【 HelloToby 服務價格指南 】 婚禮髮型及化妝 要用幾多錢?

對於好多女性而言,婚禮只係一生人一次,在大日子化妝同Set頭絕對唔少得。一個專業新娘化妝師可以讓你無後顧之憂,更可以在結婚當日令你明艷照人。不過,結婚消費開支大,好容易超出預算。如果想變得更精打細算,HelloToby讓你先了解香港 婚禮髮型及化妝 價錢基本步。

1) 婚禮髮型及化妝 具體費用

市面上有唔少自由工作者一手包辦新娘髪型及化妝設計服務,收費因人而異。新娘化妝同Set頭基本上按造型數量計算價錢,新娘化妝師經驗亦會影響收費。

新娘化妝一個造型價錢介乎$1,500至$4,000,通常適合婚禮註冊或新娘出門等場合。如果新娘早晚要轉妝同髪型,兩個造型價錢介乎$3,000至$5,000,無限換妝價錢介乎$4,000至$8,000。若新娘希望化妝師在 Big Day 全日跟場,價錢介乎$5,000 至$13,000。

至於姊妹妝、伴娘妝以及雙親的日妝和晚妝價錢就比較便宜。一個造型(一妝一頭)價錢介乎$400至$3,000,一個造型(兩妝兩頭)價錢介乎$800至$5,000。配角換妝次數不用太多,以免喧賓奪主,基本一至兩個造型便可應付早上上頭、出門、行禮、註冊及晚宴等場合了。

 

2) 婚禮髮型及化妝 服務內容

每個新娘化妝師都會話俾客人知佢哋所用嘅化妝品牌,亦會詢問客人心目中嘅妝容同髪型模樣。化妝師會就新娘膚色、喜好、面型及輪廓建議最合適嘅新娘化妝風格、顏色同新娘髪型,並展示唔同造型以供客人參考。

新娘化妝過程當中,新娘化妝師第一個步驟必定會為客人清潔面部、塗上爽膚水及潤膚霜,防止日光下溶妝。其次,新娘化妝師會搽遮瑕膏同粉底液令膚色更均勻明亮,再撲上蜜粉嚟定妝同控油。然後,會依新娘喜好畫上眼影、眼線、眉型同塗上睫毛液。最後,會掃上胭脂同搽唇膏,令個樣睇起嚟更精神。

新娘化妝同Set頭收費貴,因為新娘造型設計上比較花心思,另外大部分新娘化妝髪型套餐會包括假眼睫毛及婚禮頭飾借用。

 

3) 婚禮髮型及化妝 額外費用

新娘化妝及髪型設計師一般會將試妝服務另外收費,新娘試妝大約需要2.5 – 3小時,每次新娘試妝價錢介乎$200至$600。新娘化妝師會與新娘研究造型,跟住創作2 – 3個妝容及髮型。如果試出合適嘅化妝造型,就可以進一步落訂金。如果客人無要求全日跟場,補妝及髮型修飾都需要另議,價錢都係介乎$200至$600。

除此之外, 服務地點距離都會影響新娘化妝及髪型設計師嘅收費。如果需要上門、到戶外或海外工作,一般要額外支付往返服務地點嘅交通費以至旅費住宿等。

 

更多資訊:HelloToby嚴選香港最佳婚禮髮型及化妝師

想立即免費獲取及比較不同婚禮髮型及化妝師的報價?即上HelloToby!

馬上搵婚禮髮型及化妝師

你是婚禮髮型及化妝專家?即上HelloToby免費登記搵更多生意啦!

免費註冊為專家

——

延伸閱讀:【專家故事】Lisa:自立門戶,輕鬆拓展 婚禮髮型及化妝 事業

延伸閱讀:【夢幻婚禮】香港8大 戶外婚禮 好地方

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *