【黑眼圈】了解黑眼圈有邊三種！4個生活小習慣消除黑眼圈
黑眼圈類型
有黑眼圈的人成日都畀人問：你最近好攰？就算現實生活幾好、幾輕鬆，都會因為黑眼圈而令自己睇起嚟好攰、面色差，仲會令人覺得比比實際年齡還老5歲。應該點樣改善黑眼圈呢？首先就要了解一下唔同黑眼圈的類型，黑眼圈類型依顏色去分，主要分成三大類：
顏色 | 成因 | 示意圖 (圖片來源: heho.com.tw) |
青色 | 水腫，例如唔夠瞓、攝取過多鹽分、生理期、懷孕末期都會引起唔同程度的水腫 | |
茶色 | 眼下色素沉積，可能同曬太陽、發炎、遺傳有關，另外無完全卸妝都會因為化妝品色素沉澱而形成茶色黑眼圈 | |
黑色 | 皮膚老化變薄，皮下脂肪或膠原蛋白流失，會令皮下血管變得明顯而見暗黑色的黑眼圈 |
黑眼圈的常見原因
黑眼圈的常見原因
1. 過敏，例如鼻敏感會令血液循環變差，導致微血管增生；
2. 作息不規律、疲倦、睡眠不足；
3. 遺傳；
4. 不正常的色素沉澱；
5. 過度摩擦或常捽眼；
6. 太陽暴曬，曬太陽會令身體產生黑色素，眼睛周圍的皮膚一樣會受色素影響；
7. 年齡增長，皮膚會變薄，脂肪和膠原蛋白流失，更顯眼睛周圍的暗黑色的血管。
如何減輕黑眼圈
防曬
做好防曬可以減少黑色素產生，除咗可以改善黑眼圈外，仲有助抗氧化、減少色斑沉澱，貪靚的女仔記得要時常做好防曬喇！
保濕
捽眼會刺激眼周皮膚，會加快黑眼圈形成，長期仲會造成眼紋，所以眼瞓、痕癢都盡量少捽眼，另外如果常戴con的話，都應該輕力溫柔去戴con，減少對眼部皮膚的刺激。
揀好化妝品同卸妝
謹慎選擇同使用化妝品，盡量少用多化學物質同刺激性的化妝品，同時都要徹底卸妝同清潔皮膚，減低皮膚負擔。
用眼霜
選擇適合自己的眼霜，如果黑眼圈特別嚴重的話，可以選擇專門怯黑眼圈的眼霜，堅持早晚使用，緊記唔好貪心用量過多，因為眼周皮膚比較脆弱，過重負擔容易形成油脂粒。
日常按摩護理
眼周的唔同穴道都可以刺激血液循環，減輕因血液積聚而成的黑眼圈，
1）以兩手大拇指輕輕按住內眼角附近的睛明穴，畫圓輕輕按摩10個圈。
2）合攏雙手食指及中指，貼住鼻翼兩側按眼下的四白穴，同樣用大拇指以畫圓方式按摩10個圈。
3）用大拇指按住眼尾的瞳子髎穴，以畫圓方式按摩10個圈。
記得按摩時要輕力，亦應該先用眼霜，以免過分拉扯皮膚，造成眼紋。
黑眼圈治療
如果黑眼圈情況嚴重，都可以以美容療程改善黑眼圈，例如近年好興的膠原電眼槍，喺眼周皮膚以磁力脈衝能量刺激膠原增生，促進血液循環，可以即時提拉眼周皮膚，減少鬆弛，仲可以改善黑眼圈，一次過處理晒所有眼部皮膚問題！