【Toby x 門路】設計師唔易做(三):拆解3大must check嘅工作合約中伏位

更新於2020年10月29日

Toby喺門路都經常提醒各位Freelancer要用合約同落訂嚟保障自己,但點樣制定合約呢?有咩要寫落去?簽約之前有咩要注意?相信唔少新手Freelancer 都對合約唔太熟悉,所以就由我哋同大家講下三個常見嘅合約中伏位,等你可以喺簽約時都留意一下,事不宜遲即刻睇!

快速瀏覽

(一)工作內容

無論咩範疇嘅工作,喺合約上列明工作內容同清單都非常重要,例如如果要為客戶設計新店所需嘅所有設計,就更加需要寫清楚所包括嘅細項,例如設計 logo 卡片傳單等,亦需要寫明所需嘅數量以及會唔會包括修改,甚至可以寫明如果需要增加合約以外其他項目嘅收費,另外亦要寫清楚交貨日期,如果需要修改或提早日期嘅收費等,否則需要增減部分項目時就可能會出現拗撬。總之就需要非常清晰同仔細,唔好因為一時懶惰就咁寫「全包」就算呀!

設計嘅種類同範疇有好多,記得寫清楚工作內容嘅細項啊!

(二)薪酬安排

其中一個Freelancer 最常面對嘅問題就係客人拖糧,有時候更會拖到以年計……,唔想畀人拖糧、追唔返條數?就要喺合約度寫明薪酬嘅安排,例如入落乜嘢戶口、幾時要處理好等等,都要望望出糧日係由幾時開始起計、計日曆日數定工作天。一般嚟講會喺完成設計之後出張Invoice,由Invoice 發出日起計60日內找數,收數按對方需要出返收據,咁就最穩陣啦!

(三)解約問題

雖然做得生意都唔想解約,但有時或者會有啲意外而需要中止合約,所以合約上最好都寫明解約嘅安排,例如通知期、未完成或已開始嘅Project 點計算等等。就算真係需要解約,都可以有返份合約保障,而唔會有其中一方無啦啦消失咗啦!

做生意少不免會遇上解約問題,只要安排得宜,就唔使怕會傷害雙方關係啦!

一連三集嘅Freelance 設計師須知,Toby已經同大家分享完喇,你仲有冇其他嘢想知呢?下次Toby 同門路就會同大家講講傳統行業喺呢個時代嘅困難處。無論已經係做緊Freelancer嘅你、定係有意轉型嘅打工仔都要留意嘞!

識Draft合約都要識搵客!上Toby主動聯絡客戶啦!或想了解更多Toby可以點幫你搵客發展你嘅事業?我哋已經為你準備好!

關於門路

「門路」係一個教你搵錢嘅資訊平台,雲集各路掌門,親自教授搵錢竅門,分享初創貼士、搵錢秘技同實戰經驗。除咗用短片同文章教路,仲有LIVE CHAT即時同掌門互動,一路睇一路傾,同掌門攞料話咁易,連點搵資金嘅門路都有。即刻下載門路https://bit.ly/3awhKeB,即時捉緊每個搵錢機會!

3大頻道傳授各種搵錢竅門:

各門各路:

網羅各式搵錢門路,波鞋投資專家Professor S、手錶收藏家Mike Wu、潮流達人Mr. Big Children、懷舊玩具收藏家Oiman等掌門,教你透過買賣搵錢嘅竅門。

初創:

教你點將創意變成搵錢生意,各路初創掌門分享過來人心得

猛人:

掌門專訪,總結經驗,深入剖析成功搵錢竅門。

更多資訊