【消滅石頭瘡】了解石頭瘡成因，教你回復白滑美肌

更新於2020年08月06日

一文看清石頭瘡成因、治療方法同療程推介，仲有Toby獨家中藥暗瘡療程，助你皮膚回復白滑

講到暗瘡，相信唔少人都被佢困擾著。暗瘡嘅類型都非常多，而且喺唔同年齡階段都有生暗瘡嘅可能。滿臉暗瘡除咗會影響到日常心情，仲會因為長期生暗瘡而感到自卑，搞到同人交流都冇晒自信。到底點解會生長期難退嘅石頭瘡？應該點處理久久未癒的暗瘡？

石頭瘡是甚麼？

石頭瘡屬於聚合型痤瘡，相對喺很嚴重嘅類型。佢由暗瘡結節融合而成，表面高低凹凸不平，好似數串小顆粒積結喺皮膚入面。一般而言，石頭瘡並無膿頭，或者要生長日久先會慢慢成膿，顯出白頭；但大部分都只會一直保持暗紅、局部微微腫起嘅狀態，形狀較大而不規則，撳落去硬硬地就好似石頭，因而得「石頭瘡」嘅俗稱。

石頭瘡屬於囊腫性，會紅腫，體積較大和較硬，比一般暗瘡較為嚴重。生長位置可遍佈整個面部，除了前額、鼻子、下巴等部位外，石頭瘡多出現在容易出油嘅T字位，喜歡食辣嘅朋友多爆發於面頰兩側，女性在月經前期多見於下巴。

石頭瘡嘅病程較長，喺臉上容易大規模地爆發，面積較大，非常礙眼，嚴重的話可在面上留下永久性嘅疤痕，形成凹凸洞，如果急性爆發的更可能有發熱感。

圖片來源: 養康中醫館

點解會有石頭瘡？

1. 內分泌失調

青春期或女性經期前後荷爾蒙分泌特別旺盛，刺激皮脂分泌，增厚角質，容易引發石頭瘡。如果工作壓力過大、情緒不穩定、睡眠品質差，都可能導致內分泌失調。

圖片來源: Elle.com.hk

細菌感染

毛孔堵塞容易使引發暗瘡的細菌過量繁殖，誘發炎症，情況嚴重會變成石頭瘡，就算炎症消退後，都會容易留下紅印同硬塊。

不良的生活習慣

例如帶妝睡覺、熬夜、飲食不規律、過分濃味、皮膚清潔不當（包括過分清潔或缺乏清潔）等都會引發石頭瘡。遺傳、胃腸功能紊亂都可能喺生石頭瘡的原因之一。

石頭瘡點解決？

千祈唔好擠暗瘡！無膿頭嘅石頭瘡就更加唔可以多手去嘗試擠，因為會增加發炎和留疤嘅機會。另外都需要保持皮膚清潔，多食蔬菜和水果，少吃脂肪、糖類、奶類和辛辣等刺激性食物。用溫水同為暗瘡肌而設嘅潔面產品，保持良好的作息習慣。

如果暗瘡情況嚴重，可以搵皮膚科醫生或中醫，經醫生處方口服抗生素或塗上藥膏，可以抑制誘發暗瘡的細菌生長，但留意藥膏不要塗得太厚，否則會令皮膚有負擔。

以下Toby 會介紹幾種常見治療方法比大家參考~

治療石頭瘡的美容療程

普通含膿嘅暗瘡大多會用針清治療，但如果喺石頭瘡就多會按皮膚狀態和暗瘡的嚴重程度採用不同療程。治療嚴重暗瘡問題嘅方法包括：

1. 口服A酸

口服 A 酸能令皮脂線收縮，同時減少皮脂分泌，繼而抑制痤瘡桿菌的生長。如果石頭瘡問題嚴重的話，可以服用A酸，但記得注意保濕。

2. 果酸換膚

高濃度果酸可以幫助老化角質層代謝，令角質細胞同上層嘅表皮細胞更新速度加快，改善毛孔粗大問題；同時達到消腫消炎效果，令石頭瘡消失。

3. 激光療程

碳粉激光會產生熱能令擴張毛孔，讓微小碳粉粒子深入滲透毛孔，直達皮脂腺；高激光溫度將吸附肌底油脂污垢的碳粉氣化，在揮發時把油污一併清走。

中醫醫石頭瘡更有效？

中醫治療所針對嘅唔喺石頭瘡本身，而是導致石頭瘡爆發嘅內在體質，所以可能比用美容治療更能夠從根本上解決問題。

從中醫角度嚟睇，石頭瘡喺因氣血不足、瘀血堆積在身體裏形成。如果患者氣血不足，石頭瘡是泛紅、微微腫起而沒有膿，選擇清熱解毒、活血祛瘀之類的藥補品，反而會成為中醫眼中陰陽失衡的情況。反之，氣血不足則應該補氣血，宜選擇四物湯、四君子湯等的方劑，其中補氣尤為重要。中醫有「氣為血之帥」、「氣行則血行」嘅說法。當氣血運行不暢，積少成多就會導致石頭瘡三五成群爆發。如冇足夠的氣血讓它們成膿、潰破，石頭瘡就會一直唔斷尾。