【抗炎須知】教你4方面判斷美容院、髮型屋同按摩店衛生程度
1. 員工方面
當值必須戴口罩
見到全城一罩難求就知口罩係今次抗炎期間嘅角色有幾重要，可以係最直接預防病菌傳播嘅方法，Toby第一件事梗係要確保我哋推薦嘅商戶都做好呢個基本步啦！做facial、剪髮同按摩期間都有不少近距離身體接觸，所以商戶都需要員工長期戴住口罩，甚至乎要求客人都戴口罩，咁先有效保障雙方！
上班前需量度體溫
為咗令客人安心，好多商戶都要求員工上班前量度體溫，確保無任何發燒跡象。
需在提供服務前清潔雙手
做美容treatment或按摩基本上都一定會有直接嘅身體接觸，因此，現時大部份商戶都講明員工喺接待每一位客人前需洗手或消毒雙手，確保衛生。
2. 客人方面
為客人提供消毒用品
除咗員工自身嘅衛生情況外，商戶都希望客人同樣做足預防措施。 美容院、髮型屋，按摩院更加係好多人出入嘅地方，因此商戶都會儘量請客人到店時清潔好雙手，
只接受本地客人
為求令客人安心，好多按摩店都講明呢段時間只係接待本地客人！
為客人免費更改療程時間
美容院都會有嚴格嘅預約制度，好多時臨時改時間都需要額外收費。 喺呢段時期，好多美容院都願意為有發燒症狀及14天內曾到中國湖北省人士免費更改療程時間，以防有人為咗唔想畀罰金而「頂硬上」！
3. 場地方面
定時徹底消毒場地
每日都清潔場地係基本野㗎啦，但近期各美容院、髮型屋同按摩店都會加勤清潔同消毒，儘量幾個鐘就用消毒布抹下有人接觸過嘅枱凳，務求客人可以喺一個更舒適嘅環境下享受服務！另外，好多商戶都放置咗消毒地毯喺門口，等每個客人進入店舖時都可以消毒一下鞋底。
確保客人之間有適當距離
Salon同按摩呢啲場地平時都可能會同隔離位坐得好近，而我哋嘅商戶則承諾會儘量分隔客人，中間隔至少一個空位，咁萬一其他客人打個乞嚏都無咁驚啊嘛～
獨立房間
如果真係想去做個按摩，可以揀返啲有獨立房間嘅按摩店，咁就可以避免接觸太多人！
4. 用具方面
加強療程用品的清潔
其實現時好多美容院都會儘量使用一次性及有獨立保裝嘅用具，但如果儀器用具無法更換，佢地都會勤加清潔同消毒，咁客人就唔洗驚上一手會留底啲「污糟野」啦！
妥善處理衣物
客人做按摩或者美容療程時都會換上中心提供嘅舒適衣物，而Toby認證嘅商戶均承諾每個客人著完嘅衫褲同使用過嘅毛巾都一定即時清洗，絕對唔會喺無處理過嘅情況下重用，而用嚟舖床嘅毛巾都會每次更換。
睇完以上嘅防疫tips後希望可以令需要出門口嘅大家安心，當然最好都係少出門口啦！而真係有需要set頭、做facial或者按摩嘅你，不妨用Toby商戶指南去篩選經我哋認證、有做足防疫措施嘅商戶，你亦可以逐間進入商戶頁面左下角【商户特色】睇下佢哋有咩應變措施。
美容院推介一 - Seau Beauty (中環)
Seau Beauty非常注重衛生同私隱，每間療程房內都有獨立洗手盆確保美容療程安全衛生。房間亦設有私人浴室，清潔用品亦係自家安排，私人度高之餘亦夠晒乾淨！店內仲特意進行咗醫療級別嘅消毒工作 - 殺菌、除味、祛致敏原、處理霉菌及甲醛，確保每一位客人在一個舒服及安全清潔環境下享用美容療程。
美容院推介二 - Bora Beauty (尖沙咀)
Bora Beauty 開業至今，深信誠懇用心服務，給客人建立信心，連續多年業界頒發優秀專業美容院嘉許，每位都是十年以上的資深美容師。 堅持使用原廠正貨的產品，持續引入外國先進的名廠儀器。 喺呢段抗炎時間更加做齊上述所有衛生措施，務求所有客人可以放心享受。
美容院推介三 - Nachu Beauty (旺角)
Nachu Skincare & Beauty喺位於旺角聯合廣場地舖嘅一站式美容院，前舖提供優質美容零售，而後舖則提供美容護膚療程。兩位創辦人除咗係90後靚女外，都係國際專業認可嘅美容師、化妝師同飄眉師。 去過Nachu嘅朋友都應該知道舖頭本身就打理得好乾淨企理，小店亦有一個好處就係同時間接待唔到好多客，好多時都等於包咗場咁，咁就唔洗要同好多客人共處一室啦！
髮型屋推介一 - Keyvin Mok @ ii Alchemy (中環)
Keyvin Mok @ ii Alchemy 位於中環最尊貴的Landmark核心地段，店內的空間十分寬敞，座位運用間隔式排列設計，保證整頭嘅時候唔會同其他客坐得好近。另設有VIP房，畀你盡享私人空間。
髮型屋推介二 - Āto Hair Club (中環)
Āto Hair Club高踞於旺角朗豪坊49樓，客戶可以一邊享受日式理髮服務，一邊飽覽維多利亞港海景。 店內擁有舒適寫意的環境及高端專業的設施及儀器，為眼光獨到的會員提供一個尊享的私人空間。 另有VIP房供客人選擇，適合呢段期間想整頭但又想減少同其他人接觸嘅客人！
按摩店推介一 - 泰然 (旺角)
泰然開業多年，為了能讓香港人享受到正宗的泰式按摩，店主特地到泰國採購各種按摩用品，加上店內泰式裝潢，令按摩環境充滿泰式風情。為咗令客人放心享受按摩，店內放有空氣淨化機每兩小時進行一次空氣消毒，亦有提供抗炎抗菌嘅熱茶畀客人增強抵抗力。
按摩店推介二 - 慢活谷古法泰式按摩 (旺角)
即日起，慢活谷已採用高度安全抗疫措施，為大家提供一個既衛生又安全的環境做按摩，除咗要令客人按得舒適又安心，更重視是關注每位客戶健康，因此全店上下定必保持一個衛生清潔環境畀客人放鬆身心。