【Toby x 門路】自僱攻略系列 (4):One-man Band vs SME — 自僱開公司利弊分析

唔少人會認為Freelance係賺外快嘅途徑,但都有人會視Freelance係變成One-man Band嘅過程,甚至係開公司創業嘅踏板。其實要成為一個成功嘅自僱人士都有特別技巧,如果只以盲目接Job嘅心態,你可能只係個勤力密密做嘅One-man Band,但唔係一個成功、廣為客戶熟悉嘅自僱人士。如何才能達致成功?自僱人士開公司做老闆又係唔係其中一個方式?Toby就為大家分析一下。

如果你認為做自僱人士等於「多啲嚟密啲手」,各類型嘅Job都不加篩選地接受,咁你就大錯特錯。一個成功嘅自僱人士,最好集中喺一個範疇發展,如果長期將多個範疇一同沾上手,撰稿、設計、攝影、導師、文案等工作「通殺」,每個範疇嘅工作經驗都唔夠多,只會演變成「周身刀冇張利」,令客戶對你嘅信心減低。所以要成為一個專業嘅自僱人士,第一步就要揀定一個工作範疇去好好發展。

freelance報價

 

當你接到嘅工作日漸增加,可能會考慮為自己成立一間小型公司,由One-man Band轉為公司老闆,有公司背景就可以令客戶覺得你更專業、更有系統;更重要嘅係令你更易接Job、擴大服務項目嘅版圖。不過,喺自僱人士成立公司之前,亦先要考慮幾個因素。

 

自僱人士開公司首要條件:夠客

始終開公司亦有一系列手續同要求,唔想前功盡棄,開公司嘅自僱人士需要確保自己有足夠而又能長期維持嘅客戶群,唔好錯誤認為「開咗公司就有客」,否則喺一連串手續同使咗一筆錢之後,亦只能落得「拍烏蠅」嘅下場。當你現時嘅Job有持續性,亦唔愁無Job接,更有雄心壯志想將自己嘅業務進一步擴展、發現自己一人已無法滿足更多客戶要求,先至好好考慮去成立小型公司。有咗呢個念頭之後,你就要搵幾個同你一樣擁有相同範疇、唔同項目、志同道合嘅自僱朋友同你合作開公司。

 

開公司能進一步開拓事業

咩係相同範疇唔同項目?舉個例子,一個One-man Band攝影師過去一直喺婚禮攝影範疇工作,有固定嘅工作來源,但因為長期只專注喺婚禮攝影界嘅工作,無法涉獵其他攝影項目。如果呢位攝影師希望獲得更多唔同類型嘅攝影工作,例如廣告攝影、家庭攝影、電影戲劇攝影、產品攝影甚至拍攝紀錄片等項目,為自己嘅工作帶嚟突破,佢就可以同幾個上述項目嘅自僱人士合作開小型公司,成為一間Production House(製作公司),等自己可以喺同一範疇內接到更多項目嘅工作,令自己嘅公司更多元。

 

你有心理準備開公司未?

驟眼睇成立小型公司好似對自僱之路甚有幫助,但大家亦需要注意,成立一間小型公司相當複雜,亦需要有一定資金先可以成事。繼續以One-man Band攝影師做例子,婚禮攝影師嘅器材同家庭攝影、戲劇攝影、紀錄片攝影未必完全相同,要成立Production House,就要花額外一筆錢去購置另一批器材,甚至要租Studio(工作室)作為攝影棚同擺放器材之用。如果Production House往後進一步發展,聘請全職員工接大公司外判工作,更加要為全職員工支付每月固定薪金、供強積金及提供勞工保險、醫療保險等。

 

freelance job招聘

 

成立小型公司步驟繁複

自僱容易,但處理僱員難。要註冊成為一間公司,亦有相當多步驟,先選定由誰人擔任公司董事,再到公司註冊處登記公司名稱。公司名稱被接納後,要填寫公司組織章程細則,繳付一年期或者係三年期嘅商業登記證同埋繳付公司註冊費。之後就輪到要做坊間認為相當麻煩嘅步驟,去銀行開戶口。而公司成立後,每年亦需由獨立會計師作審計同報稅等,而利得稅稅率一般比個人入息稅率高,可見開公司風光背後,金錢花費同需要處理嘅手續均比個人自由身繁複得多。

 

睇完以上利弊分析,相信一眾自僱人士對開唔開小型公司都有咗基本概念,想由One-man Band開始做起,可以參考有經驗嘅網上服務交易平台,攞多啲資訊!

 

關於門路門路

「門路」係一個教你搵錢嘅資訊平台,雲集各路掌門,親自教授搵錢竅門,分享初創貼士、搵錢秘技同實戰經驗。除咗用短片同文章教路,仲有LIVE CHAT即時同掌門互動,一路睇一路傾,同掌門攞料話咁易,連點搵資金嘅門路都有。即刻下載門路https://bit.ly/3awhKeB,即時捉緊每個搵錢機會!

3大頻道傳授各種搵錢竅門:

各門各路:

網羅各式搵錢門路,波鞋投資專家Professor S、手錶收藏家Mike Wu、潮流達人Mr. Big Children、懷舊玩具收藏家Oiman等掌門,教你透過買賣搵錢嘅竅門。

初創:

教你點將創意變成搵錢生意,各路初創掌門分享過來人心得

猛人:

掌門專訪,總結經驗,深入剖析成功搵錢竅門。

門路app

立即下載

Leave a Reply

Your email address will not be published. Required fields are marked *