【皮膚敏感好困擾】了解敏感成因，處理皮膚敏感由日常護膚做起！
皮膚敏感成因
皮膚敏感可以令生活好困擾，皮膚會好容易有過敏反應，症狀例如痕癢、紅腫，甚至會有粒粒，到底點解會有敏感皮膚？講皮膚敏感成因之前，大家就要了解下皮膚結構，先可以知道用做咩可能會刺激到皮膚，造成敏感肌：
皮膚敏感成因一：角質層受損
角質層作為皮膚最關鍵嘅屏障結構，功能好壞並唔係取決於角質層嘅厚度，而係角質層嘅完整性。當角層受損就會導致皮膚容易過敏，例如接觸紫外線後出現泛紅等跡象。
皮膚敏感成因二：日常生活壞習慣
由於面部皮膚比較嬌嫩脆弱，所以唔少日常生活中嘅壞習慣都會容易導致皮膚出現敏感，包括以下三種：
1. 經常用過熱嘅水洗面
用熱水洗面可以令毛孔擴張，令人有放鬆、舒緩嘅感覺，但過熱嘅水會刺激皮膚，令皮膚保護膜受到破壞而變得乾燥，容易引起過敏症狀；洗面水溫可以根據皮膚性質而調節，例如乾性皮膚可使用30~34°C微溫暖水，而油性皮膚可使用相對較暖嘅水，約36-38°C。
2. 過度摩擦皮膚
洗面時或洗面後，唔少女士們都會用手或者毛巾大力搓揉面頰，以為能夠洗得更乾淨，但用力過度不但會加重皮膚負擔，更會令皮膚因過度摩擦而受損，令皮膚容易敏感；其實只要用配合適合的潔面產品，用手輕輕打圈就已經可以洗得足夠乾淨，之後用乾淨毛巾輕輕印乾，就可以好好保護幼嫩的皮膚喇！
3. 化學刺激
市面上有形形式式嘅化學類潔面產品，而深層清潔等有強力清潔效果嘅產品相對化學成分亦會較刺激，因此呢一類型產品一星期最多使用1-2次，日常盡量選用溫和嘅潔面產品，避免破壞表皮油脂平衡，產生過敏。
預防及鎮靜方法
想防止皮膚敏感，就要從日常護膚做起：
溫柔對待自己嘅皮膚
日常清潔面部或者卸妝時，應使用溫和嘅潔面、卸妝產品，卸妝要用卸妝棉，切勿用大力搓揉嘅方法「強行卸妝」。
做足防曬
紫外線對皮膚嚟講係一大負擔，如果經過長期日曬，當中嘅UVA會破壞面部皮膚細胞結構，令肌膚防禦力下降，容易產生敏感。
做好舒緩保濕
皮膚過乾容易引起敏感狀況，所以日常要多為肌膚補充水分，令皮膚保持喺水潤、健康狀態。而除咗外塗保濕產品之外，平時都要飲多啲水，由內補充身體水份。
避免用刺激性的化妝護膚品
造成皮膚敏感的成份有好多，有啲人對酒精過敏，有啲就可能因為其他化學成份，而美白產品就大多比較刺激，最好都避免使用呢啲產品，多用天然、少添加的化妝護膚品，可以嘅話就盡量少化妝，減低皮膚的負擔。
盡量戒食引發敏感的食物
要戒口真係唔容易，但如果發現係因為食物而引起皮膚敏感，就應該搵出致敏原，盡量戒食呢類食物，可能誘發皮膚敏感的食物有好多，比較高危的例如海鮮、蛋類（包括蛋糕、布甸等）、奶製品、人工加工食物（例如香腸、醃製品）；而喺中醫角度，肺主皮膚，而肺的特性係「喜潤惡燥」，所以都會建議戒辛辣刺激的食物（例如咖哩、辣椒）同煎炸油膩食物，反而要多食潤肺生津的食物，咁就可以改善皮膚敏感的症狀。
鎮靜及舒緩敏感皮膚
皮膚出現敏感時代表皮膚嘅神經醯胺（Ceramide）流失，造成雙脂質層嘅結構紊亂，進而令肌膚屏障能力下降，導致敏感。而要有效鎮靜敏感皮膚，就要選用適用於敏感肌嘅護膚產品，例如含有能夠抵禦肌膚刺激感嘅神經胜肽（Nurosensine）成分嘅產品就能即使舒緩敏感症狀，達到皮膚敏感急救效果。
敏感皮膚變白嫩肌大法
你有皮膚敏感，即使用咗含有舒緩成分嘅護膚品都好似無改善？咁係因為皮膚屏障修損只係導致敏感嘅其中一個因素，其他因素如神經性敏感、發炎等都會誘發敏感皮膚。
如果你已持續使用鎮靜護膚品一段時間但仍然未有好轉，可以考慮使用其他產品，例如注射美白針。
大部份美白針嘅成分除咗維他命C、維他命B群外，更含有主要成分傳明酸 (tranexamic acid)，喺藥理上具有抗炎功效，因此注射美白針後皮膚會減少出現炎症，降低皮膚敏感機會。此外，美白針治療採用點滴注射方式，注射時間大約30分鐘左右，非常適合忙碌嘅OL們！（美白針屬注射型療程，應先向專業美容院進行諮詢）
總結
唔想受皮膚敏感問題困擾？女士們記住要喺日常生活入手，做好防曬、保濕等護膚程序，溫柔對待自己嘅皮膚，保持作息正常，皮膚自然健康水嫩！如果肌膚已出現敏感問題，亦毋須太過緊張，只要使用適當嘅護膚品或進行醫美紓緩療程，敏感問題就會得到改善！