【大學畢業 起薪點 低?】5大最有「錢」途大學主修科2017

DSE中學文憑試已開考,考生除咗擔心自己嘅成績外,相信亦好煩惱將來應報讀乜嘢學系好。雖然揀主修科時都應該以個人興趣同能力為先,但了解下唔同學系同職業嘅薪酬同前景,對大家作出選擇都係有利無害嘅。而家成日話大學畢業 起薪點 仲低過以前,咁有啲乜嘢Major嘅畢業生會較有「錢」途?HelloToby同大家睇睇「5大畢業生起薪點最高學系」!

 

1)醫科

駐院醫生起薪點:$56,755(總薪級表第30點)

香港人口老化,對醫生需求有增無減。而家一般公立醫院駐院醫生嘅每月起薪點約為$56,755,計埋每月津貼就更多。中大同港大嘅內外全科醫學士課程(MBChB)除咗要求考生英文達4級外,生物或化學亦至少要有3級。考入醫科一啲都唔容易,之後仲要完成6年醫科課程同1年實習訓練至能夠正式成為醫生,選擇時要諗清楚自己嘅興趣同能力適唔適合。

想改善生物科同化學科嘅成績?搵個私人補習老師幫你啦!我哋平台可以幫你搵到專業嘅生物科化學科老師

即搵專科補習

2)牙科

政府牙醫起薪點:$56,755(總薪級表第30點)

牙醫不嬲都係高薪職業,好似衛生署聘請牙科醫生嘅起薪點就同駐院醫生一樣,為總薪級表第30點(起薪點約$56,755)。想喺香港取得牙醫執業資格,你可報讀港大嘅牙醫學士課程。根據港大2016年嘅收生數據,牙醫學士(BDS)嘅收生中位數為37分(4個核心科和2個選修科成績)。考生除咗要有一定英語能力外,選修科如生物化學物理綜合科學或者組合科學其中一科成績要至少達3。

3)法律系

見習律師起薪點:$20,000 ~ $40,000(大律師行)

喺香港要成為律師,一定要修讀法律學位同法學專業證書課程(PCLL)。至於畢業嘅人工就好睇律師行規模嘅,本地較小型嘅律師樓可能起薪點為$20,000左右,但如果入到一般大型跨國律師行嘅見習律師薪金可高達$40,000。港大、中大同城大都有開設法學士課程,三間院校都要求考生英語至少要有5級水平,可見良好嘅英語能力有幾重要,有志修讀法律系嘅考生一定要留意。

HelloToby平台上有多位教學經驗豐富嘅專業英文補習導師,立即搵佢哋幫手提升你嘅英語水平,喺DSE中考取佳績啦!

即搵英文補習老師

4)護理科

註冊護士起薪點:$20,060 ~ $28,040

香港醫院護士長期短缺,所以護理科畢業生相當搶手。一般完成護理課程後就可成為登記護士,起薪點為$20,060(9點),不過如果繼續進修成為註冊護士,人工都會跟住水漲船高,升至第15點$28,040(普通科),喺私立醫院工作人工可能更高。同牙醫學士課程一樣,想報讀護理學課程嘅話,選修科如生物化學物理綜合科學或者組合科學其中一科成績要至少達3級。根據理大嘅數據,2016 ~ 2017年護理學嘅收生中位數為23.9分(中英兩科及最佳3科)。

5)教育學士

起薪點:$26,700(文憑教師)/ $28,040(學位教師)

教師工作勝在夠穩定,而且薪金每年都會按教育局嘅薪酬表調升,收入有保證,好似一般文憑教師(CM)同學位教師(GM)嘅起薪點分別為$26,700(14點),而GM薪金嘅起薪點為$28,040(15點)。修讀教育學士課士時需要選擇專修嘅科目,包括英文中文數學通識,選修科嘅成績一定要夠標青。

資料來源:大學教育資助委員會

 

想搵到份好工,CV寫得好唔好相當關鍵!你可以考慮搵個CV專家幫你執執!

即搵履歷專家

以上工作都唔啱你?其實今時今日要增加收入嘅方法多得是。唔少人喺正職外仲會搵多份Freelance賺下外快。如果你自問都有一技之長,可立即加入我哋嘅平台成為服務專家搵新客戶!

立即登記

——
延伸閱讀:【Toby 限時搶購】 夏日美甲試做價 Soft/Hard Gel 低至36折

延伸閱讀:【 Toby 限時搶購 】 剪髮、焗油護理、電染低至3折

延伸閱讀:【 Fresh Grad 人工有幾高?】2017入行起薪點最高10大職位

延伸閱讀:【步步高陞,事業運升】助你升職加薪轉好工的6大 進修課程

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *