毛孔粗大點解決？收毛孔要去美容院？ 收毛孔方法逐個睇！

正所謂一分耕耘一分收穫， 經常正確護膚嘅朋友，肌膚容易保持靚靚狀態。相反，以唔正確嘅方法或者疏於護膚嘅朋友，往往容易遇上毛孔粗大等等嘅肌膚問題。如果你受毛孔粗大問題困擾，以下嘅詳細介紹就啱哂你啦！

1. 油脂分泌旺盛

唔好嘅生活習慣會令油脂分泌旺盛，呢啲油脂會堆積喺毛囊， 造成毛孔粗大， 甚至形成痤瘡。如果想皮膚變得好，最好就戒煙酒、食少啲刺激食物、減少熬夜。

2. 紫外線輻射／曬傷

防曬做得唔好，隨時睇落老十歲。雖然咁講有啲誇張，但係紫外線嘅殺傷力不容小覷。紫外線中嘅長波（UVA）會導致皮膚老化，破壞膠原，導致毛孔粗大問題。

3. 肌膚代謝減慢

隨著年紀增長，你會發現面上嘅毛孔越嚟越大，咁係因為肌膚代謝變慢，膠原蛋流失，皮膚隨之開始松垮。由於皮膚周圍長期受壓，毛孔就會凸顯出嚟。代謝減慢同油脂分泌造成嘅毛孔粗大嘅分別在於後者毛孔唔會集中喺某個區域，而係會隨著皮膚衰老一齊喺面上出現。

4. 清潔不當

使用不合適的護膚品亦有機會堵塞毛孔以致毛孔變大；而過份清潔皮膚亦會干擾正常嘅角質代謝，導致粉刺增多。

1. 勤防曬

過度日曬好容易導致膠原蛋白同彈性蛋白流失，令毛孔失去支撐，所以防曬步驟絕對唔可以馬虎！

2. 適當清潔

毛孔被油脂擠塞後會睇落更大、更明顯。所以，面部清潔工夫絕對不能忽視。潔面產品要根據膚質同季節相應選擇，有乾性皮膚嘅人士應盡量使用較溫和嘅洗面奶，如果皮膚屬於油性，可以嘗試溫和嘅泡沫洗面奶，透過泡泡作用嚟清除面上嘅油脂。 另外亦可以使用含礦物質成分嘅硫磺皂洗面，只要定期使用就可以逐漸改善炎症。

3. 保濕鎖水

對於缺水型毛孔粗大問題，最簡單嘅收細毛孔方法就係為皮膚補水，多使用具保濕功能嘅護膚品，令肌膚長期「飲飽水」。 勤敷面膜，尤其係海藻面膜。天然海藻中蘊含豐富嘅海藻膠，極具補水性同緊縮性。敷海藻面膜時，海藻面膜入面嘅成分會幫助改善皮膚分泌狀態，有助收細毛孔，特別適合毛孔粗大嘅油性肌膚。

1. Laser治療

Laser治療毛孔粗大嘅方法有好多，現時較受歡迎嘅係點陣鐳射，點陣鐳射利用點陣脈沖光會作用刺激皮膚組織內嘅膠原蛋白增生，可有效收細毛孔，改善毛孔粗大問題。

2. 水光槍治療

好多人打針水光槍時會添加肉毒素，令收毛孔效果大upgrade。但一定要按照療程嚟打水光針，而且唔可以每次都添加肉毒素。肉毒素一定要三個月以上先可以進行第二輪嘅注射，假如每次打針水光針嗰陣都添加肉毒素，有好大可能會產生對A型肉毒素嘅抗體，減低肉毒素效果。

3. 果酸煥膚治療

用高濃度果酸可以幫助老化角質層代謝，令角質細胞同上層嘅表皮細胞更新速度加快，改善毛孔粗大問題。每個月使用一次20%到35%嘅果酸就可以得到理想嘅收毛孔效果。使用果酸同時亦可配合家居護膚品一齊使用。朝早使用低濃度嘅果酸護膚品，夜晚就使用一啲A酸護膚品（太陽下千萬唔可以使用，當A酸接觸紫外線會產生不良化學反應），持續使用一個月後，毛孔粗大問題就會受到控制。要留意果酸換膚治療方法並唔適合肌膚敏感人士。

4. 海藻矽針

另一種推薦嘅收毛孔療程就係海藻矽針，利用天然生物萃取矽藻， 配合晶體矽質針，深入皮層進行煥膚，令老化的角質層自然的剝除。 海藻矽針療程可以滲透角質層，減淡暗瘡印、收細毛孔、達至美白煥膚的效果。 想了解更多海藻矽針的資訊及優惠可以睇下以下文章：