【迎接高溫炎夏 2018】 冷氣機唔夠凍 急救三部曲

冷氣機,夏天嘅恩物。近日氣溫急升,又到咗開冷氣嘅時候。如果你近排開冷氣時,發現冷氣機唔夠凍、滴水,甚至結霜、結冰,可能係冷氣積落太多灰塵,又或者零件出現咗問題。唔使咁快諗要換冷氣、買冷氣機住,HelloToby 先教你3招處理冷氣唔夠涼問題,再比較冷氣機種類(窗口式及分體式)優缺點,話畀你知點慳電

冷氣機 清洗、更換、維修安裝 三部曲

1)清洗冷氣機 - 如何清潔冷氣機?

冷氣機唔凍有咩原因?第一個可能性係冷氣積聚太多污垢。塵、除咗影響製冷效果之餘,仲可能會產生異味、霉味、惡臭,甚至增加耗電量!所以冷氣唔夠涼,你可以試下自行洗冷氣機。

除咗清洗冷氣機隔塵網外,你亦可以喺五金鋪、超市或日用品商店購買冷氣機清潔劑,價格大概$40 – $50就可買到一樽。Diy洗冷氣機前,不如參考下以下冷氣清潔劑用法:先除下冷氣機外罩、取出隔塵網,再將冷氣機清潔劑直接噴喺冷氣嘅凍Coil(蒸發器盤管)上,等5 – 10分鐘左右後,再輕輕抺去即可。

不過,就算你Keep住年年都自己動手清洗冷氣,都係只能處理表面冷氣機問題例如洗潔塵污。其實冷氣機內嘅散熱 Coil(冷凝器盤管)都一樣要大清潔。一般洗冷氣機方法涉及拆電線同機殼,甚至要將窗口式冷氣機卸下嚟清潔。過程複雜,為免整壞部冷氣,大家最好都係請專業家居維修公司清洗冷氣最穏陣。

立即上HelloToby,推介專業認證冷氣清潔公司,話你知 洗冷氣價錢 、 獲取冷氣機清潔報價

即搵洗冷氣機專家

 

2)換冷氣機雪種 - 幾時需要入雪種?

成日聽人話冷氣唔凍原因係用哂雪種,所以要換雪種(冷媒 、 製冷劑)。資深師傅教路,只要冷氣機運作正常,雪種就會喺機內循環,係唔需要重覆入雪種。

咁點解坊間會有講法話要幫冷氣機換雪種?首先要了解雪種原理及冷氣機運作原理。雖然雪種種類繁多,但簡單而言就係機內的製冷物質。如果冷氣機安裝不當(例如錯用不適合的雪種喉、駁喉時,使用了錯誤的銅喉、或一開始就沒有加入足夠的雪種),再大匹數的冷氣機都會受到影響。所以,冷氣安裝師傅及裝冷氣過程絕對唔可以馬虎!

想知道冷氣機有冇漏雪種?客人可以搵冷氣工程師傅檢查冷氣機。萬一冷氣機件不幸故障,就有可能會漏雪種,呢個時候就要請師傳幫手處理追加雪種喇!

 

3)搵冷氣維修 - 冷氣機滴水解決方法 、 冷氣維修費用

如果新冷氣唔凍,或者冷氣機只出風,甚至係清洗完冷氣都仲唔夠涼快,又或者有冷氣機滴水、漏水、發出怪聲等情況,咁就表示冷氣零件可能出現故障,最好係搵專業嘅冷氣空調師傅進行定期險查同維修喇!如果每年定期保養冷氣一次,除咗可確保製冷效果同安全外,亦可以延長冷氣嘅壽命,可能因為冷氣機突然唔凍,而隔幾年又換一次新冷氣更划算。

想搵專業冷氣維修技術員 維修冷氣 、 安裝冷氣機 、 查詢冷氣維修費用?立即上HelloToby,聯絡推薦的冷氣維修公司!

即搵冷氣師傅

平台上仲有不同服務,無論係維修及安裝服務例如 電力工程 、 音響安裝及維修  搭棚 定 搬運及運輸( 搬冷氣機 、 存倉 ),都有專家幫手!

即搵維修及安裝服務

 

冷氣機比較 窗口式冷氣機 vs 分體式冷氣

坊間最常見的冷氣機種類有窗口式、分體式,及窗口分體式冷氣機,而依三種制式的冷氣機都有自己特點及清潔方法。另外,空調機屬於最普及又最耗電的家居電器之一。購買冷氣時,你可以參考由機電工程署推出的 能源效益標籤 及選擇持有最高 1級能源效益標籤(綠色)的家電。

窗口式冷氣機

窗口式冷氣機屬於較為傳統的冷氣機設計。和分體式冷氣機比較,窗口式冷氣機機身的一體設計,會較為容易安裝。再者,操作、清潔,及維修都會比較簡單。噪音會係窗口式冷氣機最主要的缺點。要邊開冷氣邊慳電?1級的窗口式冷氣機會比3級慳近11%能源!

 

分體式冷氣機

分體式冷氣機屬於較新穎的冷氣機設計。和窗口式冷氣機比較,分體式冷氣機分成室外機及室內機。換而言之,製冷過程所產生的噪音都會被轉到室外。然而,由於分體式冷氣有不同的安裝方法,無論係售價、安裝收費定維修費用,都會比窗口式冷氣機貴。想交平啲電費?1級分體式空調機比3級慳近36%能源嫁!

 

最後,用戶選擇冷氣時,可以根據出風面積,計算出所需冷氣機的匹數。而變頻式冷氣機比較起定頻式冷氣機慳電 4成。所以,除咗冷氣機價格外,買冷氣機時,記住比較窗口式、分體式冷氣機優缺點。選擇適合你的冷氣,過一個涼浸浸嘅夏天。

(小編:全球暖化同極端氣候問題愈嚟愈嚴重,大家要明智地使用冷氣,保護地球、愛護環境呀!)

 

如果你係冷氣機維修專家,想搵更多潛在客戶,即上HelloToby免費登記!

立即登記

——

延伸閱讀:【家居 滅蟲 大作戰】趕絕塵蟎/螞蟻/曱甴/老鼠全攻略

延伸閱讀:【夏日 美白 攻略】搽 防曬 5大常見錯誤

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *