夏日心意卡製作工作坊

現今科技發達，幾乎人人都擁有一部智能電話。簡單地撳幾個掣，已經可以輕易傳送一個 message 出去；但係心意卡依然未畀時代淘汰 — 因為隔住螢幕顯示出嚟嘅信息，永遠唔及親手 D.I.Y. 嘅心意卡暖入心脾！

之但係，一張普通 A4 紙可以係一張心意卡；一張喺書店幾蚊就買到、一式一樣嘅硬卡紙可以係一張心意卡；一張由設計、畫、到你親手裝嵌配件嘅賀卡，都一樣係心意卡！

你認為邊種心意卡最能夠表達你嘅心思？

小草工作室資深手作人 Natalie 深深認同心意卡上嘅內容固然重要，但係心意卡嘅外型設計都絕對唔可以馬虎！

所以，Natalie 嘅心意卡工作坊並唔係純粹教你整一張卡咁簡單，當中需要巧妙地運用唔同技巧，包括：

1. 教授選紙配撘、裁紙、壓花機同刀模使用方法；

2. 示範內咭製作同組裝；

3. 示範捲花技巧、紙花與乾花嘅配撘，仲有花材嘅運用；

4. 利用凸粉或印章製作祝福語同上色；

5. 賀卡組裝、上花同裝飾。

$280 (仲可以有額外親子同行或情侶優惠)，就可以學到咁多技巧，絕對係抵玩！

名額有限，如果有說話想同對方講但係又唔知點開口，就一定要嚟【小草工作室】啦！