全港專業角蛋白美睫推薦

Soft Gel美甲又稱 Soak Off Gel，原理係採用硬度適中嘅光療樹脂，透過紫外光UV或LED燈照燈定型。Soft Gel同Hard Gel分別在於物料、效果同持久度。Soft Gel 屬中間硬度，有少少彈性，完成後效果偏向自然，美甲持久度約2星期。Soft Gel / Soak Off Gel 較 Hard Gel 冇咁傷指甲，原因係唔需要打磨真甲。缺點係Soft Gel款式較多局限，可以塗上淨色或畫花，但不適宜加上太多飾品；物質較為軟身，亦不適用於指甲矯形或延長。

Hard Gel 係硬度最高嘅Gel 甲類型，持久度較長，最長可維持1個月。Hard Gel 使用較堅固的物料，容易做到延長同指甲矯型、修補斷甲。美甲造型方面，除了淨色和花紋外，Hard Gel 也可以加上立體飾物品和嫁接假甲，款式自然又不易刮花或脫色。但由於有一定硬度，難以用卸甲水清除甲油，需要由美甲師利用專業儀器清除，經美甲師打磨卸甲。要注意，美甲師的手勢非常重要，如打磨到真甲有機會令指甲變薄，影響指甲健康。

Gel 甲一般可以維持2-3星期，但當指甲過長，或者指甲嘅邊緣翹起時，切記唔好自行用手撕走，否則會破壞指甲表層，令指甲變薄，更會崩裂，所以應交由專業美甲師卸甲。此外，亦要謹慎選擇美甲店，避免讓非專業嘅美甲師使用劣質或廉價產品，傷害你嘅指甲。另外，美甲場所嘅環境衛生都好重要，如果修甲器具沒有徹底消毒，好容易導致細菌感染。

整靚靚指甲嘅同時，亦要好好注重指甲健康，包括定期搽上護甲精華霜、護甲油，以修護脆弱指甲，咁整咩Gel款式都可以好靚啦！

傳統法式美甲以裸色做底色，再用白色圍邊。今年突破傳統，用更多顏色配襯，如糖果色系、奶茶色系。

美甲師以唔同顏色嘅甲油堆疊喺甲面上，塑造出好似油畫一樣嘅底色，加上小飾物或手繪圖案，更有藝術氣息，韓國同日本女生都好鍾意。

近年非常流行嘅Gel甲款式，用同色系嘅顏色做成暈染及漸變嘅效果，常見有雲石紋理同琥珀紋理，仲加入水波紋、燙金、亮片、貝殼、珍珠、金箔等元素，非常唯美。

Pantone 公布2023年代表色系為洋紅色（Viva Magenta）。除咗淨色美甲，都可以加入紅色系花紋，或以閃石配飾點綴。

橙色係甜美可愛嘅象徵。如果想做淨色美甲，可隔住咁塗上橙色，餘下的可以選擇塗鴉白色或鵝黃色；亦可以加添花紋、間條、波點，或是可愛嘅圖案，例如水果、花朵、太陽等，特別適合春夏天小清新氣息。

不喜歡太花巧嘅美甲款式，可嘗試白色簡約風格，在白色美甲上加上少量條紋和乾花作簡單點綴，簡潔之餘亦獨具美感。