【針灸好痛唔敢試?】至 hit 針灸減肥美容療程,一文同你睇清針灸治療功效、副作用同注意事項

【針灸好痛唔敢試?】至 hit 針灸減肥美容療程,一文同你睇清針灸治療功效、副作用同注意事項

更新於2020年02月24日
分享

針灸作為中國傳統,係中醫治療的其中一種方法,除咗醫病之外,仲可以有美容、減肥、瘦身、去水腫等功效,近年唔少中外的一線明星如 Kim Kardashian、麥當娜、舒淇等都開始採用針灸美容法,連 Leonardo DiCaprio 前女友、以色列超模 Bar Refaeli 都喺社交媒體貼出自己面部針灸治療嘅相片,令針灸美容成為國內外嘅美容新潮流。要知道更多有關針灸美容、減肥的注意事項?有咩人唔適合進行針灸美容?Toby 就同你一文講清針灸美容的相關資訊,仲有 Toby 獨家療程優惠,記住繼續睇落去喇!

咩係針灸美容?

所謂針灸美容,其實係用針刺、艾灸嘅方法嚟補益脾臟,消腫散結,從而達到美容護膚、延緩衰老嘅一種方法。針灸美容分為兩種,其中包括針法同灸法。針法利用銀針刺入穴位或皮膚,再配合適當嘅按摩手法,令病人有冷熱酸脹嘅感覺,通過穴道刺激加快新陳代謝,達到美容護膚嘅效果;而灸法運用艾柱等藥物放喺需要治療嘅穴位或相應部位治療,通過這些藥物嘅滲入產生熱效應,用溫度加速藥物的吸收,同樣可以達到美容抗衰老效果。

由於中醫講求五臟陰影調和,針灸美容其實就係以治療方法平衡身體,令身體強健,氣血充足,所以針灸唔單止針對面部皮膚,長久下來其實係幫助整個身體變得更好,改變體魄,從而改變皮膚,精神飽滿,面色紅潤,比起其他美容療程更能全面照顧全身內外和皮膚。

圖片來源:lady-mami.com

針灸美容治療方式係點?

進行針灸時,醫師一般會選擇針具或艾灸藥品,然後應用於適合針灸嘅體位,醫師會首先徹底消毒消毒針具和皮膚再開始進行針灸治療。有人擔心銀針刺入皮膚並唔安全,其實只要消毒到位,就可以避免受感染嘅風險。針灸美容手段多樣化:針刺、埋線、閃罐、艾灸、刮痧、耳壓等都屬於針灸嘅範圍,針對病人唔同需要,可以用唔同嘅治療方式,以達到最佳嘅治療效果。

醫師會根據唔同人的體質同需要使用唔同的針灸療法同穴位,所以並唔係同一種治療方式就可以幫助所有人,亦非常考醫師、美容師的功夫同經驗,如果針刺太深或太淺,對某部分體虛的客人來說就可能會有暈針等反應,所以客人應時常向醫師表達自己的針感,以令醫師選擇最適合的穴法和深淺,而非針得愈多或愈深就愈有效果啊!

圖片來源:premawellness.ca

針灸美容有咩效果?

由於針灸嘅具體作用為調理臟腑功能,疏通經絡、加速身體血液循環,所以可以全面調理身體、由內在開始改善皮膚,針灸幾次後可見明顯減少皺紋、皮膚更見光澤感、紅潤透亮,名符其實係由內靚到外。

圖片來源:http://zybjmr.com

咩人唔適合針灸美容?

即使針灸美容安全可靠,但進行針灸前應先確保注意自己身體狀況適合針灸,而以下人士就應避免做針灸:

1. 過度肚餓、緊張、疲勞嘅人都唔適宜做針灸。

2. 皮膚有傷口感染、潰爛、瘢痕同腫瘤人士。

3. 常有出血不止或自發性出血人士。

4. 有嚴重嘅心、肝、腦、腎、精神疾病嘅患者,絕對禁止進行針灸。

5. 最後,孕婦同產婦需要諮詢醫生並得到醫生許可先可以進行針灸。

圖片來源:1on1today

針灸美容中醫原理

針灸美容從傳統中醫學觀念出發,用其治療手法滿足當代人嘅愛美需求。近年美國、日本等發達國家已經引入針灸治療,並經過大量嘅臨床實驗證實針灸美容效果,所以都大受歡迎,而且復原期快,過程中都只會有少數微細針孔紅印,偶有瘀青,比起其他醫學美容的術後康復,針灸美容的零復原期的確十分吸引!