【Toby x 門路】自僱攻略系列 (3):自僱人士接Job 必勝報價Tips

從來作為自僱人士,無論係One-man Band定係公司老闆,面對一個最大嘅問題就係唔知應該點樣報價。因為自僱人士工種有好多,而每樣嘅報價無特定標準,亦無特定報價單、收費表,更加無所謂嘅「報價必勝法」,所以對於新晉自僱人士嚟講,報價真係有相當難度。等Toby 提供幾樣報價小貼士,令大家有一套基本嘅報價心法啦!

Job報價點先叫合理?

做緊自僱嘅朋友自然會知,同行之間絕少會討論大家嘅定價收費問題。所以剛起步嘅自僱人士面對嘅其中一大問題就係唔知點樣報價。究竟一個Job收人幾多錢先叫合理呢?叫價太高又怕對方卻步,白白失去機會;叫價太低就怕蝕做,以後想加價亦難。咁到底有乜準則?有無報價單、收費表可以做參照?

首先要記住,根本係無所謂「最合理價錢」。因為單項外判嘅工作就係讓不同嘅人去滿足不同嘅工作需求,而每個人嘅背景、每個Job嘅性質都唔同,無可能一概而論。

所以,關於外判工作報價嘅方法同竅門,係要因應你本身嘅個人因素,如學歷、工作經驗、經濟情況、居住地點、客戶及工作類型等,由你自己去探討同掌握。以下係一啲實用小貼士,應該可以幫到大家。

freelance報價

1)留意招聘廣告

上招聘網站睇睇近期嘅招聘廣告,尋找符合你教育程度、工作經驗嘅職位,然後對其薪金進行分析,你就可以用平均月薪,去計算出你應該要求嘅時薪/日薪。當然呢個只係參考,部分工作種類,例如Freelance Designer,用呢個方法計算就未必咁準確。

2)向行家請教

如果你喺同行中有啲較相熟嘅One-man Band朋友,或者已經自己開公司接Job做,與你有相似嘅工作經驗,你可以嘗試向佢哋請教一般報價同收費標準,但卻不宜太單刀直入問人哋賺多少錢,更要避免對方覺得你嘅目的係搶生意。

freelance job招聘

3)測試你嘅報價

如果你已經通過以上方法得出幾個時薪標準,就可取其平均值,試一試個Market,來幾次真實嘅報價,搵啲新客戶嚟驗證一下。簡單嚟講,如果無客戶因為價格問題而拒絕你,咁你嘅報價就唔算高,可以再向上調節。相反,如果因為價錢問題而屢遭拒絕,咁你嘅叫價就偏高嘞。

 

若你已經有啲報價經驗,有時不妨相信自己嘅感覺。覺得開價太低,就加少少價;覺得太高,就略為降價。只有你自己最清楚自己情況,可以隨機應變。

 

4)計時薪定按Project

即使你計算出一個能夠代表你嘅時薪標準,但其實並無必要一定要計時薪。大多數外判工作都係斷Project計先估計出完成個Project嘅所需時間,考慮結合其他細節及成本,再開出報價。一般情況下,按Project計比計時薪會有更大收益。

 

報價係一門藝術因為每個人嘅能力、背景、經驗、生活情況等都好唔同,所以若然隨便向你提供一個所謂自僱人士標準時薪係完全無意思嘅。或者,最好嘅方法就係比較同類型自僱人士同中小企嘅報價。你亦可以多啲上唔同嘅網上服務交易平台嘗試報價,例如Toby,從報價經驗及客戶交流中,掌握到你嘅報價心得。

 

做自僱人士嘅一大美妙之處,就係報酬由你掌握。面對一位好客戶,有時你寧願賺少啲都想做佢生意;相反有啲較麻煩嘅客戶,你可以利用加價而婉轉佢。所以說,報價絕對唔係科學,而係藝術,希望你好快會成為大師!

 

香港自由工作者網站

 

關於門路門路

「門路」係一個教你搵錢嘅資訊平台,雲集各路掌門,親自教授搵錢竅門,分享初創貼士、搵錢秘技同實戰經驗。除咗用短片同文章教路,仲有LIVE CHAT即時同掌門互動,一路睇一路傾,同掌門攞料話咁易,連點搵資金嘅門路都有。即刻下載門路https://bit.ly/3awhKeB,即時捉緊每個搵錢機會!

3大頻道傳授各種搵錢竅門:

各門各路:

網羅各式搵錢門路,波鞋投資專家Professor S、手錶收藏家Mike Wu、潮流達人Mr. Big Children、懷舊玩具收藏家Oiman等掌門,教你透過買賣搵錢嘅竅門。

初創:

教你點將創意變成搵錢生意,各路初創掌門分享過來人心得

猛人:

掌門專訪,總結經驗,深入剖析成功搵錢竅門。

門路app

立即下載

 

 

Leave a Reply

Your email address will not be published. Required fields are marked *