【通鼻塞】鼻塞點解決？7招助你K.O.長期鼻塞
到底點解會鼻塞？
造成鼻塞嘅原因有好多，除咗感冒或者過敏之外，息肉或過敏性鼻炎都可能造成鼻腔內部腫脹而造成呼吸困難：
1. 過敏性鼻炎
過敏性鼻炎嘅症狀為打乞嚏、流鼻涕、鼻塞等，好多人會誤將過敏性鼻炎當感冒來醫治。其實，過敏性鼻炎係鼻腔嘅一種過敏性炎症，原因係鼻粘膜分泌嘅清亮粘液引起後鼻滴液。通常亦會引起咳嗽或者嗅覺失靈嘅情況，間中會導致味覺減退、影響食慾，鼻塞嚴重時更可能會引起鼻血。
2. 鼻息肉
鼻息肉係一種鼻部常見嘅疾病，若鼻腔鼻竇黏膜發生嚴重嘅水腫而長期不治，就會喺重力作用下逐漸形成鼻息肉。
喺患上鼻息肉嘅早期，患者會經常感覺鼻腔內一直分泌鼻涕，而且鼻涕多數較為濃稠，甚至可能帶有膿性物質。
患上鼻息肉後，患者嘅鼻腔內毛細血管就不能正常地流通血液，從而膨脹，患者不但會經常鼻塞，更會出現其他由鼻塞引發嘅症狀，如嗅覺下降、閉塞性鼻音、扯鼻鼾等，長期更會引發慢性咽炎。
如何通鼻塞？
1. 聞洋蔥通鼻塞
鼻塞時，可將洋蔥用刀切成片放喺鼻子前聞一聞，深呼吸一分鐘，鼻塞問題就會得到舒緩。
2. 側睡
改變睡眠姿勢亦可以有助改善鼻塞問題。側睡能令上側鼻道放鬆，令呼吸更暢通。
如果你習慣仰睡，可以用幾個枕頭墊高頭部，減少分泌物積聚喺鼻子內，幫助改善鼻塞問題。
3. 毛巾熱敷
將毛巾泡入熱水中，擰乾後敷喺鼻子周圍約五分鐘，若毛巾冷卻則可再泡一次熱水再敷。熱毛巾嘅蒸氣有助增加鼻腔內嘅空氣並加快纖毛活動，如鼻塞嚴重，可以每日敷約一至三次。
4. 室內放加濕器
方法 | 注意事項 | 進階方法 |
於室內使用加濕器，保持相對濕度在30%以上，可以大大減低鼻敏感發作 | 使用加濕機時，要記得開窗通風，補充新鮮空氣；另外亦要避免令房間過份潮濕，滋生細菌 | 如果選用香薰蒸氣機，可加入 1-2 滴天然尤加利、薄荷或茶樹精油，令呼吸道更快得以舒緩 |
5. 保持睡房清潔
方法 | 注意事項 | 進階方法 |
避免在房內懸掛衣物，應使用有櫃門的衣櫃 | 空氣中嘅灰塵、衣物上嘅纖維同床鋪上嘅塵蟎都係常見致敏源，要記得時常清洗同晾曬衣物 | 同時使用空氣清新機，可以改善早上起床後鼻塞不適的症狀 |
6. 臉部按摩
第一步：舌頭尖頂在口腔上壁，用大拇指打圈搓揉眉心，維持20秒；
按摩眉心能夠刺激黏液流動並清除鼻竇粘液，並透過指壓通鼻塞。
第二步：用大拇指、中指分別按住左右眉毛眉頭，輕輕按壓，維持數秒後將手指慢慢地往眉毛中心、眉尾移動。
按壓眉間能刺激鼻竇粘液嘅流動，改善鼻塞問題。
7. 鎖骨按摩
第一步：用右手食指按壓左邊鎖骨根部，慢慢摸索移動，找出疼痛部位；
第二步：將食指放喺疼痛位置，手肘舉到肩上彎曲90度，輕輕按壓，不可大力按壓或搓揉。
鎖骨下面隱藏著接通臉部內側眼睛、鼻子、喉嚨嘅淋巴管位，因此只要按摩舒緩鎖骨下面嘅淋巴，令其血液循環變好，鼻子就能馬上暢通無阻。
如何徹底根治鼻塞？
要長久有效對抗鼻塞問題，就必須減少生活中嘅致敏源。
由於空氣、食物或者皮膚接觸到嘅物體都有可能引起過敏性鼻炎，所以治療過敏性鼻炎不應採用與感冒同等嘅治療方法，而應盡快遠離過敏源。如果你唔清楚自己致敏源係咩，應及時向醫生咨詢，進行檢查。平時亦要注意飲食平衡，養成良好嘅衛生習慣，定期運動，加強免疫力同做好預防工作。
而對待鼻息肉引起嘅鼻塞，一般可通過手術進行切除，如果早期症狀較輕，可先通過服用藥物來處理。