了解濕疹-成因、預防方法、止痕治療比較

了解濕疹-成因、預防方法、止痕治療比較

更新於2019年12月17日
分享

相信好多小朋友同大人成人都曾經受濕疹困擾。濕疹係一種十分難搞嘅皮膚炎症,輕則影響外觀,嚴重的話更會導致焦慮情緒,影響日常生活。 我哋整理咗以下濕疹嘅詳細介紹同針對濕疹嘅治療方法,希望幫你改善濕疹問題!

一、濕疹係咩?

濕疹係由多種內外因素引起瘙癢劇烈嘅一種皮膚炎症反應,患者會感到瘙癢。皮損以紅斑、丘疹、丘皰疹為主,皮膚上會出現多數密集嘅丘疹同小水皰,基底潮紅,逐漸融合成片。濕疹症狀常見於小腿、手、足等部位,病情反復,而且治療程序比較複雜。

圖片來源:epochtimes.com

二、濕疹有咩成因?

濕疹呢種疾病變化多端,醫生進行濕疹治療嘅時候, 通常認為主要嘅濕疹成因有兩方面:

濕疹類型

按照濕疹皮損嘅表現可以分為兩種情況。急性濕疹、同慢性濕疹。

急性濕疹

急性嘅濕疹症狀通常係突發大量密集嘅丘疹、丘皰疹或小水皰,瘙癢程度劇烈。成人濕疹發作嘅部位如果喺手指就要考慮汗皰疹,儘快進行消炎止癢,預防感染,避免病情進一步惡化。如果急性期濕疹一直持續,嚴重嘅發炎或感染會進一步發展成為亞急性濕疹。通常呢類患者屬於濕疹體質,需要時刻避免各種誘發因素,同時加強保濕,促進皮膚修復。

慢性濕疹

如患有慢性期嘅濕疹,代表表皮已經反復嚴重發炎好長時間,呢個階段應該著重保濕,令新嘅表皮細胞健康生長,替代原先嘅受損細胞角質。

圖片來源:dermatologytimes.com

外因

外因即係外界生活環境為皮膚帶嚟嘅刺激,各種動物皮毛、化妝品、肥皂、人造纖維等均可誘發濕疹。患者喺濕疹發作之前接觸過某些物質、進食某類食物、或者可可以明確搵出某個外在因素同濕疹發作相關,咁樣嘅情況就屬於外因性濕疹。

圖片來源: zhihu.com

內因

如果實在搵唔到外在嘅誘發因素,就應該考慮內因性濕疹。內因性濕疹通常同個人體質有關。嬰兒及小童患者通常受異位性皮膚炎影響而引發濕疹。成人濕疹側通常同自身免疫系統失調有關,好似慢性消化系統疾病、精神緊張、失眠、過度疲勞、內分泌失調、新陳代謝障礙等問題,就屬於內因性濕疹。

圖片來源: 9ht.com

三、濕疹的保養與預防

避免刺激患處

一旦濕疹發作,就會伴隨難以忍受嘅痕癢,患者通常會情不自禁咁用手去𢲷,殊不知呢個做法反而會刺激已經脆弱嘅表皮,誘發病灶嘅微血管擴張,導致皮膚表皮受損,進而引發感染。同理,用熱水沖、帶著手套揉搓,或者用手去摳等方法都唔可取 。

真係好痕癢嘅話,建議請醫師立即開止癢藥物,並且使用冷水或微涼水沖洗,再用保濕乳液擦拭。

圖片來源: beyorgbeauty.com

保持皮膚溫和濕潤

好多人認為濕疹就係因為太「濕」造成,皮膚保持乾燥先會好得快。其實正正相反,濕疹皮膚好怕乾,所以一定要經常保持滋潤 。

日常生活中應該注重身體嘅清潔同保濕,盡量唔好用熱水或肥皂沖涼。沖完涼之後唔好擦得太乾,當皮膚略帶一點濕潤嘅時候就應該即刻進行身體保濕護理,塗抹保濕乳液,或者更多油份嘅油膏。

圖片來源: freepik.es

注意飲食

濕疹患者並唔需要特別忌口,但當濕疹發作期間,就要避免進食辣椒薑蒜、油炸物、火鍋、酒類等食物。另外,平時應該適當補充維生素,飲多啲水補充水分。

圖片來源: new.qq.com

改變日常生活

濕疹患者應避免乾燥寒冷嘅環境,冷氣溫度唔可以太低,適當嘅溫度有助保持室內環境嘅濕度。衣著方面可以選擇棉質衣物,化纖類衣物會對皮膚造成摩擦,對於皮膚嘅刺激同傷害比較大。

四、濕疹治療方法

雖然上述習慣可以改善濕疹,但有啲頑固性濕疹仍然會反復發作,造成長期困擾。 如果想著手徹底擊退濕疹,可以參考以下做法,透過三個步驟:濕敷、紫外線光療同使用抑制免疫反應嘅藥物,三管齊下!

用藥物/保濕產品濕敷

紫外線光療

口服或注射藥物

使用方法

1. 將藥物或保濕劑作為乳液塗抹在皮膚上

2. 於患處包裹乾淨的水浸紗布或織物

利用UVB光儀器治療整個身體或者選擇處理未覆蓋的身體部位

治療濕疹主要藥物包括Alitretinoin及Dupilumab

作用原理

增加皮膚的水分含量,防止皮膚乾燥和龜裂

使用紫外線減低身體炎症反應

利用不同藥物抑制身體的免疫反應

效果

舒緩皮膚乾燥和炎症

緩解瘙癢,增加皮膚中的維生素D,幫助皮膚抵抗細菌

減少皮膚炎症

時間

沖涼或保濕後,每次10-20分鐘

每次幾秒至幾分鐘療程為期數月,改善後可減少使用頻率

根據藥品說明書指示而定

總結

雖然濕疹暫時未有可以根治嘅治療方法,但係濕疹患者都唔洗灰心!只要平時多注意保養同預防,就可以舒緩濕疹病情。輕度嘅濕疹更加可以透過做好基本日常護理而痊癒。如果患有中度以上嘅濕疹,應該及時去醫院就診,通過相應嘅治療,避免病情惡化,儘早改善濕疹問題。