係通過物理摩擦去除角質，刺激性會相對較大，因此使用時要盡量輕柔，避免過度摩擦導致肌膚受損。
一般而言，使用磨砂膏嘅適宜次數為：油性皮膚每2週使用一次；乾性皮膚或面部皮膚較薄宜一個月使用一次；中性或混合性皮膚每2週1次，且只適宜用於T字位及皮膚較油地方。
2. 去角質凝膠
去角質凝膠嘅原理係透過搓揉磨擦，理用凝膠帶走皮膚死皮或細胞，從而達到去角質嘅功效。
3. 酸類去角質
最常用嘅酸類去角質成分有水楊酸、果酸，常見嘅果酸有甘醇酸、乳酸、檸檬酸等，去角質能力較強，但缺點係刺激性較大。
去角質療程推薦
總結
如果唔想臉上積聚厚厚嘅角質層，不但要喺日常做好臉部清潔，而且要記住每2星期或1個月進行一次去角質（切記唔好過度頻繁使用！）。而選擇去角質產品時，亦要因應自己嘅皮膚狀況同埋性質而去選擇適合自己嘅產品，以防對皮膚造成刺激而導致敏感呀！
如果你想睇更加多嘅眼睫毛療程，可以留意我哋嘅Toby美容院指南，仲有好多獨家著數㖭：