【便秘困擾】5招堅持一星期！助你輕鬆改善便秘問題

1. 飲食原因

由於飲食太精緻、進食量少、蔬果攝入不足，導致纖維攝取不足，結腸內便不能夠形成足夠體積糞便以及無法刺激腸道蠕動，以致難以每日產生便意。

2. 不良排便習慣

如果每當有便意時刻意忍憋，長期會導致便意消退，造成功能性便秘，另外如如廁時玩手機、看報紙等，都會影響排便。

3. 少運動、水分不足

運動量過少會使得結腸蠕動減少，相反運動增加會促進腸蠕動。另外如果水分補充不足，腸道會吸收更多糞便中嘅水分，令大便乾硬。

1. 腸道功能紊亂

便秘會使人有腹部下墜感、腹脹、腹痛等問題，及容易出現直腸炎、痔瘡、潰瘍、胃腸功能紊亂，甚至誘發大腸癌。

2. 皮膚變差

長期便秘即大便長時間駐留腸道，宿便堆積過多會導致毒素被身體吸收，從而引起膚色暗沉、生暗瘡、出斑等症狀。如毒素未能及時排出體內，更會嚴重影響身體嘅正常代謝，不利於減肥，導致肚腩嘅出現。

3. 影響大腦功能

便秘竟然仲會影響大腦？無錯，便秘會使腸道內嘅毒素被身體大量吸收，代謝產物久滯於消化道，導致喺細菌作用下產生大量有害物質，部分擴散進入中樞神經系統，引致記憶力下降、注意力分散、思維遲鈍等表現。

1. 空中踩單車

呢項運動可以促進腸道蠕動，並可鍛煉核心肌肉群，增加排便時所需要嘅肌肉力量。

做法：平臥，雙腿抬離床面，並輪流屈伸兩腿，動作猶如踩單車般，屈伸幅度愈大愈好，進行時整個腹部會有收緊嘅感覺。期間要注意腰椎弧度不能過大，以免令腰椎受壓。如有需要，可墊薄毛巾於腰下以減輕壓力。建議早晚各做一次，每次可做5至10分鐘，中途可稍作休息。

2. 轉腰運動

呢項運動有助促進腸道蠕動同消化液分泌，做法亦很簡單。

做法：先站立，上半身保持挺直，兩腳分開並保持與盆骨一樣寛，然後膝蓋微曲，如稍稍蹲下般，以固定下肢；然後向左、右轉動上身，幅度要盡量大，速度適中。建議早晚各做一次，每次轉動30至50下，早上空腹狀態下進行更佳。如不方便站立，亦可坐着進行。

3. 健康飲食

纖維素係形成糞便同促進排便嘅重要因素，纖維素能夠刺激腸道加速蠕動、增加糞便中嘅水分，讓糞便體積增大，刺激腸道蠕動，使排便通暢。纖維素就好似混凝土裡面嘅鋼筋一樣，能夠將水泥同石固化，有助於大便成形。

因此日常飲食應避免食得太精緻，要確保纖維素佔食物中 30%-50% 體積，與此同時，亦要飲足夠嘅水，膳食纖維先能夠發揮到潤腸作用，否則纖維素會「阻腸」，反而會令便秘更嚴重。

4. 多做運動

運動能夠刺激腸道蠕動，醫生亦經常鼓勵進行胃腸手術後嘅病人盡早落床活動，目的就係促進腸蠕動恢復。運動方式不限，可以散步、慢跑、做瑜伽，因人而異。運動前後亦要注意補充水分。

5. 保持良好排便習慣

人體有兩個排便「天然時段」：一個係早上起身嘅「起立反射」，另一個係食飯後嘅「胃-結腸反射」。朝早起身由瞓底變成站立，腸道蠕動會增加，腸道就會產生一種巨大嘅蠕動波，推出大便。早餐後，胃結腸反射明顯（胃會通知大腸盡快開始運動），造就另一個排便嘅好時機。因此喚醒天然嘅排便反射對於改善便秘會有事半功倍嘅效果。