必讀!8大熱門男士髮型推介

更新於2020年12月28日

除咗衣著打扮之外,提升男士顏值指數嘅方法就係擁有一個時尚嘅髮型!男士髮型嘅選擇其實有好多,唔想髮型一成不變,不妨參考下近年最受歡迎嘅男士髮型,趁換季改變形象,隨時會有驚喜!

1. 大熱韓式中分瀏海

首先介紹嘅係韓式髮型,韓系髮型並唔係女仔嘅專利,其中大熱中分瀏海就受到一眾時尚男女嘅青睞。中分瀏海於70年代十分流行,最近興起嘅韓式中分瀏海重新演繹這個傳統髮型。 韓式中分嘅特別之處在於除咗將瀏海又中間位置平均分開兩側之外,仲會加入更多變化,例如配搭微捲造型,令頭髮有蓬鬆隨性嘅感覺。而兩邊頭髮就用漸層嘅技巧呈現出一層層嘅波浪線條,增加層次感,打造出富自然效果的男士髮型。中分瀏海嘅長度一般到眉毛或稍微超過眉毛,如果想剪中分瀏海就要留有一定長度嘅頭髮。

圖片來源: Manson Ku @ Hanabi Hair Studio x Salon Paradise

2. 韓式逗號頭

大家對韓式逗號頭一定唔會陌生, 韓星朴寶劍、姜東元、南柱赫等都剪逗號頭。要打造逗號頭,首先將兩邊瀏海分界然後再將兩邊瀏海髮尾內捲成C字型, 兩側頭髮側梳至貼服。如果想做出更率性嘅感覺,可以將頭髮比例較多嘅一邊瀏海向內捲。無論係中分抑或側分逗號瀏海,都可以修飾額頭闊度,更貼近理想面型。

圖片來源: Manson Ku @ Hanabi Hair Studio x Salon Paradise

3. 懶惰隨性微捲

想一訓醒就有自然輕盈嘅男士髮型? 既浪漫又帶點凌亂美嘅短曲髮飄逸隨性,絕對係男神髮型必選款!韓式微捲比一般捲髮嘅捲度少,而不規則嘅捲度令頭髮自然蓬鬆,一啲都唔死板。微捲髮型嘅關鍵在於有豐富層次感 ,如果配合各種髮色同埋有光澤嘅髮質就可以令髮型線條更突出搶眼,成為全場焦點!

圖片來源: Manson Ku @ Hanabi Hair Studio x Salon Paradise

4. 型格Undercut

「Undercut」其實就係大家成日講開嘅「比比鳥頭」。Undercut 指將左右兩邊剷青,保留頂部頭髮,這個男士髮型深受大眾歡迎嘅原因莫過於佢簡單而隆重嘅風格。Undercut 可以有好多變化,造出Undercut 嘅同時可以加上最近流行嘅歐美風刻線剪裁。髮型師會用剃刀於頭皮上刻劃出各種線條或者幾何圖形,如果鐘意簡約啲嘅設計,可以係頭髮一側剃出一條明顯嘅分界線,利用頭皮同髮色形成對比,令這個男士髮型更顯個性。

圖片來源: Manson Ku @ Hanabi Hair Studio x Salon Paradise

5. 經典All Back頭

大熱天時,清爽、有活力嘅all back 頭特別搶眼。要做出滿意嘅all back 頭,就一定唔可以懶!掌握好gel all back 頭嘅技巧就可以隨時隨地保持髮型蓬鬆感,防止扁塌。打造All back髮型最重要係頭髮有一定嘅厚度,吹髮時可用手輕輕將頭髮向後梳,再用造型品定型, 提升男士髮型質感。

圖片來源: Manson Ku @ Hanabi Hair Studio x Salon Paradise

6. Textured Crop

新興歐美髮型Textured Crop逐漸風靡亞洲!Textured Crop嘅重點在於頭髮兩側以漸層形式從下而上推,頭髮越貼近耳邊長度越短。漸層效果讓底部頭髮自然接合頂部,睇上去乾淨俐落。如果想拉長面型可以將頂部頭髮修短,凸顯頭型同下顎線條。最重要嘅一點係Textured Crop唔挑髮質,無論係天生捲髮抑定直髮都適合,瞬間增添型格。

圖片來源: Manson Ku @ Hanabi Hair Studio x Salon Paradise

7. 平頭 Buzz Cut

平頭顧名思義就係將頭髮剪至均勻嘅長度, 於頭部四周剷青。平頭嘅好處在於清爽易搭理, 適合出席任何場合,做運動時亦唔需要特別打理,輕鬆保持頭髮整齊, 如果本身頭型好看就更有優勢!剪平頭要注意兩邊頭髮嘅生長速度,尤其剷青頭髮很快就會重新長出,所以剪呢個男士髮型一定要養成定期剪髮嘅習慣。

圖片來源: justintimberlake@Instagram

8. 寸頭 Crew Cut

唔想頭髮太短嘅話可以考慮下平頭嘅變奏版寸頭。寸頭同平頭嘅分別在於寸頭嘅頭髮稍長,保留嘅髮量較多。亞洲人一般會順著頭髮生長方向將瀏海向前梳再gel起,令髮型更立體,增添陽光氣息。如果平時無乜時間打理髮型,寸頭係一個唔錯嘅選擇。寸頭基本上唔需要做定型,十分省時,最適合唔想花時間打理髮型嘅男士。

圖片來源: Manson Ku @ Hanabi Hair Studio x Salon Paradise

係咪無諗過男士髮型有咁多款式呢? 心郁郁想即刻恤返個型男頭? 快啲睇下我哋嘅全港髮型屋指南:精選男士髮型優惠 - 全港1,700+間Salon|店舖資訊|圖片|評價,睇吓全港各區有咩男士剪髮優惠啦!

Toby精選髮型師 - Manson Ku @ Hanabi Hair Studio x Salon Paradise

Manson擁有多年理髮經驗,細心了解你的需要,並和你一起設計一個新造型,為你創造出屬於你自己的個人風格。就算是簡單的洗剪吹也一絲不苟,髮型師通過改變髮型的長短、層次,令你擁有煥然一新的造型、展現個人風格!

更多男士髮型優惠