【我想做專家】如何入行成為專業攝影師?

更新於2021年07月09日

今時今日,相機科技同後製軟件愈來愈先進,人人手裏至少有一部附攝影功能嘅智能手機,去到邊影到邊。不過,業餘攝影就話可以隨心所欲、想點影就點影,但如果要影出令客人滿意嘅靚相,就要靠專業Photographer出馬。究竟點至可以將嗜好變成工作,成為一個Photographer(專業攝影師?)Toby 立即為你講解!

提升攝影技術

影張相好似好簡單,但要影得好,就好講究構圖、取景角度、照明處理等攝影技巧,而且商業攝影人像攝影動態攝影等不同範疇亦有不同要求,並非有部相機就可以駕馭。要提升攝影技術,有啲人會選擇報讀坊間機構舉行嘅攝影課程,好似香港攝影協會香港風景攝影學會中大專業進修學院YMCA專業書院等,都有開辦各種攝影課程。有啲人則覺得自己睇書上網鑽研再練習就足夠,但無論你選邊個方法都好,最緊要都係能夠提升你嘅攝影水平。

添購適合器材

雖然話你影得好唔好同器材並冇必然關係,不過做得專業攝影師,少不免要配備不同類型嘅攝影器材,先能夠應付平日嘅攝影工作需求。除咗一部中階單反相機外,你可能仲需要大光圈定焦鏡、超廣角鏡、遠攝鏡同三腳架等器材,預算隨時過萬。一開始時你唔需要刻意追求最新款、功能最多嘅型號,等你熟悉點樣運用唔同器材再添置都未遲。

製作個人作品集

想成為專業攝影師接Job賺錢,就唔可以日日等運到。平日多嘗試唔同範疇嘅攝影,譬如婚禮攝影、運動攝影或風景攝影等練習,從過去嘅作品中選出唔同題材同類型嘅照片,去製作你嘅個人作品集,以展示你嘅攝影水平,有利向客人推銷自己。客人見你拍出大量優秀作品,就自然更放心僱用你。當然,梗係要開番個Facebook Page同Instagram,去推廣一下自己啦!

建立人際網絡

唔好以為專業攝影師淨係識影相就夠,想工作長做長有,就必須建立自己嘅人際網絡。譬如你嘅專長係婚禮攝影,你可以積極同婚禮策劃婚紗租借等公司聯絡,爭取工作機會。你亦可以建立個人網站或製作名片宣傳,讓更多人認識你。唔少人都會通過熟人推薦聘用攝影師,所以你亦應該多同客人溝通,了解客人需要,滿足到客人要求,就自然樂意介紹更多客人俾你識。

由攝影師助手做起

有得揀大家梗係想一開始就做攝影師,不過專業攝影師需要大量資金去經營自己嘅Studio,包括投資器材、影樓租金同燈油火蠟等開支,風險並非人人能承受。所以有啲人會喺讀完攝影課程後擔任攝影師助手,一來可以從專家身上學嘢,二來可以藉此了解攝影行業嘅營運模式,睇下自己適唔適合呢行。雖然人工唔太高,但就勝在定時定候有糧出,又可以從學習同實戰,不失為一個入行嘅好途徑。

想學攝影?搵Toby 幫手啦!

希望以上嘅資訊可以令你更了解攝影行業。踏上攝影之路雖然一啲唔容易,但能夠影出一輯自己同客人都好滿意嘅相片,相信係唔少攝影師繼續堅持落去嘅動力!如果你都想做足準備,學習更專業全面嘅攝影技巧,Toby 平台上嘅攝影課程絕對幫到你!

Toby 平台能夠為你選擇最適合你嘅攝影課程,只需簡單三步,就能夠搵到啱心水嘅導師同課程提升攝影技術,助你成為專業攝影師!

只需三步,物色全港最佳攝影課程

服務評價

5.0
(671)
利太
5.0
2021年10月12日

Very professional and outstanding service

Vincent Chen
5.0
2021年10月11日

Andy好專業又有耐性 下次有機會都會搵返佢:)

Lucy Reid
5.0
2021年10月10日

Ling took great photos of us on the street in the rain, (T3), at the Centre street wet market and at Dim Sum