【讀歷史無用?】歷史科好悶?讀歷史的5大重要性

更新於2023年10月18日

歷史作為DSE選修科嘅其中一科,往往俾人標籤為一科只靠死背、沉悶嘅科目。學歷史唔單單係知道歷史事實,仲可以令你更好地理解一個地方嘅文化、風情、社會架構等,可以幫你認識、品味、欣賞一個地方,所以唔好睇小歷史呢科!講到歷史,我地日常生活其實充滿歷史嘅痕跡,香港身邊就有唔少歷史建築,例如PMQ、美利樓,但你又知唔知背後嘅歷史故事?認唔認識香港本地歷史?Toby今次就同你分析下DSE歷史應試技巧、歷史有咩重要性,改變下大眾對歷史嘅刻板印象!

快速瀏覽

學歷史靠背就得?

非也!歷史當然唔係淨靠背就得喇,以防萬一提提你,歷史本身係一科需要分析嘅科目,目的在於培養你嘅分析能力。記得史實固然重要,但更深層次係希望令學生知道歷史事件發生嘅前因後果,分析事件嘅來龍去脈等等。再而分辨可靠嘅史實,進而判斷唔同嘅歷史辯題。一個好嘅歷史老師唔應該只係一味要求學生背誦歷史,而要係令學生知道同抓著歷史嘅脈絡。

如何學習歷史?

要了解歷史,我哋其實可以唔洗只係閱讀教科書,世界各地嘅流行文化週不時都會同歷史有關。以年輕人最喜好嘅動漫為例,日本網絡連載漫畫《黑塔莉亞AxisPower》、《文豪野犬》、《輪迴的花瓣》正正就是以世界歷史和日本歷史為主題,漫畫人物設定都係以唔同國家特徵為藍本。

講到電影、電視劇等就有更多。就以著名導演許鞍華嘅電影為例,佢近年最出名嘅兩部電影——《黃金時代》、《明月幾時有》。兩部電影背景同樣都係牽涉到抗日時期中國、香港嘅大環境。只係前者講述二十世紀著名女作家蕭紅嘅生平,以及佢來港避難嘅經過,後者則講香港淪陷時期抗日遊擊隊嘅故事。

可以見到,流行文化同歷史息息相關。要生動咁學習歷史,不妨由電影、漫畫開始睇。

DSE歷史考咩?有咩應試技巧可以留意?

DSE歷史科公開試可以分為三個部份,分別係:資料回應題、論述題、校本評核。

資料回應題一般包含四題,範圍橫跨唔同課題。一般資料回應題嘅內容會係漫畫、數據等一手歷史資料,題目要求學生合理地分析和評價歷史證據,繼而拉近歷史資料和真實歷史事件嘅關係。

論述題方面,考生可以在7條論述題中選擇2條回應,在有限時間內展述自己嘅立場,以自己所知嘅史料支持自己嘅論點。

整個課程會囊括二十世紀唔同國家嘅歷史,包括香港、中國、日本、歐洲等等,仲會研究唔同國際組織喺二十世紀內對全球嘅貢獻,例如係聯合國。所以大家唔好再抱有DSE歷史就係西史呢種概念啦!

大學歷史系讀咩?中史歷史之別

目前為止,設有歷史系嘅大學一共有五間,分別係香港大學、香港中文大學、香港浸會大學、嶺南大學同埋樹仁大學。雖然大家都係研究歷史,但研究方面就截然唔同。

以港大同中大為例,港大歷史系就主要研究西方歷史為主,中大歷史系就要研究中國古代史。如果想係港大讀中史,你可以讀隷屬港大中文學院嘅中國歷史及文化一科。

但無論係港大歷史系定中大歷史系,入到去嘅同學都應該有心理準要係咁不斷寫論文,搵合適嘅文獻同史料,分辨其真偽同可信性,客觀地寫出一篇篇嘅論文。有時,教授亦會要求學生完成書評,分析歷史文章嘅局限同預設立場等等。

歷史系出路有啲咩?學歷史的重要性在於什麼?

唔講你唔知,末代港督彭定康就係出身於牛津大學歷史系。社會上有唔少名流賢達都係出自歷史系,俞宗怡、楊啟彥、馬時亨、丁新豹、蕭若元等等都係歷史系嘅畢業生。所以話讀歷史一定冇出路呢個講法表面上難以成立。

當一個人對歷史嘅了解足夠深入,就會發現歷史有自己一套興亡嘅規律、經驗同教訓。能夠理解歷史洪流嘅人能夠「以史為鏡」,可以避免陷入一啲歷史的困境或狀況。同時亦可以預先洞察未來嘅潮流走向,一個人想喺社會上立足,呢點十分重要。

想學好歷史?搵Toby 幫手啦!

希望上面有關於歷史科的簡介可以幫到你準備 DSE考試。想搵個歷史補習老師學好歷史?Toby 幫到你!只需要用3分鐘回答幾條問題,等我哋更了解你對於補習嘅需求同對補習老師嘅要求,我哋就會從4,000多位歷史補習老師中為你搵最適合嘅幾位,再由你去比較!除咗歷史科外,Toby 上還有中文補習英文補習數學補習私人補習,滿足你不同學習需要。

只需三步,物色全港最佳歷史補習導師/課程

服務評價

5.0
(168)
IDK
5.0
2021年09月09日

Good job bro

Jane
5.0
2021年08月25日

Very all rounded tutor, on time in his scheduled times, clear and easy to follow notes. Lesson is well constructed and helped my child to achieved level 7 in Econ HL

aa
5.0
2021年05月21日

Good

更多語言學習資訊