《專家分享-Zeekers Danz Production》香港人做K-POP Star 有冇可能?背後辛酸大公開!

更新於2021年04月15日

近年韓流席捲全球,代表者有BTS、Blackpink,頻頻地見到佢哋出現喺荷李活嘅商業節目、頒獎禮,喺網絡世界、社交媒體(YouTube觀看次數、Instagram追蹤人數)亦都紛紛打破紀錄,佢哋已經由韓流偶像演化成國際巨星。究竟韓流偶像背後有乜嘢成功嘅方程式呢?今次Toby 就搵嚟Zeekers Danz Production 同我哋拆解一下韓流成功背後嘅方程式啦!

舞台光鮮背後承載著表演者不少的汗水和努力。(圖為Zeekers Danz 所舉辦的showcase 舞台)

韓國偶像團體嘅成功背後究竟有咩方程式呢?


偶像團體喺舞台上能夠成為咁全面嘅表演者,背後付出多年努力奮鬥嘅練習生生涯就係佢哋成功嘅基石。韓式練習生系統 / 體系就係成就出一個又一個世界級紅星嘅偶像育成方程式,喺長達幾年嘅練習生生涯入面,佢哋需要喺唱歌、跳舞、舞台技巧、語言等唔同範疇都做到最好,務求得到公司高層嘅欣賞而得到出道機會,聽講Blackpink嘅Lisa 都成為咗練習生5年先等到出道機會,所以每位偶像背後都付出咗唔少努力嫁!

每位偶像在出道前都經以年計的練習生生涯才合乎資格出道。(圖為Zeekers Danz所舉辦的韓國遊學團團照)

佢哋用乜嘢渠道去加入各大娛樂公司?

幾乎所有練習生都用試鏡嘅形式加入各大娛樂公司,一啲規模比較大嘅娛樂公司如YG、JYP、SM等隔一段時間都會舉行海外選拔賽,等有意成為K-POP 偶像但身在海外嘅人都可以有機會加入成為一分子,GOT7 嘅Jackson(王嘉爾)、CLC嘅前成員 Elkie(莊錠欣)同NCT 嘅Lucas(黃旭熙)都係因為海外選拔而成為練習生再被挑選出道。最近因為疫情,好多娛樂公司(如SM、YG)都開始接受E-Mail方式嘅申請,申請人需要附上自己近照、跳舞嘅片段同自己嘅唱歌錄音,大大方便咁多位海外嘅志願者。

A-Stage Entertainment 的課程包含跳舞訓練、表演技巧,A-Stage更有機會安排優秀的學員參與娛樂公司的選秀,讓學員一嘗偶像夢。

聽聞做韓國練習生好辛苦?

大家不時都會從偶像明星訪談中得知佢哋出道前練習生生涯嘅辛酸,每日除咗密集式舞蹈及歌唱等訓練日程外,海外嘅練習生要上韓文課,有啲公司因為想攻佔埋日本、外國市場仲要再上外語課,加上晚上繼續努力練習,亦要面對各式各樣嘅評核,嗰種壓力真係未必人人可以想像得到!但正正因為日積月累不斷訓練先可以成就出佢哋嘅實力,出道後能夠喺台上發光發亮受人注目,一切嘅付出都冇白費!

一直以來好多當紅嘅韓團成員中都有外國人成員,例如BLACKPINK 嘅Lisa (泰國)、GOT7 嘅BamBam (泰國)以及TWICE 嘅子瑜 (台灣)等等。各個K-POP 組合都以「成為Global Idol」為目標進一步攻佔外國市場,所以唔少韓國娛樂公司都會加入外國成員同進行海外選秀活動,務求令團隊更加國際化。所以只要有實力,非韓國人入團絕對係有可能,可能更加係一個優勢!

唔難發現以上提及幾位成功以外國人身份成為韓國練習生至出道嘅例子都有一個共通點,就係佢哋都從小就已經開始進行各類型舞蹈唱歌等演藝訓練,比一般人更早鍛練同累積舞台經驗,確實為出道做好準備。

成為練習生後更要克服大大小小的困難,例如語言問題、舞台技巧、定期的實力考核等。(圖為Zeekers Danz所舉辦的韓國遊學團團照)

想盡早可以訓練到你各方面嘅跳舞、舞台技巧?

的確羅馬非一日建成,跳舞技巧都係,需要一段時間去慢慢提升跳舞技巧,亦需要喺相關方面持之以恆咁練習。如果你想快啲開始你嘅跳舞大計不妨上Toby 比較吓各位導師啦!只要喺Toby 上簡單回答幾條問題,就可以免費收到高達4位唔同導師嘅報價,等你可以有多啲選擇慢慢揀!

關於Zeekers Danz Production / A-Stage Entertainment

Zeekers Danz Production 創立於2009年,是香港著名專業舞蹈學校及娛樂製作公司,過往與多間著名韓國娛樂公司合作及舉辦香港區選秀,當中包括JYP、SM,更是Big Hit-Belift Lab全球選秀香港區嘅唯一合作公司。Zeekers 專業舞蹈老師團隊過往培訓出多名舞蹈精英。亦會籌辦遊學團帶同學員到韓國、日本進修及練習生體驗,參與不同類型表演、比賽,更是香港區 K-POP Cover Dance Festival 舞蹈比賽表演嘉賓,雲集舞蹈訓練實力非凡的選手。

A-Stage Entertainment 於2021年由Zeekers Danz Production成立,其中A-Stage 部門的課程和訓練主要目的更是針對有意成為KPOP 偶像、在娛樂事業中發展的志願人士提供合適的訓練,透過一系列的訓練課程加強學員在唱歌、跳舞、表演方面的能力,為他們打好成為練習生的根基。

想由專業K-POP舞蹈導師指導?只需3步,物色全港最佳K-POP舞蹈班

Toby K-POP舞蹈老師評價

5.0
(173)
Miranda
5.0
2021年06月15日

Ms Margaret is a very professional and experienced tutor. She is very patient and friendly to my daughter. I highly recommend her to any of you who want immediate improvements.

momoko
5.0
2021年06月08日

This is a good teacher which teaches patiently and nicely. Taught for a long time, she is trustable.

Belly
5.0
2021年05月26日

非常專業嘅芭蕾舞老師,女女芭蕾舞有明顯進步