【學好 普通話 】5大秘訣幫你更快掌握流暢 普通話

古時有句說話:「天不怕,地不怕,只怕廣東人學官話。」意思指廣東人學普通話難,讀音用字經常出錯。其實,任何人講另一種方言唔到家,係唔出奇嘅。只要用心學習,假以時日一定會拿捏到 普通話 技巧。想知點樣可以學好 普通話 ?等HelloToby分享幾個有用小貼士啦!

 

1)創造常用 普通話 嘅環境

要利用 普通話 來「溝通」,首要條件係將其搭配背景及情景使用。被TED x TKU稱為「25種語言神人」的謝智翔,曾經分享一種心得叫「語言習得」,意思指對待學外語應該等同學母語一樣,自然而然從生活環境中學習,透過不斷重複情景來記低每個字嘅發音及理解意義。其實,學普通話環境可以創造出來,例如認識講普通話嘅朋友、到景內地或台灣交流、出席普通話學會活動、睇國語劇集等。讓自己浸淫在其中,培養對普通話的熟悉感以及加深身體記憶。

 

2)聽多啲,講多啲

任何技能都係熟能生巧,反覆練習係學普通話嘅必勝秘訣。唔少學校或家長誤解反覆練習原意,要求學生不停背誦單字,但咁做就如文字綁架,令學生感到更大障礙。其實,所謂反覆練習有優先次序之分,學普通話聽先於說、說先於讀寫。聽可以令腦中吸收更多普通話嘅語素跟詞素。之後,可以嘗試每日固定跟讀國語對白,甚至乎勇敢開口講,起初指手劃腳亦無所謂,能夠表達意思已經踏出第一步。

 

3)突出外語及母語嘅對比

每套語言有獨特嘅習慣,學語言就要了解普通話同廣東話嘅分別。愈能分辨兩者差異,愈能掌握語言特點。以粵普為例,兩者語法差異不大。辭彙方面,普通話與粵語在詞類上並冇分別,一樣包括名詞、動詞、代詞、形容詞等。唯獨口頭應用及習慣用語較難掌握。例如:廣東話「我們」,普通話會講「咱們」;普通話的「杯子」、粵語只用單字「杯」等。不過,初學者仍然可以透過觀察學習。

兩者語音最大分別,最需要下苦功就係語音位置。粵語聲調分為九聲,比普通話四聲還要多,發音更多抑揚頓挫嘅變化。而粵語冇普通話嘅翹舌音如「zh」、「ch」、「sh」和「r」,更冇輕聲、兒化韻和三聲連讀變調的規則。因此,學好普通話要辨清兩者差異,千祈唔好歪歪哋講就算

(相關閱讀:【笑談普通話】香港人最常讀錯10個普通話詞語

 

4)保持趣味,笑談普通話

學普通話忌死記、過分朗讀及背誦,太過學術化始終令人生畏。學白話普通話比書面語易入手。除咗透過唔同劇集、網上資料或教材自學,亦可透過 HelloToby 請一個教學語言幽默及具交際能力嘅普通話老師。你可以先睇HelloToby戶評價、以電話初步溝通或安排試堂來了解老師,特別留意師生之間互動係咪流暢、學生可否自由發揮、老師有冇運用肢體語言及靈活教學形式令內容形象化。

即搵普通話老師

 

5)內容難度及課程編排適中

學習語言需循序漸進,內容難度唔能夠超越自己水平,要揀自己聽得明、睇得明嘅教材讓更多資訊輸入腦袋。例如小朋友可以選擇小童普通話班,透過朗誦以及遊戲與同輩一齊學習。另外,香港普通話學生多,當中不乏成年人。課程編排亦可以按自己實際需要,例如在學會基礎班後,可以參加商業普通話課程學習專業用語。

 

更多資訊:普通話班價錢 廣東話班價錢 

除咗普通話之外,我哋平台仲有其他外語專家選擇,如日文班法文班德文班韓文班西班牙文班等等。

教育及學習服務 

你本身係外語導師,想加入HelloToby平台搵新客戶?

即按此登記

——

延伸閱讀:【 海外升學 攻略】考TOEFL定IELTS?報考外國大學必知6大入學試

延伸閱讀:【 日文班 攻略】揾日語導師要注意的5件事

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *