【婚紗相靚景指南】香港10大婚紗攝影熱門景點

更新於2021年07月19日

講到籌備結婚,唔少準新人都好重視影婚紗相(即係影Pre-Wedding),甚至願意花多啲錢專誠去外地婚紗攝影留念。不過外國月亮唔一定特別圓,其實香港一樣有大把靚景,唔使下下都要飛外國至影到嘅。等Toby為大家介紹香港10大影婚紗相熱點!

1)山頂公園

圖片來源:Google Map

山頂公園除咗可以俯瞰全港景色外,仲有小山丘、水池同一大片綠油油嘅草地,不過最受歡迎嘅景點一定係公園嘅維多利亞式涼亭,通花欄柵優雅之餘又有古典味道,係唔少準新人嘅必影景點!

2)西貢獅子會自然教育中心

圖片來源:漁農自然護理署

獅子會自然教育中心有大量樹林同森林小徑,環境清幽,鳥語花香,最重要嘅係遊人少,就算想影耐啲都唔怕阻到人。

3)迪欣湖

圖片來源:香港迪士尼

迪欣湖係全港最大嘅人造蓄水池,又有人造噴泉同以天然岩石建成嘅瀑布,再加上大片草地同大型植物園,影相可謂一絕!唯一要留意就假日較多遊人,要盡量就番時間。

4)啟德郵輪碼頭公園

圖片來源:啟德郵輪碼頭

啟德郵輪碼頭公園設有多片大草坪,又有水景花園同噴泉廣場等多個景點,仲可以睇埋維多利亞港美景。雖然假日時遊人較多,但就勝在碼頭附近有洗手間、商店食肆同停車場,無論係換衫定休息都相當方便。

5)香港中文大學

圖片來源:中大新亞書院

中大不嬲都係影相熱點,除咗為人熟知嘅崇基校園未圓湖外,大學圖書館旁邊嘅水池同園形廣場,仲有聯合書院嘅青草地都係影婚紗相嘅理想地點。不過最特別嘅一定要數新亞書院嘅合一亭,設計源自於新亞創辦人錢穆先生所寫嘅〈天人合一論〉,只要就啱角度就可以影到水天一色嘅景像,企埋去影相,望落真係好似同大自然融為一體咁!

6)大埔白鷺湖互動中心

圖片來源:白鷺湖互動中心

白鷺湖互動中心嘅湖畔景色再配上充滿南歐風情嘅建築物,環境又靚又優雅。中心仲設有小艇租借服務,準新人可以坐住小船拍婚照,如果配埋日落景色就更有情調!

7)馬灣公園

圖片來源:馬灣公園Facebook

挪亞方舟大家可能去得多,但你又知唔知原來旁邊嘅馬灣公園有好多景點適合影婚紗相呢?彩虹瀑布同彩虹牆都係園內嘅特色景點,而意中園就係建有古典大鐘閘同花亭銅鐘嘅歐陸式花園,好多新人都鍾意喺花環拱門度影相,喻意共同走過人生路,零舍浪漫。至於位於園內最高處嘅鳥望台更可以睇到青馬大穚,無論係黃昏定夜景都一樣咁靚。

8)荔枝角公園

圖片來源:康文署

如果想拍一輯中式傳統婚照,咁荔枝角公園就係理想嘅攝影地點。成個公園以傳統嶺南風格打造,公園中央有個大水池,四周有橋梁、迴廊、亭台樓閣等建築,仲有人造山石砌成嘅山水景,喺度影婚照古典又有韻味!

9)元朗南生圍

圖片來源:旅發局

南生圍有大片野生草原、紅樹林、水田同濕地等大自然景色,仲有橫水渡同長木穚等,啱晒想走原始、清新路線嘅準新人,而且平日遊人唔太多,拍婚照就更自由。

10)荃灣城門水塘

城門水塘不但係一家大細郊遊好去處,而且仲係影婚紗相嘅熱門景點,其中白千層林就係最有代表性嘅景點嘞!水位高時仲可以拍到水浸白千層嘅獨等景色添!郊野公園內仲有密密麻麻嘅樹林,又可以欣賞到美麗嘅水塘景色同石澗,咁多靚景都夠晒你影成日啦!

Toby 你的專業婚禮專家

正在構思籌備你兩個嘅完美婚禮?即上Toby搵專家幫手啦!無論係婚禮場地租賃婚紗租賃証婚服務婚禮花球設計等等,都有專家可以幫到你!

只需3步,物色全港最佳婚紗攝影師!

Toby 婚紗攝影評價

5.0
(209)
Yolanda
5.0
2021年10月15日

Friendly and professional

nathan
5.0
2021年10月13日

100%滿意服務 多謝晒terry😄

Bonnie Hui
5.0
2021年09月25日

因為疫情由全日分左再兩日搞,原先既攝影唔肯比我地拆開兩日,臨時臨急搵左KC,最後出門同擺酒兩日半日都係用左你地,因為兩次既服務都非常專業,非常準時,影啲相同片都好靚好高質,影片既音樂都揀得好好,非常快(唔洗3個星期)就有相同剪好既片睇,呢個真係要讚一讚😁😁而且收費合理清晰,OT時間都係雙方傾好晒先會收費。同埋就係疫情關係我哋改左幾次期都冇額外收費,仲非常配合我地,非常有人情味👍👍👍諗唔到有咩要改善🙈🙈