【我想做專家】如何成為專業 美甲師 ?

近年香港吹起一股美甲熱潮,好多女士都鍾意得閒去修甲Gel甲,美甲店亦因而開到成門成市。有些熱愛美甲嘅女士更希望將嗜好變為事業,成為專業 美甲師 。不過,美甲師必須具備相當嘅美甲知識同技巧,唔係單憑興趣就可以做到。HelloToby就為大家講解成為美甲師有乜嘢途徑入行,同埋美甲師嘅收入又可以有幾多。

 

成為 專業 美甲師 之路

1)報讀美甲課程

想入行成為 美甲師 ,報讀美甲課程係最基本嘅一步。香港唔少機構都有開辦美甲課程,如坊間嘅美甲公司、化妝及美容學校、職業訓練局、YMCA青年會專業學院同工聯會等。呢類課程除咗教授修甲、手部按摩、藝術花甲、光療樹脂殖甲同水晶甲製作等技術外,仲會學到手足部同指甲嘅結構同護理、美甲行業衛生等專業知識。

 

相關閱讀:【美甲潮流篇】2017春夏至潮 9大 美甲 款式

 

2)考取美甲文憑或證書

雖然一般美甲課程都會向學員頒發畢業證書,但如果要提升競爭力,考取專業認可資格就最為實際。好似英國職業技能資歷頒授機構City & Guilds、澳洲TAFE及英國ITEC等機構國際間享負盛名,所頒發嘅資格證書自然認受性高。因此,報讀坊間美甲課程時除咗要考慮學費、師資同課程內容等因素外,亦唔好忘記完成留意課程可獲取嘅專業資格,如果文憑或證書於行內認受性高,便可增加獲聘機會。

 

3)累積實際經驗

淨係考取美甲師證書係唔夠嘅,做美甲師除咗要具備專業嘅美甲技術外,仲要識得點同客人溝通,因應客人需求提供服務,所以有些人會選擇由美甲學徒或兼職美甲師開始做起,累積一定工作經驗,提高獲大型美容機構聘請嘅機會。

 

想搵美甲師?HelloToby幫到你!

即搵美甲師

相關閱讀:【專訪 美甲師 】Kumi:十指十趾變甲術

 

美甲師 收入有幾多?

近年市面多咗好多美甲師入行,競爭變得激烈,所以美甲服務收費亦較以前便宜,現時一般指甲修飾同單色油甲(或法式油甲)平均為$200 – $300,Gel甲收費就約$400 – $600。不過,價錢其實好視乎美甲師嘅手勢同經驗而定,好難一概而論。

至於美甲師嘅收入,根據本地招聘網站CTgoodjobs嘅Salary Check資料顯示,美甲學徒嘅平均薪水為$10,000。至於美甲師,如果已有2 – 3年工作經驗,人工平均為$15,000-$16,000。不過,要留意嘅係部分僱主以底薪 + 拆佣方式出糧,所以收入相對冇咁穩定。有些美甲師儲落一班熟客之後就會自己創業開鋪,風險較大,而且收入就更浮動。

 

HelloToby提提你:記住,你可以上我哋平台登記成為美甲專家,接觸到更多有需要嘅客戶!

馬上登記做美甲專家 

相關閱讀:【 HelloToby 專家全攻略】如何註冊成為專家 + 如何報價

——

延伸閱讀:做 Freelance 的10大貼士

延伸閱讀:你適合 做Freelancer 嗎?8大問題自我測試

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *