B媽勁嘆BBQ燒烤場

天氣涼涼地，燒野食真係一流，星期日同幾個朋友一齊bbq，滿心期待呢度嘅重慶燒。呢個bbq場位置比較偏遠，建議自己開車，或者係錦上路站搭的士過黎。雖然星期日都唔算多人，不過建議打電話book位，好讓職員預備。每人送一罐飲品，如果揀支裝就要加5蚊。其實我地覺得有啲唔抵，不會罐裝飲品實在太細，所以無奈都要加。用黎重慶燒嘅食物本身已經穿好比我地，食物本身冇調味，係燒完另外自己再加調味粉，調味粉提供孜然粉、辣粉同椒鹽。

必選推介雞軟骨，豬腸，豬腩肉，韭菜及原條茄子等，三種肉類如識得燒嘅話送酒一流，每次自己去燒起碼KO，約五十串，配上三種調味料❨辣粉，椒鹽，孜然粉❩，另備有醬油及水方便燒疏菜類食物～港式方面必選雞脾，風沙豬扒及羊架，雞脾如遇大胃王，兩隻算小意思，風沙豬扒啲炸蒜粒腌滿整塊豬扒，燒到外皮微燶非常可口，羊架腌得入味，愛羊者必選！臨尾加塊燒面包，將整塊面包搽滿內有蒜香嘅牛油燒成多士，大滿足！！！