Chris導師專業又友善，對學生好有耐性，每次上堂都學到好多野，最初抗拒去廁所板去廁所，剪指甲和日常護理而家已輕鬆左好多，狗狗都可以完全冇壓力下完成，下堂之後會主動跟進，解答我好多問題和意見，非常感謝他，真心推薦

上堂前問了超多問題，Chris都不厭其煩解答我哋的疑問，琪琪原本好乖係比較驚同興奮，好想同人玩又唔夠膽，開頭都冇咩嘢，最近出現問題係玩玩吓又會發惡咬人，自己上網睇咗好多教學，自己教完發惡次數增加了⋯在Toby找了Chris上堂，才知道自己的問題…原來訓練嘅時候做錯咗很多事⋯不自覺比了很多壓力琪琪，上咗一堂琪琪明顯變得乖左，識冷靜，情緒穩定咗好多，這個星期都冇咗發惡咬人的狀態，上繩出街會識聽指令，Chris真係好用心教我哋如何跟琪琪相處和訓練方式，我哋獲益良多 推薦👍

非常感謝Chris sir, 教導我們我點樣教育樂樂，他回來嘅時候已經五歲了，佢好敏感同有分離焦慮，係屋企或出外佢都成日狂吠，搞到成日俾人投訴⋯抱住試下心態，找到Chris，他好有耐性點教我哋樣幫助樂樂，等我地生活過得輕鬆啲，每日我哋都會跟住Chris俾我哋做嘅練習，努力咗幾星期依家樂樂真的放鬆咗好多，而且好鐘意被訓練，我好開心依家心情都放鬆咗好多，冇之前咁激烈咁吠，Chris除咗教我點解決吠叫問題，出街教我點樣面對其他會遇到的問題，教咗我哋好多好有用嘅嘢👍對我地幫助好大。之後我繼續不停練習，基本上我可以控制到佢，狗街坊都讚樂樂叻仔左，我同家人都非常開心❤️

Dannis 絕對係我見過最好嘅trainer，教法到十分之落地，睇得出佢好有實戰嘅經驗。我哋稍為有唔明白嘅地方佢都好有耐性咁將我哋教明白，可以睇得出佢教學相當有經驗，而且對小動物好有耐性好有愛心。對於想幫嘅狗仔社會化同埋融入人類嘅生活嘅我地，絕對係超級好嘅老師。

Dannis 係一個好細心有耐性嘅Dog trainer。 教嘅方式淺白易明，唔會強迫狗狗，但會引導狗狗去做我哋想佢做嘅嘢。 上咗四堂幼犬訓練，每一堂都係我去學習點樣同我家比熊BB溝通，亦見到BB每一堂嘅進步。

由於家人屋企人突然棄養狗仔，屋企兩位老人家成為緊急飼養者，而接手時狗仔九個月大有好多大大小小行為問題。大家零經驗同知識十分徬徨，諗過好多次不如放棄再幫佢搵其他有心人⋯最後搵到阿Sir上左兩堂速成班，當然不是萬能但幫到幾個最核心的問題，同時話到比我地知不少的養狗知識，最幫到手係*毛巾上車大法*!而家兩老每朝都可以無難度叫佢上車去街街(之前剛接手時係完全冇可能用自己能力叫佢上車出街的🥲）每日去到街街佢個人又乖啲👍🏻希望可以繼續進步下去，之後有需要仲會搵阿Sir補習！

Dannis係位好有耐性同愛心嘅trainer。我認為狗狗應該好似小朋友咁由細教起，而唔係有問題先train，所以喺我狗狗四個月大嘅時候就開始搵dannis做幼犬訓練。好多時候都遲落堂，甚至課餘時間都會whatsApp解答我嘅問題。到我狗狗而家就嚟八個月成日都俾人讚小朋友嚟講好定好冷靜，我亦都學識咗好多狗狗signal，同佢相處得更加好，都全靠Dannis教咗我好多知識。

Christina 非常專業👍我是調教 2 隻6O幾天大的唐狗幼犬，Christina 很了解 2 隻小粉團各自極端的品性。第一時間就解決了小弟弟什麼都不肯吃的挑食問題! 一下子就正常地吃狗糧了，立即長了肉肉。而另一隻出生早 5 天的小哥哥天生細膽又興奮過度難停下來的性格，剛剛上完第一堂已懂得依随主人從花園一端走到另一端，然後乖乖坐下來才取食，還懂得依主人吩咐把玩具拿過來交给主人。完全學到了，只是上完第一堂。我覺得可以請到Christina一直調教着我兩隻狗狗成長，是我非常明智的決定。

超級細心筆記，隻狗本身唔肯指剪甲，而家都可以訓練到乖乖地比我剪😆

我的狗狗有撲人同吠叫既行為問題，所以要搵dog trainer 訓練佢。係上網同ig 見到Carsten Sir 既post and comments, 所以諗住試一試。 暫時上左一堂90分鐘（加埋Carsten Sir OT 左半個鐘😆）total 120分鐘，我覺得Carsten 會從我地口中了解同觀察狗狗行為去分析我隻狗既行為。 呢120分鐘，佢教我左我應該同狗狗玩咩遊戲，唔應該玩咩遊戲，點樣hold 住狗狗同點防止佢撲人（呢度唔詳細講，幫佢保留少少教狗技巧😆） 個日我地覺得好神奇, 狗狗冷靜得快左。 之後一日上午我地keep 住自己幫狗狗train, 神奇地門口有聲 佢望一望繼續同我哋玩遊戲，冇吠！ 同一日下午有朋友黎屋企，有大人有小朋友，我地都用Carsten 教既方法控制狗狗，要佢冷靜。當日當然狗狗都仲會興奮/緊張同撲人，但佢明顯快咗冷靜，撲人次數減少左好多！ 以往撲人次數我諗會超過100次，要不斷拉返佢落黎，但嗰日佢應該只撲左30-40次， 我地已經覺得有進步！完左我地冇之前因為要hold 佢而虛脫既感覺😭 有段時間仲可以大家坐係地下傾計 我狗狗已經係就4歲既成犬，我知道冇可能一堂同埋短時間就改晒佢既問題， 但我覺得Carsten 好幫到我地，教到我地點樣train 狗狗，我地會繼續自己訓練狗狗，同埋會再搵Carsten 改善佢吠叫既問題。 我覺得如果大家狗狗有行為問題，不妨搵下Carsten, 佢收費係合理既😆

Carsten 在訓練前會花了時間先了解主人和狗狗的狀況，按需要教導我，上堂後比我預期中還快得到成效，很快解決了狗狗的胃口和大小便問題，還教導怎樣令牠能多喝水。他會按需要將他知道的都教給我，亦主動提供狗主需要知道的資訊和知識，Carsten 是真心愛狗狗的導師，領養的還會有折扣，真的很推介。衷心謝謝您

我隻柴犬有強烈吠叫問題 ，多得Dannis 我先知道原來係我自己處理方法錯誤，佢教識我點樣分辦我隻柴犬想表達的意思，我對自己隻柴犬了解左好多 十分感謝佢 ，推薦推薦!

我隻比熊幼犬跟Dannis 上咗四堂後，明顯感受到佢行為上好大嘅改變，願意配合指令對人類嘅信任感大左。Dannis好細心有耐性，而且落堂之後都會WhatsApp follow up

Dannis 嘅教學方法同上堂之外比我地嘅建議都非常好👍🏻佢嘅教學方法係唔會同狗狗講「No」而係用我地嘅方法正向引導小狗明白我地想佢學嘅野 呢樣野我都好讚同 多謝Dannis😆

Dannis Sir好有耐性。好Friendly! 我哋1月尾收養左一隻3歲半法鬥。 佢有行為問題，會咬人同唔畀人掂。 上咗Dannis Sir 4堂後，法鬥仔已經冇攻擊性，學識左用其他方法表達情緒，唔會用咬。 多謝Dannis Sir嘅教導！

Took a 30 days boarding training course& private lessons with Dannis for my border collie. Dannis took good care of my dog, he spent a lot of time training my dog, and has seen excellent improvement

我地狗仔栗子有追手咬同出街搶繩問題，Carsten好細心觀察左好短時間就一針見血咁留意到狗狗唔同行為背後既原因，從而教識我地用正確方法對症下藥，養左狗狗半年都解決唔到既問題喺短短一個鐘內（都未落堂），已經明顯見到大大改善，真係非常神奇。我地曾經以為狗狗行為問題解決唔到係咪就要用更強硬手段令狗狗知錯，亦都好唔想走到呢一步，好慶幸Carsten用既方法都係非常正面同溫和，令到我地學識由狗狗角度出發，幫助狗狗融入人類生活，同狗狗之間既bonding亦都變得更加緊密。

栗子原本有一些行為問題，例如咬我地手腳、係佢覺得舒服的地方咬拉鍊或扣子、出街時也會因為太興奮而搶繩，看到人或其他狗特別容易過度熱情，有時會出手邀請其他狗玩。 為了改善這些問題，我們決定請教Carsten。上了兩堂課後，我們對如何正確與栗子相處、玩耍以及放狗有了更清晰的理解。最重要的是，我們學會了如何有效地協助栗子控制情緒。 短短兩堂課的時間，栗子的行為已有非常明顯的改善。開始學懂自我控制，不再像以前那樣衝動。出街時也冷靜了很多，很多時候都會乖乖地走在我們腳邊，跟着我們的節奏行走。非常感謝專業、耐心又細心的Carsten!

Carsten好細心觀察狗狗 上堂超曬鐘都唔介意 就算上完堂都好主動跟進狗狗嘅情況 好有耐性解答我哋嘅疑問🥹 推薦👍🏻👍🏻

好感恩雲寶仲細嘅時候搵左訓犬師，雲寶之前拆家，咬尿片，亂屙大小二便，狂吠，在照顧上實在太吃力，Chris教導我們如何做好環境管理，教識雲寶唔咬尿片同指定地方去廁所，上咗兩堂雲寶成個狀態放鬆冷靜晒，我們一家輕鬆咗好多, 我哋應該一早搵幫手，辛苦咗幾個月瞓得又差壓力又大, 依家終於明白自己坐喺邊，佢除咗教雲寶仲教埋我們做主人的應有態度和正確養狗觀念同心態，新手家庭原本養一隻都搞到好吃力，雲寶比Chris調教後真係好乖好聽話，方法實用容易掌握，哈哈 依家我哋都心思思想養多一隻細佬，感恩能遇到你教導我們， 終身受用！謝謝

全部訓練都教得幾好，Carsten帶狗仔第一次用廁所，狗仔之後自然識去，仲有狗仔本身好曳，教完之後改善好多，至於，出街都會逐步去教主人令狗仔冷靜同唔會搶繩。 以加狗仔都好乖唔會係屋企亂吠。

非常好 carsten有耐性和愛心，細心解答。