黃金海岸商場：3 大浪漫影相位登場

黃金海岸商場由8月尾至年尾會有三大最新靚靚擺設，任大家影相喺網上打卡。呢三個擺設分別係：小清新花牆、巨型水果裝置同寫意豆袋梳化，相信無論係情侶、朋友定係一家大細都啱哂！

小清新花牆

戶外花牆裝置座落於露天廣場，草圃當中綻放着過百朵粉紅同鮮紅色玫瑰乾花，組成「+」、「=」同「❤」圖案，編織出浪漫滿瀉嘅夢幻花牆，最適合同愛人、閨蜜打卡放閃，打造一幅幅浪漫又夢幻嘅靚相，留下「愛的時刻」。

巨型水果裝置

玩味十足嘅巨型水果裝置，為夏日帶來清新感覺。蘋果、啤梨、車厘子……無論係同朋友定係屋企人打卡影相，都會充滿歡樂嘅氣氛。

寫意豆袋梳化

每逢周末假期，大型真草地上就會展出多個舒適豆袋梳化。就算唔打卡，都適合情侶傾計談情或者同親朋戚友野餐，度過甜蜜、愜意嘅一日。