【韓文班攻略】學韓文的4大基本途徑

更新於2022年12月01日

韓風大熱,身邊好多朋友沉迷韓劇、K-Pop以及韓國各種流行文化,甚至乎想學韓文自我進修。學韓文除咗可幫助你掌握旅遊用語外,亦有助你發展事業,例如從事韓文翻譯、導遊、與韓國人做生意,甚至係加入韓國女團等等!想用流暢韓文同Oppa(哥哥)或阿豬媽(大嬸)傾偈,咁到底學韓文邊間好呢?等Toby 幫你搜羅香港讀韓文班嘅途徑啦。

快速瀏覽

1)工聯會

工聯會業餘進修中心係全港學韓文最平嘅地方,全期12堂學費都只不過係$570–$820。不過,正所謂「一分錢一分課」,工聯會韓文班有時一班學生有近30–40人,而且仲經常滿座。學生要有心理準備自學自習,老師冇可能逐個學生照顧。工聯會韓文老師多數以廣東話夾雜少量韓語授課,對初學者比較容易理解概念,但學習韓文會話嘅環境氣氛就稍遜。

課程收費:★★★★★ 教學質素:★★ 師生比例:★

2)大專院校

大專院校一期課程費用$3,700起,唔同課程長短以及價錢不一。大專院校最優勝地方係提供持續進修基金所資助嘅韓文課程。如果你符合香港人資格以及考試合格,學韓文分分鐘得到政府全額豁免或減學費。大專院校課程比較靈活以及有趣,例如HKUSPACE有提供韓國文化班、口法班,香港中文大學專業進修學院則有韓語網上課程等。大部分教材都沿用韓國出版,課程可銜接韓國大學。不過,大專院校大部分課程以正宗韓語教學,設年齡及學習門檻,唔係人人都可以讀。另外,上堂模式以全日制及兼讀制為多,本身就係以爭取學分為主要目的,少不免有功課及考試上嘅壓力。

課程收費:★★★ 教學質素:★★★★ 師生比例:★★

3)韓語學校

韓語學校課程種類係眾多學習中心中最廣泛,由幼兒班到成人班,由初階課程到針對每種技巧都有覆蓋得到,課程比較詳細深入,可按自己興趣或想加強進修嘅地方選班。最適合需要短時間學韓文及應付日常生活用語嘅人。坊間嘅韓語學校,例如Pink Hill,課堂每班人數唔多(大概6–15人一班),所以課堂參與度非常高,老師能夠糾正學生問題。但商業學習中心學費比較貴,一堂價格約$200–$300,亦有按月收費。韓語學校多數齊人才開班,若遇上志同道合嘅朋友,更可以一齊自組課堂。

課程收費:★★ 教學質素:★★★★ 師生比例:★★★★

4)私人韓語老師

想課程度身訂造?你不妨考慮請私人韓語老師。私人韓語老師價格比報團體班略貴,但私人老師在課程內容、上堂地點、上堂時間都更具彈性和成效。一對一課程完全可以就自己進度、追求個人目標,有唔明白嘅地方亦可立即詢問老師。另外,私人老師有足足整堂時間同你溝通,生活化嘅教學模式俾學生有更多機會講外語會話。大部分私人韓語老師容許試堂,有較大空間讓雙方了解夾唔夾。付費方法更係逐堂收費,萬一遇上急事或發現自己唔適合學韓文都可立即停止課程。

課程收費:★★ 教學質素:★★★★★ 師生比例:★★★★★

想學習韓語?Toby 幫到你!

其實唔同學習方法各有長短,要視乎學生自己個人喜好以及經濟能力。當然,老師資歷及教學態度亦相當重要,我哋嘅免費平台便可以讓你比較唔同老師嘅價錢、教學質素、口碑等等。你只要回答幾個簡單問題(如本身韓文程度、上堂日子同時間等)就可以取得韓文導師嘅報價。想搵最適合你嘅韓語導師,可即上Toby!

除咗韓文之外,Toby 平台仲有其他語言學習班,例如法文班德文班日文班西班牙文班普通話班等等,隨時上去搵個適合你的語言導師!

服務評價

5.0
(184)
lingling
5.0
2023年05月22日

老師教得好好,好仔細,解決曬之前唔明既韓文疑問~

匿名用戶
5.0
2023年03月27日

She is on time for every class and would remind us a day before so then we don’t forget. It’s also never boring in her class

Kwan Chi Yan Michael
5.0
2023年03月25日

老師態度好,有耐心教導講解容易明白

只需三步,物色全港最佳韓文班

更多語言學習資訊