【夢幻婚禮】香港8大 戶外婚禮 好地方

唔少人都嚮往喺大自然環境中舉行嘅戶外婚禮,喺藍天白雲、燦爛陽光之下同青青草地之上,與心愛嘅人作山盟海誓,真係十分浪漫!香港雖然係石屎森林,但其實要搵 戶外婚禮 場地,並非難過登天!HelloToby為大家搜羅咗8大戶外婚禮場地,俾各位準新人參考。夢幻婚禮,並不是夢!

1)香港黃金海岸酒店

圖片來源:香港黃金海岸酒店

黃金海岸酒店嘅婚禮園林,以歐陸式園林為主題,大片青草地足以容納500位賓客,新人可以喺海景襯托下,於白色圓頂嘅雲石亭台舉行證婚儀式。場內嘅情牽廊仲設有種滿鮮花嘅花道同白色拱門,而小花園就有南瓜車同噴泉等設施,係拍攝戶外婚紗照嘅理想場地!

 

2)賽馬會雙魚河鄉村會所

圖片來源:賽馬會

位於古洞金錢路嘅雙魚河鄉村會所環境清幽,甚有鄉郊氣息,會所內嘅會員花園同草地槌球場好適合舉行戶外雞尾酒會或婚禮,舉行自助餐或雞尾酒會可容納高達300人。新人仲好難得地可以同雪特蘭小馬或者馬車拍照留念添!

 

3)九龍仔公園洋紫荊園

圖片來源:康文署

九龍仔公園內有一塊約1,200平方米嘅大草地,可容納150位賓客,啱晒想舉行大型戶外婚禮嘅新人。公園綠樹成蔭,仲種咗125棵洋紫荊樹,每到10月開始就會盛開燦爛嘅洋紫荊花,景色就更加浪漫迷人。

(溫馨提示:結婚咁多嘢搞,有需要搵婚禮統籌幫手嗎?即上我哋平台睇睇!)

即搵婚禮統籌

 

4)海利公館

圖片來源:海利公館

海利公館嘅建築風格充滿殖民地時代色彩,設有7個古色古香嘅婚禮場地,不過最受歡迎嘅一定要數馬廄花園,園內綠意盎然,環境樸素清靜,唔少新人都鍾意喺呢度進行歐陸式證婚儀式。酒店內仲有聖喬治同隆濤院等多間中西式餐廳,可以舉行雞尾酒會、午宴同晚宴。

(相關閱讀:【新婚大日子】聘用 新娘化妝 4大注意事項

 

5)沙田凱悅酒店

圖片來源:沙田凱悅酒店

沙田凱悅酒店嘅戶外園林唔止有綠油油嘅草地,仲可以欣賞到九肚山嘅景致,環景寧靜怡人,可容納60位賓客。想搞戶外雞尾酒會嘅新人可以改選設有大型落地玻璃嘅凱悅廳,陽台仲有木製頂蓬,就算落大雨都唔怕!至於酒店嘅宴會大禮堂同中餐廳沙田18就好適合舉行華麗嘅婚宴。

 

6)香港迪士尼樂園

圖片來源:香港迪士尼樂園

講到童話式嘅婚禮,香港仲有乜地方比迪士尼樂園更有夢幻更有Feel?香港迪士尼樂園酒店嘅戶外證婚場地,四周有翠綠園林環繞,當中包括浪漫婚禮亭同夢想家花園,而西翼嘅草坪更睇到南中國海嘅景色。最特別係可以請迪士尼卡通朋友到賀,仲有得揀以米奇與米妮、灰姑娘等主題舉行婚宴。

(溫馨提示:婚禮場地有咁靚景,咁婚禮攝影師都要揀好啲!即上我哋平台搵番個專業婚禮攝影師幫手!)

即搵婚禮攝影

 

7)淺水灣影灣園

圖片來源:影灣園

想以藍天碧海作背景舉行婚禮,唔一定要飛去外國嘅!淺水灣影灣園座擁一望無際嘅南中國海景色,新人可以園內嘅綠茵草坪、影灣禮賓台或者花園宴會帳篷舉行戶外證婚儀式,而且空間夠寬敞,想舉行超過200人嘅雞尾酒會亦不成問題。

 

8)都會海逸酒店

圖片來源:都會海逸酒店

都會海逸酒店嘅7樓有個露天海景花園,可以望到美麗嘅維港景色。至於位於21樓嘅總統套房仲有全海景露天花園,喺呢度舉行婚禮更加豪華有氣派。呢度仲有一個好處,就係酒店位於九龍中心地帶,附近係紅磡港鐵站,交通極之方便。

(相關閱讀:【婚紗相靚景指南】香港10大 婚紗攝影 熱門景點

 

正在構思籌備你兩個嘅完美婚禮?即上HelloToby搵專家幫手啦!無論係婚禮場地租賃婚紗租賃証婚服務婚禮花球設計等等,都有專家可以幫到你!

即搵婚禮服務

你係婚禮服務專,想加入HelloToby平台搵新客戶?

立即登記

——

延伸閱讀:【家居大改造】搵 室內設計 5大注意事項 + 價格預算

延伸閱讀:情人節 有13個,個個月都有!

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *