【法令紋好顯老？】一文了解法令紋成因、類型、保養方法！
法令紋是什麼？
法令紋係位於鼻翼邊延伸而下嘅兩條紋路，屬皮膚組織老化、造成肌膚表面凹陷嘅典型現象。法令紋係臉部肌肉運動時出現嘅正常生理標誌，但隨著年齡嘅增長，法令紋亦會逐漸加深，呈現衰老狀態，由於係皮膚紋理，所以大多時都無法用化妝遮蓋問題，影響美觀。 好多人以為年輕就唔會有法令紋的問題，但其實法令紋的成因有好多，唔同年紀的人都有機會出現法令紋，令年輕的面孔望上去老十歲！
法令紋成因
要預防同減淡法令紋，就要先了解法令紋形成原因，從根源入手防止問題發生：
膠原蛋白流失
除遺傳因素外，法令紋亦受年齡因素影響。25歲後，女性肌膚嘅水分同膠原蛋白就會開始流失，皮下脂肪會萎縮下垂，造成皮膚削弱同老化，形成皮膚表面上嘅凹陷，導致法令紋出現。
表情太豐富
表情太豐富會導致臉部肌肉過度拉扯，如果經常做某個動作（例如經常大笑），臉部肌肉就會形成一種思維記憶，形成法令紋。
生活習慣影響
唔規律嘅生活作息同側睡睡姿都會令皮膚加速老化、鬆弛及受壓，容易形成法令紋。所以要預防法令紋，就要先改變生活習慣啦！
暴瘦
唔少女星突然減肥暴瘦之後都會望上去蒼老好多，其實就係因為瘦得太快，皮膚唔能夠及時收縮，變得鬆弛而形成紋路，係面上的就例如有法令紋，身體其他地方暴瘦都會造成橙皮紋。
法令紋類型
法令紋可分為以下三大類型：
衰老型
衰老型法令紋顧名思義，就係因為衰老而形成嘅紋路。當年齡增長後，膠原蛋白嘅流失加快，導致皮膚變薄及彈性變差，當皮膚未能支撐蘋果肌嘅脂肪時，脂肪就會開始下垂，鼻唇溝上緣都會相應鼓起，進而擠壓出兩條「法令紋」。而隨著年齡逐漸增長，皮膚亦會愈加薄弱，令法令紋更加明顯，甚至會下移到嘴角。
結構型
臉部結構造成嘅法令紋往往屬於先天性。例如顴骨高、上排牙較凸出、面部肌肉較少的人會更易出現先天性法令紋。而有結構型法令紋嘅人群往往鼻基底都會比較低。
要知自己嘅法令紋係咪屬於結構型？你可以平躺照鏡，如果平躺後臉部法令紋消失，就代表係皮膚脆弱所致。反之，如果法令紋仍然頑固，咁好有可能係屬於先天性結構性法令紋。
結構+衰老型
結構+衰老型集齊以上兩種類型嘅特點。如果先天的臉骨結構容易導致法令紋，再加上隨著年齡衰老，皮膚老化，就會出現結構型+衰老型法令紋。
法令紋預防及減淡方法
法令紋雖然係正常生理標誌，但顯老嘅兩條紋路的確令人非常苦惱，想盡量令佢消失！以下方法就可有效預防同減淡法令紋：
重複吹氣呼氣
有日本節目曾經介紹，透過進行簡單嘅吹氣及呼氣動作，可達至緊緻臉部肌膚效果，從而改善法令紋。
方法：先預備一個膠樽，坐直並完全呼氣，然後用嘴唇一口氣將膠樽吸實，大約至雙頰凹陷嘅程度，保持6-8秒後呼氣，重複3-4次。呢個動作可以鍛煉法令紋附近嘅肌膚，保持彈性以防止下垂而令法令紋加深。
按摩
首先將手心搓熱，然後再將雙掌敷喺臉上，或者來回打圈按摩臉部直至臉部發熱，加強血循環，之後可以搽上有緊緻效果嘅臉霜，將下垂減嘅肌肉同皮膚慢慢向上推，左右臉頰同時進行，以達到拉提臉部線條嘅功效。除此之外，亦可以考慮購買市面上嘅臉部按摩儀器。無論係利用儀器定以手心按摩，都記住要溫柔地按，否則會令皮膚拉扯或受壓過度，損害皮膚彈性。
補充膠原蛋白
膠原蛋白支撐著臉部皮膚，可改善皺紋。講到補充膠原蛋白，大家可能都會諗到食豬腳、雞爪等食物，但此類食物並無增加體內膠原蛋白嘅功效，攝入過多反而容易導致肥胖。
膠原蛋白在體內形式需依靠蛋白質及維他命C，蛋白質可以從雞蛋、大豆等食物攝取，而維他命C則可從奇異果、橙等含豐富維他命C嘅水果中攝取。
除咗從日常飲食中入手外，亦可服用口服膠原蛋白原液，有助於補充肌膚嘅膠原蛋白，增加肌膚彈性，進而改善法令紋。（提提你：市面膠原蛋白產品眾多，不同成分會影響功效發揮，而膠原蛋白有分一型、二型及三型，每種嘅功效亦都有所不同，購買前記住先做詳盡資料搜集呀！）
醫學去皺紋療程
如果皮膚已經明顯衰老、下垂而導致法令紋非常明顯且深刻，可考慮以醫美方法去除。香港常見嘅法令紋消除療程包括：
1. 透明質酸填充
注射型療程，效果即時可見；瑞典Restylane與人體自身產生之透明質酸相似度高達99%的透明質酸，大大減少排斥及降低過敏反應等風險 ，能夠有效塑形、去皺及嫩膚 !
2. Botox
Botox肉毒桿菌素是一種純化的蛋白質、細菌的分泌物，能放鬆肌肉，減輕動態皺紋。
3. HIFU拉提
4. 無針埋線
無針埋線技術可刺激膠原蛋白新生及重組皮膚內的纖維網，，提拉筋膜層（SMAS) ，有效減淡法令紋等皺紋。