【3月14日White Day】慶祝 白色情人節 全攻略2017

情人節完咗?你以為啦,唔使1個月又到 白色情人節 嘞! 白色情人節 雖然喺香港唔算太流行,但唔代表你可以就咁草草了事。其實情侶多啲以行動互表愛意,至可以令感情更穩定持久。等HelloToby為大家度幾個Idea,諗下白色情人節可以點慶祝啦!

白色情人節 的起源……

其實白色情人節又叫做White Day,源自日本。據說福岡市菓子製造商「石村萬盛堂」嘅社長,偶然睇到有女士投稿去雜誌抱怨,話收唔到男士嘅情人節回禮唔公平,於是靈機一觸將旗下一款叫做「鶴乃子」嘅和菓子以「情人節回禮」推銷,鼓勵男士喺3月14日送糖果俾女方作回禮,並稱為「糖果贈送日」。後來全國飴菓子工業協同組合,於1980年正式舉行咗第一個 白色情人節 ,於是喺糖果商嘅推動下白色情人節就漸漸普及起來。

相關閱讀:情人節 有13個,個個月都有!

 

白色情人節 點樣慶祝好?

1)回禮表心意

圖片來源:Rakuten.co.jp

喺日本,情人節通常係女方向心儀對象送朱古力表明心意嘅日子,所以白色情人節就係男方回禮嘅日子。不過白色情人節傳到嚟香港,其實都冇特別分男方定女方送禮先,重點係收到禮物嘅一方回禮表達心意,但應該送乜呢?

日本人就好興回禮送朱古力、糖果同馬卡龍俾對方。唔好以為白色情人節只係情侶嘅專利呀,其實就算只係收到「義理朱古力」(即係女方送俾其他男性,只係感謝對方平日照顧自已而送出嘅朱古力),禮貌上都要回禮俾人,禮尚往來嘛!

2)送花

男士聽到可能即刻諗:下,又送花?情人節先送完嚟。不過由另一個角度諗,情人節街上10個女仔可能7個都收到花,好似冇乜特別咁,反而3月14日都收到花肯定更羨煞旁人,而且呢個時候買花比情人節時平,女友收到一定好驚喜!

溫馨提示:準備送花嘅朋友,可以透過我哋平台花店送花服務。記住,永遠都係愈早訂會愈平!

馬上搵花店

相關閱讀:情人節送花 全攻略

3)影韓式情侶照

圖片來源:LovePropose

好多情侶慶祝節日都會影番幾張合照放上Facebook/IG放閃,不過成日都係大頭照好似有啲悶,不如試學下拍韓式情侶照!韓國情侶好興影呢類多格圖,而且好講究調色同背景,最啱用嚟呃Like!

溫馨提示:呢類相其實用腳架就影到,不過如果唔擅長影相,又或者想效果更靚,不妨透過我哋平台搵專業攝影師幫手!

即搵專業攝影師

相關閱讀:【韓劇《 鬼怪 》迷必去】孔侑現身防波堤場景香港都有!

4)整DIY手工

情人節好興女仔送出自製朱古力,嚟到白色情人節,回禮如果都係親手製嘅禮物就更有誠意喇!好似皮革銀包、銀飾同保鮮花擺設就係DIY禮物嘅不二之選。情侶們仲可以一齊報班,整情侶款式銀包、卡片套或其他飾物,夠晒Sweet。

溫馨提示:想搵導師上DIY手工班?我哋嘅平台有手工藝班皮革藝術班銀飾手工班,簡單回答幾個有關服務嘅問題就可以得到免費報價!

5)掛愛情鎖許願

圖片來源:長洲B&B官網

好多國家嘅情侶都興掛愛情鎖祈求永恒嘅愛情,但而家唔使特登去到韓國首爾塔或者日本湘南平電視塔嘞,因為原來香港都有幅愛情鎖牆!長洲B&B原來於東灣路開設咗「Lock of Love」,情侶們可以向店家購買色彩繽紛嘅愛情鎖,寫上為愛情許願嘅字句,再掛喺牆上。入到長洲仲可以順便掃埋街知巷聞嘅長洲大魚蛋同芒果糯米糍,悠閒地喺島上玩一日添!

 

以上Idea都唔啱你?唔緊要,我哋仲有特色約會安排情侶愛的紋身代寫情書等服務,立即上我哋嘅平台獲取免費報價,為嚟緊嘅白色情人節做好準備啦!

即上HelloToby搵服務

你係服務專,想加入HelloToby平台搵新客戶?

立即登記

——

延伸閱讀:【真減肥成功】人氣YouTubers推介5大 減肥運動

延伸閱讀:【 Slash 不是廢青】香港10大傑出青年 Slash 版

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *