平面設計價格資訊
隨著電腦技術進步，大眾對設計作品審美需求愈來愈高。小至一張宣傳單，大至成間公司嘅形象設計，都需要用到專業平面設計。究竟平面設計師係點計算價錢呢？
1）平面設計 具體收費
平面設計作品係按件收費，一個平面設計報價會因設計項目種類、設計大小、設計師資歷或設計師公司規模而有所不同。每個項目價格介乎$400至$4,000，大部分設計公司定價係基於設計所需嘅時間同設計師每小時嘅人工。一般嚟講，設計卡片（設計費 $250起）、宣傳單張（設計費 $600起）、海報（設計費 $680起）、易拉架（設計費 $400起）等設計費都比較便宜，而企業形象設計（設計費 $3,000起）同商標設計（設計費 $1,600起）比較昂貴，因為後者需花時間研究。另外，設計面積愈大，收費會愈高，因為面積大嘅作品牽涉更多設計內容。
市面上，廣告公司收費 最貴，其次係 設計工作室，而價格最低係 自由工作者。廣告公司擁有較多資源，可以執行較大型嘅平面設計項目。唔少設計師喺廣告公司累積經驗後會自己創立設計工作室，工作室嘅設計風格就比較鮮明。而有好多自由工作者會選擇在網上發布設計作品，利用網路獲得工作。
2）平面設計 內容包括
平面設計師 會要求客人清晰描述項目細節，例如目標受眾、粗略預算同交貨時間。反過來，設計師應該畀你一份書面建議，概述設計初步構思、具體修訂次數同設計初稿。平面設計師會一路同客人跟進設計概念及設計布局。另外，平面設計師需要同客人商量設計嘅文字內容、相片及校對等工作由邊個負責。
3）平面設計 額外費用
非原創設計改稿同額外修訂都需要額外收費。一般情況下，改稿同額外修訂價格都係按設計師工作時數嚟收費。
如果平面設計牽涉其他服務，例如印刷製成品、設計商業標籤後代辦商標註冊、提供照片或拍攝服務、創作插畫、創作文字 / 標題等，都會另行收費，需要逐一商討報價。
多溝通 少誤會
溝通對設計平面作品好重要，唔想產生任何誤會，盡可能講出你嘅想法。好多人誤會設計師可以無限更改，其實有自己原則。想合作愉快？同你設計師確保所有細節得到共識，例如修改次數、製成品擁有權以及交貨日期等。
準備聘用平面設計師啦！
經過雙方初步了解後，可以請平面設計師簽訂合同。如果你對平面設計師感到滿意，不妨送佢一個五星星評分！讓用心服務你嘅專家得到良好信譽。
