【無限次接單】全月通行證你問我答

HelloToby 為咗令專家享受更良好嘅使用體驗，早前特別推出咗可以無限次接單嘅全月通行證！全月通行證推出咗一排，已經有唔少專家用過呢項新功能。而且，大家對於全月通行證嘅評價仲幾好添。不過，都有部分專家唔係好清楚全月通行證嘅功能同用法。今日，我哋就針對專家提出嘅常見問題逐一解答，務求令你更清楚了解全月通行證。

1）用戶回饋

Pro Maid

全月通行證真係好好用！以前因為公司預算有限，唔會全部單都接，一個月可能就剩係接 300張單左右。依家用咗之後，可以無限次接單，平均一個月都會接到 700張單，係以前2倍幾，但都係講緊一個月俾 500個金幣。以前嘅話 500個金幣剩係接到約摸 90到100張單。所以真係可以慳到幾千蚊！

2）常見問題 Q & A

1. 我點解要用全月通行證呀？對我同我嘅生意有咩好處？

如果專家預算有限，或者係會同時提供幾樣服務，用全月通行證，就可以確保你用最少嘅錢對接到最多嘅客人，最大化客人數量，唔洗再因為預算有限，而綁手綁腳！全月通行證仲能夠增加你喺潛在客戶群中嘅曝光率！除咗幫到你對接客人，仲可以同時做到 Marketing 和 Branding ，一箭三雕。

2.點先用到咁正嘅全月通行證？

專家只需要選定所需嘅全月通行證種類同計劃有效期限，支付相應嘅金幣數量，便成功購買，並且即時生效。需要留意，專家需要喺賬戶裡面建立有關服務嘅專家檔案以及新增有關服務種類，咁樣你先可以睇到相關嘅報價請求。屆時，報價請求嗰度會睇到如圖標示嘅「全月通行」，咁即係代表你直接報價就可以，唔洗另外再俾金幣！

3.我購買全月通行證之後，係咪所有服務都可以無限次接單呢？

唔係全部嘅服務都可以無限次接單！全月通行證分「基本」和「進階」兩種：用咗「基本」全月通行證，你就可以喺 244 種指定服務中無限次接單；用咗「進階」版本，你就可以喺 292 種指定服務中無限次接單。提提你，唔包含喺全月通行證嘅服務，會繼續按照正價收費，所以要認真睇清楚！指定的適用服務列表，可以點擊下面嘅按鈕前往查看。